Кентау қалалық әкімдігі

Уикипедия — ашық энциклопедиясынан алынған мәлімет
Jump to navigation Jump to search

Кентау қалалық әкімдігіКентау қаласы, Қарнақ ауылдық округі (Қарнақ, Бүргем, Құшата, Шаштөбе ауылдары) Хантағы, Ащысай, Байылдыр кенттері кіреді.

0,6 мың км²-ге тең аумақты немесе облыс аумағының 0,5%-ын қамтиды. Қалалық әкімдіктегі халық саны 1.1.2004 жылы 80,5 мың адамды құрады, ал халықтың тығыздығы 1 км²-ге 134,2 адамнан келеді. Қала халқы 85,0%.

Әкімдік орталығы – Кентау қаласы, 1955 жылы құрылған.

Қаратаудан бастау алатын шағын өзендер жүйесінде орналасқан. 2003 жылы қалалық әкімдігінің кәсіпорындары 2041,8 млн. теңгеге өнеркәсіп өнімін өндірді: барит кені – 32,5 мың тонна, баритті концентраты – 16,2 мың тонна, 13 бірлік – экскаватор, 434,7 мың кВт трансформаторлар шығарды. Кентау қалалық әкімдігінің ауыл шаруашылық саласы Қарнақ ауылдық округі аймағында орналасқан. Барлығы 178 агроқұрылым бар, оның 8-і ӨК, 2-і ЖШС, 166 шаруа қожалығы. Ауыл шаруашылық жалпы өнімінде: көкөніс дақылдарының (47,4%), картоп (14,1%) және ет өндірудің (10,5%) үлес салмағы басым.

Кентау қалалық әкімдігі аумағында 8 аурухана, 4 емхана, 1 дәрігерлік амбулатория, «Ыбырайым», «Медцентр» ЖШС жұмыс істейді. Білім беру, мәдениет саласында 22 орта мектеп, балалар шығармашылық үйі, С.Байтереков атындағы музыка мектебінің бөлімшесі, Балалар көркемсурет мектебі, 7 кітапхана, 3 ауылдық клуб жұмыс істейді. Л. Алиева[1]

Дереккөздер[өңдеу]

  1. Оңтүстік Қазақстан облысының энциклопедиясы, 4-том