Леонардо Ди Каприо

Леонардо Ди Каприо
ағылш. Leonardo DiCaprio
Ди Каприо Уолл-Стрит қасқыры фильмінің Лондондық премьерасында (2014 жыл).
Жалпы мағлұмат
Туған кездегі есімі	Леонардо Вильгельм Ди Каприо
Туған күні	11 қараша 1974 (1974-11-11) (50 жас)
Туған жері	Лос Анжелес, АҚШ
Азаматтығы	АҚШ
Мамандығы	актер, кинопродюсер
Белсенді жылдары	1988 — осы уақыт
Марапаттары	«Оскар сыйлығы» (2016) «Алтын глобус» (2005,2014) «Күміс аю» (1997)
IMDb	ID 0000138
www.leonardodicaprio.com
Леонардо Ди Каприо Ортаққорда

Леонардо Вильгельм Ди Каприо (ағылш. Leonardo Wilhelm DiCaprio; 11 қараша 1974 жыл, Лос-Анджелес) — америкалық актер.

«Титаник», «Жағажай», «Нью-Йорк бандылары», «Опасыздар», «Қолыңнан келсе, мені ұстап көр», «Қарғыс атқандардың аралы» және «Түп» фильмдеріндегі рөлдерімен танымал. 14 жасында актер боламын деп шешкен. Сол кездің өзінде 30-дан аса жарнамаға түскен. «Санта Барбара» хикаясының бірнеше серияларында да эпизодтық рөлдерде ойнаған. 1994 жылы өзінің талантының арқасында «Жылдам және өлі» фильмінде басты рөлдердің бірін сомдайды. Оны әлемге әйгілі еткен «Титаник» фильмі болатын. Осы фильмдегі рөлі арқасында ол Голливудтегі жалақысы жоғары актерлердің қатарына қосылады.

Бастапқы жылдар

Леонардо Ди Каприо 1974 жылы қараша айының 11-інде Лос-Анджелес қаласында (Калифорния) дүниеге келген. Оның әкесі-Джордж Ди Каприо неміс-итальян тамырлары бар отбасынан шыққан. Леонардо Ди Каприоның анасы-Ирмелин Ди Каприо, Батыс Германия қаласы Ор-Эркеншвикте дүниеге келген. Болашақ актердың атын анасы қойған. Оның аты Леонардо да Винчиның құрметіне қойылған.

Леонардо бір жасқа толғанда ата-аналары айырылысты. Леонардо анасымен бірге қалды. Анасы бірнеше жұмыс істеп жүргенде Леонардо Лос-Анджелестің бірнеше кварталдарында тұрды.

Леонардо Seeds Elementary School мектебінде оқыды. Оны бітірген соң 4 жыл Los Angeles Center for Enriched Studies университетінде білім алды.

Мансап

Бастапқы жұмыстары

Леонардо алғаш рет экранға 2,5 жасында шықты. Ол кезде әкесі Леонардоны әйгілі балалар телешоуына апарған. 14 жасында Леонардо Ди Каприо актер болуды шешеді. Бір агентке Ди Каприоның аты да,шаш үлгісі де ұнап,оны жұмысқа алады. Ди Каприо 30-дан астам жарнама роликтеріне түседі және кейбір телехикаялардан эпизодтық рөл алады, олардың ішінде: «Санта Барбара», «Лессидың жаңа хикаяттары», «Розанна» және т.б.

1991—1995

Алғашқы рөлін «Мақұлықтар 3» қорқынышты кинокомедиясында сомдайды.1991 жылдан бастап Леонардо «Өсу ауруы» телехикаясында түседі.Роберт Де Ниро мен Эллен Баркинмен «Бұл жігіттің өмірі» фильмінде түсу үшін Ди Каприо телехикаядағы рөліннен кетеді.

1993 жылы Ди Каприо Джонни Депппен бірге «Гилберт Грэйптың хикаясы» драмасында түседі. Бұл фильмде ол Гилберттің інісі олигофрениямен ауыратын Арнидың рөлін ойнайды. Фильмге критиктер жақсы баға береді. Олигофрениямен ауыратын баланың рөлін сомдаған үшін Ди Каприо алғаш рет «Алтын глобус» пен «Оскар сыйлығыды» алуға номинанттардың бірі болады.

