Зеренді

Ауыл
Зеренді
Әкімшілігі
Ел	ҚазақстанҚазақстан
Статусы	аудан орталығы
Облысы	Ақмола
Ауданы	Зеренді
Ауылдық округі	Зеренді
Тарихы мен географиясы
Координаттары	52°54′34″ с. е. 69°09′11″ ш. б.52.90944° с. е. 69.15306° ш. б. / 52.90944; 69.15306
Құрылған уақыты	1824
Уақыт белдеуі	UTC+5:00
Тұрғындары
Тұрғыны	7 128 адам (2023)
Сандық идентификаторлары
Автомобиль коды	03
Зеренді картада Зеренді Зеренді
Зеренді шекарасы

Зеренді — ауыл, Ақмола облысы Зеренді ауданы және Зеренді ауылдық округі орталығы.

Географиялық орны

Облыс орталығы - Көкшетау қаласынан оңтүстік-батысқа қарай 40 км-дей жерде, Көкшетау қыратындағы Зеренді тауының солтүстік-шығыс етегінде, Зеренді көлінің шығыс жағалауында орналасқан.

Халқы

Саны (1999, 2009, 2021)

1999	2009	2021	2021 2009-ға пайызбен	Ерлер 2009	Ерлер 2021	2021 2009-ға пайызбен	Әйелдер 2009	Әйелдер 2021	2021 2009-ға пайызбен
7698	▼7083	▲7162	101,1	3388	▲3460	102,1	3695	▲3702	100,2

Тарихы

Іргесі 1824 жылы қаланған. 1961 жылдан өзі аттас астық кеңшарының орталығы болып келді. 1997 жылдан Зерендіде астық қабылдау пункті, өндірістік кооператив, сүт зауыты, шаруа қожалықтары, серіктестіктер құрылған.

Кәсіпорындары

Нан зауыты, тұрмыстық қызмет көрсету комбинаты, құрылыс және көлік мекемелері, балық питомнигі жұмыс істейді.

Инфрақұрылымы

Жалпы білім беретін 3 мектеп, кітапхана, мәдениет үйі, кинотеатр, емхана, аурухана, дәріхана, санэпидемиялық стация бар.Кеңес Одағының Батыры М. Ғабдуллиннің мұражай үйі жұмыс істейді. Зеренді тауының баурайында жазғы лагерь, 2 демалыс үйі орналасқан. Ауыл маңындағы Жамантұз көлінің шипалы сазы емге жарамды. Зеренді көлінде ондатра өсіріледі, балық ауланады. Ауыл арқылы Көкшетау – Атбасар автомобиль жолы өтеді.