Оңтүстік Тарава

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Оңтүстік Таравадағы Кирибати парламентінің ғимараты

Оңтүстік Тарава (ағылш. South Tarawa) немесе Теинаинано қалалық кеңесі (ағылш. Teinainano Urban Council) — микронезиялық Кирибати мемлекетінің ресми астанасы, Тарава атоллында орналасқан. Халық саны — 50 182 адам (2010 жыл)[1]. Халық тығыздығы — 3184,14 км²/адам. Аумағы — 15,76 км²[2].

Муниципалитеттері[өңдеу]

Оңтүстік Тараваның муниципалитеттер картасы (қызыл түс)

Оңтүстік Тарава елдің әртүрлі мемлекеттік мекемелері және негізгі кәсіпорындары орналасқан төрт қалалық муниципалитеттен тұрады: Бетио (ағылш. Betio), Баирики (ағылш. Bairiki), Бонрики (ағылш. Bonriki), Бикенибеу (ағылш. Bikenibeu) (олардың барлығы бір аттас аралдарда орналасқан)[3].

Бетиода, елдің басты порты, атоллдың басты электр стансасы, бірнеше үкімет мекемелері, Теңіз институты (ағылш. The Maritime Training Institute) және бірнеше сауда мекемелері орналасқан.

Бетио аралынан 3 км қашықтықта ораласқан Баирики аралында елдің басты үкімет мекемелері, соның ішінде президент резиденциясы, парламент, бірқатар министрліктер, Кирибатидің Ұлттық соты, пошта, телебайланыс мекемелерінің орталық кеңселері және қалалық базар орналасқан.

Бонрики муниципалитетінде Оңтүстік Таравадағы 60 орынға шақталған ең ірі қонақ үй, білім министрлігі, мұғалімдерді дайындау орталығы (ағылш. The Teachers Training College), ұлттық аурухана орналасқан.

Бонрикиден 5-7 км қашықтықта жатқан Бикенибеу аралында әуежай, Табиғи ресурстар министрлігі орналасқан.

Бонрики және Бетио көптеген бөгеттермен бірлескен.

Дереккөздер[өңдеу]

  1. Перепись населения (2010)
  2. Kiribati National Statistics Office. Kiribati 2005. Census of population and housing: provisional tables. Table 1. Population by Ethnic group and Island with Land Area and Density.. Басты дереккөзінен мұрағатталған 11 тамыз 2011. Тексерілді, 31 мамыр 2007.
  3. Trevor H.B. Sofield. Outside the Net: Kiribati and the Knowledge Economy.. Murdoch University, Western Australia. Басты дереккөзінен мұрағатталған 24 ақпан 2012. Тексерілді, 31 мамыр 2007.

Сілтемелер[өңдеу]