1995 жылы Ди Каприо Сэм Рэймидың «Жылдам және өлі» вестернінде түседі. Ди Каприодан басқа бұл фильмде Шэрон Стоун, Джин Хэкмен және Рассел Кроу түседі. Бұдан басқа Ди Каприо «Толық тұтылу» фильмінде Артюр Рембоны сомдайды.

Бұл рөлден кейін Ди Каприо Джим Кэрроллдың «Баскетболшы күнделігі» романының экранизациясында түседі. Фильмде Ди Каприо Кэрроллды сомдайды. Кэрролл-баскетболды ұнататын және жақсы тақпақ жазатын он алты жастағы жеткіншек. Бірақ алғаш рет есірткі қабылдаған соң Кэрроллдың өмірі деградацияға ұшырайды.

1996-2001

1996 жылы Леонардо Клэр Дэйнспен бірге Баз Лурманның «Ромео + Джульетта» фильмінде түседі. Бұл фильм қазіргі уақытқа көшірілген "Ромео мен Джульетта" трагедиясының интерпретациясы болып саналады. "Ромео + Джульетта"-Ди Каприоның әкесінің ең сүйікті фильмі.

Бұдан кейін Роберт Де Ниромен бірге «Марвинның бөлмесі» отбасы драмасында қиын мінезді жеткіншектің рөлін ойнайды. Фильмде Ди Каприомен бірге тағы Дайан Китон мен Мерил Стрип түсті.

Леонардоны ең әйгілі еткен картина Джеймс Кэмеронның «Титанигі». Алғашында Леонардо рөлден бас тартқысы келді. Кэмерон Ди Каприоның актерлік өнеріне сенім артқан соң, Леонардо фильмге түсуге келісімін береді. Фильм жылдың басты мәдениет оқиғасына айналды және «Оскар сыйлығыдың» 11 премиясын жеңіп алды. Алайда Леонардо "Ең үздік ер рөлі" категориясын жеңе алмады. Оскар сыйлығыды жеңе алмаса да, Ди Каприо осы жылы «Алтын глобусқа» ие кетті. Осы рөлдің арқасында Ди Каприо Голливудтың ең көп жалақы алатын актерлардың тізіміне кірді.

Ди Каприо камео ретінде Вуди Алленның «Жұлдыз» ақ-қара түсті фильмінде түседі. Бұл жылда Леонардо «Темір бетперде киген адам» фильмінде Людовик XIV рөлін сомдады. Бұл фильмді критиктер жақсы бағаламасада, картина АҚШ және әлем прокатында 180 миллион доллар жинайды.

Ди Каприоның келесі жобасы Дэнни Бойлдың "Жағажай" хикаятты драмасында болды. Бұл фильм Алекс Гарлендтың біраттас роман-бестселлер бойынша түсірілді. Леонардо бұл фильмде американдық туристің рөлін сомдайды. Турист жақсы өмір іздеп Таиландқа келеді. Бұл жақта нағыз жұмаққа ұқсас құпия аралға барады. Картинада Ди Каприодан басқа Виржини Ледуайен мен Тильда Суинтон түсті. Бұл фильм алдыңғы фильмдей критиктерден жаман баға алды. Бұл фильмнен басқа осы жыл прокатқа Ди Каприо түскен "Донс Плам" кафесі фильмі шықты.

2002—2007

Леонардоның 2002 жылдағы алғашқы фильмі - Стивена Спилбергтің «Қолыңнан келсе,мені ұстап көр» қылмыстық трагикомедиясы болды. Фильм Фрэнк Эбигнейлдің биографиясы бойынша түсірілді. Фильм 147 түрлі жерде және 52 күнде ғана түсірілді. Осы фильмдегі рөліне Леонардо «Алтын глобусқа» үшінші рет номинант ретінде кіргізілді.

