Стас Александрович Покатилов

Уикипедия — ашық энциклопедиясынан алынған мәлімет
Jump to navigation Jump to search


Стас Александрович Покатилов (08.12.1992 жылы Қазақстан Республикасы Орал қаласында) – қазақстандық футболист, «Қайрат» футбол командасының қақпашысы. «Ақжайық» футбол командасының тәрбиеленушісі, футболдан 2013 жылғы Қазақстан кубогының иегері.

Еңбек жолы[өңдеу]

Покатилов 8.12.1992 жылы Қазақстан Республикасы Орал қаласында дүниеге келді. Осы күні отбасында егіз балалар өмір есігін ашты, оның інісі Владимир Стастан он бес минут кейін дүниге келді. Бала кезінен атасы екеуін түрлі матчтарға апарып жүрді, сол себептен ағалы – інілі екеуі футболға қызыға бастады. Сегіз жасынан бастап екеуі Оралдың «Ақжайық» футбол командасында ойнай бастады. Мектепте оқып жүргенде Стас футболдан басқа баскетбол және волейболмен айналысты. Алғашқы жаттығулардан бастап Стас пен Владимир футбол командасында өз орындарын алды, Стас қақпашы, ал Владимир қорғаныс қызметінде болды. Стастың ең алғашқы жаттықтырушысы Виктор Кабалов болды. Шындығында, Стастың футболға деген қабілеті қақпашылардың жаттықтырушысы Эдуард Столбовтың көмегімен ашылды, ол он алты жасар Стасты команданың негізгі құрамына кіргізді.Покатилов 2010 жылы 16 мамырда бірінші рет «Ақжайық» командасында, 1/8 қазақстан кубогында «Ордабасы» командасына қарсы ойнады. Ойынның 86 минутында Роман Багаутдинов қызыл карточка алды, орнына Покатилов шықты, алайда, Тажимбетовтің пенальтиін тоқтата алмады. 2011 жылы 14 сәуірде ол Қазақстан кубогының 1/16 финалына ойынның бірінші минутынан бастап шықты, 74 минутта «Ақтөбе» командасының капитаны Смаков Саматтың пинальтиін тоқтатты. Сол ойында бес пеналтидің екеуін соқты. Келесі раундта да қақпаны Стасқа сеніп тапсырды, бірақ ол төрт доп өткізіп алды. Дәл сол сезонда Покатилов команданың негізгі құрамында жарияланды. Алайда он сегіз жасар қақпашы өзінен қарағанда тәжірибесі көп қарсыластарынан жеңіліп қалды. 2012 жылғы сезонда «Ақжайық» Премьер – лигаға шықты, және Покатиловтың жеңу мүмкіндігі аз еді, қақпашы Антон Цириннің келуі ол мүмкіндіктерді тіпті азайтып жіберді. Цирин жалданған еді және команданы сезонаралықта қалдырып кетті. Келесі сезонда «Ақжайық» командасы өз қақпашыларына сенім артуды жөн көреді.

2013 жылғы сезон[өңдеу]

2013 жылғы сезоннан бастап Покатилов «Ақжайықтың» негізгі қақпашысы болды. «Шахтерға» қарсы бірінші матчта оның өз – өзіне сенімділігі Қазақстанның нағыз чемпионын жеңуге көмектесті. Бірнеше айдан кейін Стас командада бірінші ойыншы болды. Оның жасы Қазақстан премьер – лигасына сәйкес келді, 2013 жылғы сезонда алаңға кемінде бір жас (1992 жылдан кейін туылған) қазақстандық шығуға міндетті еді. Покатилов өзіне сенімді болды және бірінші қателігін тек бесінші турда «Ертіске» қарсы ойында жіберді. Келесі кездесудің 94 минутында ол допты сүйір бұрыштан өткізіп алды. Кездесуден кейін Погос Галстян қандай жағдай болса да, қақпашыны кінәләмау керек екенін айтты. «Ақжайық» командасы үшін соңғы матч 2013 жылдың 30 мамырында «Тобылға» қарсы болды. Сонымен Стас Покатилов «Ақжайық» үшін 14 матч ойнап,тек 17 допты өткізіп алды. «Ақжайықта» қаржылық қиындықтар бола бастағандықтан, команда лидері Игорь Зенькович қарағандылық «Шахтер» командасына ауысып кетті, жаттықтырушы Погос Галстян да команданы тастап кетті.содан соң Стасты бірнеше команда шақырды, ол чемпиондар Лигасында ойнаған «Шахтер» командасын таңдады.

«Шахтер»[өңдеу]

2013 жылдың шілде айында Покатилов қарағандылық командаға ауысты және команданың бірінші ойыншысы атанды. «Қайратқа» қарсы бір матчта ол соңғы минуттарда допты өткізіп алды. «Востокпен» кездесулердің бірінде ол ешбір допты өткізбестен командасын бірнеше рет қорғап қалды. Келесі матч «Ақжайыққа» қарсы ойын болды, ойында екі команда да қарсыласына доп соға алмады. «Астанаға» қарсы ойынында Фокси Кетевоамның пенальтиін тоқтатты. Ойын соңында кішкентай жарақат алды. Командасы Еуропа Лигасына жолдама алды, ол ойында да Покатилов қақпашы болды. Алайда соңғы үш турда оның орнына Ткачук ойнады. 2013 жылдың қараша айнды Покатилов uefa.com жариялауы бойнша ең жақсы жас ойыншы атағына ие болды.

«Ақтөбе»[өңдеу]

«Шахтер» командасында қаржылық қиындықтар болғандықтан ол «Ақтөбе» командасына ауысады. Сидельников есімді қақпашы кеткен соң команданың бірінші ойншысы атанады және Еуропа Лигасының квалификациялық раундында ойнайды.

«Ростов»[өңдеу]

2016 жылдың 26 ақпанында Покатилов «Ростов» футбол командасының ойыншысы атанды.

Жетістіктері[өңдеу]

Командамен:

  • «Шахтер» - Қазақстан кубогының иегері
  • «Ақтөбе» - Қазақстан чемпионатының қола жүлдегері
  • «Ростов» - Россия Чемпионатының күміс жүлдегері
  • «Қайрат» - Қазақстан Чемпионатының күміс жүлдегері

Жеке[өңдеу]

  • Футболист – Қазақстан Премьер – Лигасының ашылуы
  • Қазақстан Премьер – Лигасының ең үздік қақпашысы

Дереккөздер[өңдеу]