Жергілікті жердің макеті

Жергілікті жердің макеті — жергілікті жер бөлігінің оны неғұрлым жақсы сипаттайтын элементтері және жергілікті заттар көрсетілген кішірейтілген бедері. Жергілікті жердің макеті бөлімшелерде, құрамаларда, бірлестіктерде әскерлердің ұрыс қимылын қамтамасыз ету үшін пайдаланылады. Жергілікті жердің макеті оқу кластарында әскер қимылдарының тактикасын, артиллериядан ату ережелерін оқытуда (шағын полигонда және т.б.) пайдаланылады. Жергілікті жердің макеті жергілікті жерді жақсы зерттеуге, оқуды жақсы меңгеруге, әскерлердің алдағы болатын соғыс қимылдарының сипатын түсінуіне көмегін тигізеді. Жергілікті жердің макетінің бедері әдетте құмнан, гипстен, пенопластан жасалады; сондай-ақ топырақ, қар пайдаланылады. Жергілікті заттар, әскерлердің жай-күйі мен қозғалысы шартты белгілермен белгіленеді, немесе олардың металдан, ағаштан, қағаздан, шыныдан, резеңкеден, пластмассадан және т.б. жасалған модельдерімен белгіленеді. Жергілікті жердің макеті кішірейтілген масштабта, әдетте топографиялық карталарға немесе аэрофотосуреттерге ұқсас жасалады. Мүндай жағдайда 1:5000-нан 1:50000-ға дейінгі көлденең масштаб пайдаланылады. Тік масштабтар көлденең масштабтардан үлкенірек болады. Жергілікті жердің макеті кейде жергілікті жердің кішкене бөлігіне жасалады. Ол жерде винтовкалық патрондармен артиллериялық атысты елестететін атыс жаттығуларын өткізуге бәлады.