2002 жылы Ди Каприо алғаш рет Мартин Скорсезенің «Нью-Йорка бандылары» фильмінде түсті. Бұл фильмнің сценариі - жергілікті американдық бандылар мен эмигранттар арасындағы Нью-Йорктағы қақтығыс туралы. Алғашында Мартин Скорсезе фильмнің жүзеге асыру идеясын сатқысы келді, бірақ Леонардо фильммен қызыққан соң, ол өз шешімін өзгертті. Фильмді критиктер де, көрермендер де жоғары бағалады.

Осы фильмнен кейін Ди Каприо Скорсезенің тағы бір фильмінде түсті. Ол фильм американдық бизнесмен Говард Хьюздің биографиясы бойынша түсірілген «Авиатор». Осы рөлге түсу үшін Леонардо жарты жыл дайындалды. Бұл фильмдегі рөлі үшін Леонардо алғаш рет «Алтын глобус» жеңіп алды.

2008—қазіргі уақытқа шейін

2008 жылдың басында Ди Каприо Ридли Скотттың Дэвид Игнатиустың біраттас романының желісі бойынша түсірілген «Өтіріктің тәсілі» фильмінде түсті. Фильм ЦРУ агентінің террористтерге қарсы күресі туралы әңгімелейді. Бұл рөл үшін Леонардо өз шашын басқа түске сырлады және қоңыр түсті линзаларын киді.

Бұдан кейін Кейт Уинслетпен бірге «Өзгерістер жолы» драмасында түсті. Фильм Парижге көшуді армандайтын жас отбасы туралы әңгімелейді. Осы фильм үшін Леонардо кезекті «Алтын глобус» номинациясына ие кетті.

2010 жылы Леонардо Деннис Лихейннің біраттас романының экранизациясы,Мартин Скорсезедің «Қарғыс атқандардың аралы» психологиялық триллерінде түсті. Картинада Ди Каприодан басқа Марк Руффало, Бен Кингсли мен Мишель Уильямс түсті. Леонардо бұл фильмде Эшклифф жындыханасында бір пациенттің жоғалу ісін тергеуге барған АҚШ маршалы Тедди Дениелстің рөлін сомдайды. Бұл фильмнен кейін Ди Каприо Кристофер Ноланның «Бастау» ғылымдық-фантастикалық фильмінде түсті.

2010 жылдың қараша айында Леонардо Ди Каприо Санкт-Петербургте өткен жолбарыстарды сақтау проблемасына арналған Халықаралық форумға қатысты. Осы айда Ди Каприоның компаниясы Эрик Ларсонның «Ақ қаладағы мақұлық» романын экранизациялау құқығына ие болды.

Леонардоның келесі жобасы Клинт Иствудтың «Дж. Эдгар» биографиялық драмасы болды. Бұл фильм ФБРдің алғашқы директоры Джон Эдгар Гувердің биографиясы бойынша түсірілді. Картинадағы рөлі үшін Ди Каприо кезекті «Алтын глобус» номинациясын алды.

2012 жылы Ди Каприо Квентин Тарантиноның «Азат етілген Джанго» спагетти-вестернінде түсті. Леонардо бұл фильмде алғаш рет жауыз рөлін сомдады.

Жыл өткен соң Леонардо Фрэнсис Скотт Фицджеральдтың «Ұлы Гэтсби» романының кезекті экранизациясында түсті.Бұдан кейін Леонардо кезекті рет Скорсезедің фильмінде түседі. Бұл фильмнің атауы - «Уолл-стриттегі қасқыр». Фильмнің негізі Джордан Белфорттың біраттас мемуары желісінде түскен. Белфорт-бұрынғы нью-йорк брокеры,ақша жымқыру және басқа қаржы қылмыстары үшін сотталған қылмыскер.

Жеке өмірі

Қазіргі уақытта американдық әнші Рианнамен кездесіп жүр.

Леонардоның Лос-Анджелестегі Бэттери-Парк-ситиде және Нью-Йорктағы Төменгі Манхэттенде үйі бар. 2009 жылы актёр Белиздің қасында орналасқан Блэкадор аралын сатып алды. Ол аралда Ди Каприо экологиялық таза курортты ашуды жоспарлайды.

2013 жылы актер Формула Е жарысына қатысатын Venturi Grand Prix Formula E Team командасының иесі атанды.

Фильмографиясы

Жыл	Қазақша атауы	Түпнұсқа атауы	Рөлі
1991	Мақұлықтар 3	Critters 3	Джош
1992	Улы шырмауық	Poison Ivy	Жігіт
1993	Бұл жігіттің өмірі	This Boy's Life	Тобиас Вульф
1993	Гилберт Грэйптың хикаясы	What's eating Gilbert Grape	Арни Грэйп
1994	Аяққа атылған оқ пен сауық кеш	The Foot Shooting Party	Бад
1995	Толық тұтылу	Total Eclipse	Артюр Рембо
1995	Жылдам және өлі	The Quick and The Dead	Бала
1995	Баскетболшының күнделігі	The Basketball Diaries	Джим Кэролл
1996	Ромео + Джульетта	Romeo + Juliet	Ромео
1996	Марвинның бөлмесі	Marvin's Room	Хэнк
1997	Титаник	Titanic	Джек Доусон
1998	Темір бетперде киген адам	The Man in The Iron Mask	король Людовик XIV
1998	Даңқтылық	Celebrity	Брендон Дэрроу
2000	Жағажай	The Beach	Ричард
2001	"Донс Плам" кафесі	Don's Plum	Дерек
2002	Нью-Йорк бандылары	Gangs of New-York	Амстердам Валлон
2002	Қолыңнан келсе мені ұстап ал	Catch Me If You Can	Фрэнк Уильям Абигнэйл
2004	Авиатор	The Aviator	Говард Хьюз
2006	Жолынан жаңылғандар	The Departed	Билли Костиган
2006	Қанды алмаз	Bloody Diamond	Дэнни Арчер
2007	Он бірінші сағат	11th Hour,The	Әңгімелеуші
2008	Өтіріктің тәсілі	Body of Lies	Роджер Феррис
2008	Өзгерістер жолы	Revolutionary Road	Фрэнк Уиллер
2010	Қарғыс аралы	Shutter Island	Тедди Дэниелс
2010	Бастау	Inception	Доминик Кобб
2011	Дж.Эдгар	J.Edgar	Эдгар Гувер
2012	Азат етілген Джанго	Django Unchained	Кэлвин Кэнди
2013	Ұлы Гэтсби	The Great Gatsby	Джей Гэтсби
2013	Уолл-стрит қасқыры	The Wolf of Wall Street	Джордан Белфорт
2015	Ревенант	The Revenant	Хью Гласс
2016	Ғаламшарды сақтау	Before the Flood	өзін-өзі сомдаған
2019	Голливудта болған оқиға	Once Upon a Time in Hollywood	Рик Далтон
2021	Төбеге қарама	Don’t Look Up	Доктор Рэндолл Минди
2023	Гүлді айын өлтіргендер	Killers of the Flower Moon	Эрнест Бёркхарт

Атақтары

Оскар сыйлығы жүлдесі

Жылы	Түскен киносы	Категориясы
2016	Оралған әруақ	Үздік актер

Алтын глобус жүлдесі

Жылы	Түскен киносы	Категориясы
2014	Оралған әруақ	Үздік ер рөлі(драма)
2005	Авиатор	Үздік ер рөлі(драма)

MTV арнасының жүлдесі

Жылы	Түскен киносы	Категориясы
1998	Титаник	Үздік ер рөлі
2005	Авиатор
2014	Уолл-стрит қасқыры	Үздік WTF моменты

Халық таңдауы жүлдесі

Жылы	Түскен киносы	Категориясы
2014	Уолл-Стрит қасқыры	Үздік ер рөлі(драма)

Сілтемелер

• Ресми сайты Мұрағатталған 3 тамыздың 2009 жылы.  (ағыл.)
• Леонардо Ди Каприо (ағыл.) Internet Movie Database сайтында
• Леонардо Ди Каприо Twitter сайтында
• Леонардо Ди Каприо Facebook парақшасында