Қатысушы:Sultanbekaizhan2002/зертхана

«Astana Ballet» театры — Қазақстандағы Астана қаласында орналасқан балет театры.

«Astana Ballet» театры 2012 жылы құрылды. Театрдың алғашқы концерті 2013 жылдың шілде айында көрсетіліп, бұл театрды көрермен қауым жылы қабылдағаны бірден көрінді. Осы күні театрдың жанкүйерлері Қазақстанда ғана емес, әлемнің түкпір-түкпірінде бар.

Astana Ballet
Орналасуы	010000, Астана, Улы дала 9
Сыйымдылығы	783
Негізделгені	2012
Директоры	Совостьянов Александр Александрович
Көркемдік жетекшісі	Канетов Нурлан Исмагулович
Бас дирижёрі	Уразгалиев Арман Куанышулы
Бас балетмейстері	Абубахриева Мукарам Сайдакимовна
Сайты	https://astanaballet.com/ru

Құрылу тарихы

«Астана Балет» театры 2012 ж. Қазақстан Республикасының Тұнғыш Президенті Нұрсұлтан Назарбаевтың бастамасымен құрылды. A. Селезнев атындағы. Алматы хореография училищесінің үздік түлектері труппаның негізін қалаған-тын. Ұжымның репертуары қысқа мерзімде дайын болады - бірінші қыркүйекте жұмысқа кіріскен ұжым, алты айдан кейін алпыстан астам би қойды. Оның ішінде, қазақ биінің классикалық үлгісі саналатын Зауырбек Райбаевтың «Ата толғауы» мен «Қос алқасы»; Ғалия Ысмайылованың «Малайзия биі», Надежда Калининаның «Тао йао» қытай биі, Арман Нұрмахаматұлының түрік биі; қазіргі отандық хореографтардың би миниатюралары: Гүлжан Тұткыбаева «Қазақ вальсі», «Жеті ару», Айгүл Тәти «Ақ-қыз», «Арулар», Мукарам Авахри «Скиф фрескалары» , «Аққулар», Анна Цой «Куанамын».

Қазақстанның еңбек сіңірген қайраткерлері Әлила Әлишева, Айгүл Тәти және Әсел Исабаевалар ұжымның негізін қалаған еді. Бір атап өтерлігі, тұңғыш кәсіби қазақ бишісі Шара Жиенқұлованың екі шәкірті - Қазақстанның еңбек сіңірген қайраткерлері Әлила Әлишева мен Айгүл Тәти ұжым репертуарын қалыптастырудың бастауында тұрған. Бірқатар би миниатюраларының идеясы мен авторы саналатын екеуі әлі де ұстазының дәстүрін жалғастырып келеді. Шара Жиенқұлова өзі шығарған билерге түрлі би мәдениетінің элементтерін қосып, синтезден өткізіп, дербес әрі терең қазақ ұлттық биіне айналдыратын. «Астана Балет» театрының ұстаз-хореографтары да осы сара жолдан жаңылған емес. Жарты жылғы жұмыс барысында түрлі елдердің танымал хореографтары шеберлік сыныптарын өткізді: Түркиядан Арман Нұрмахаматұлы мен Акдениз Четин; Саха Республикасы Мемлекеттік би ансамблінің бас балетмейстері Юрий Федоров; «Узбекистон» өзбек би ансамблінің жетекшісі Қадыр Муминов; америкалық хореограф Пол Гордон Эмерсон; Вашингтондағы Үнді би мектебінің жетекшісі Асанга Дамаск. Олардың бәрі де білім мен әдістерін ғана үйретіп қоймай, шағын хореографиялық қойылымдар сыйлап кетті. Соның ішінде, «Хорезм», «Ферғана», «Эвенк», «Якут» және үнді билері («Сарасвати Тәңіриясы» мен «Ганга») «Шығыс рапсодиясы» атты концерттік бағдарламаға енді.

2013 жылдың 1-шілдесінде ұжымның тұсаукесері барлық халықтар мен мәдениеттердің рухани бірлігінің орталығы саналатын Бейбітшілік пен Келісім Сарайының сахнасында өтуі де символдық құдіретке ие. Елордамыз Астанада көпшілікті тамсандырған қойылымнан кейін, театр өзінің алғашқы гастрольдік сапарына аттанып, Қытай Республикасының екі ірі мегаполисі - Бейжің мен Шанхайда, сонымен қатар, еліміздің бірқатар қалаларында, оның ішінде, Алматыда өнер көрсетті. Санкт- Петербордағы әйгілі Мариин және Михайлов театрларының сахнасында өнер көрсетуі Театр ұжымы үшін айтулы белес. «Астана Балет» театры талғампаз петерборлық көрерменнің де зор қошеметіне бөленіп, сыншылар тарапынан жоғары бағасын алды.

«Шығыс рапсодиясы» атты ұжымның алғашқы концерттік бағдарламасы әлемнің көптеген елдерінің сахнасында көрсетіліп, осы күнге дейін көрермен қауымның ыстық ықыласына бөленіп келеді. Мұндағы бишілердің пластикасы, әсем костюмдері мен шығыс мәнеріндегі би салтанаты - үшеуі бір жерден тоғысты.

«Астана Балет» театрының басты мақсатының бірі ұлттық хореографияны дамытып, жаңа ұлттық балеттер жасау еді. Бұл жоспарын сәтті орындады. Осы күні әйгілі ақын, этнограф Бақыт Қайырбековтың либреттосына қойылған қазақ балетінің трилогиясы театр репертуарының көркіне айналды.

Трилогияның алғашқы спектаклі - A.Амар мен Б.Ғафаровтың музыкасына мәскеулік хореограф Никита Дмитриевский қойған «Әлем» балеті. Премьера 2014 жылдың 26-маусымында өтті. «Әлем» - көшпелілер мәдениетінің аңыз-әпсаналарын терең көрсеткен қазақтың тұңғыш ұлттық балеті еді. Осы спектакльмен театр Вена, Париж, Мәскеу, Сеулдың сахналарында қазақ өнерін паш етті; «Әлем» Астанада өткен «Жібек жолы» фестивалінің аясында және әйгілі Мариин театрының сахнасында өткен «Звезды белых ночей» фестивалінде де көрсетілді.

Алғашқы премьерадан кейін жарты жылдан соң, 2014 жылдың 11-желтоқсанында отандық балетмейстер, театрдың бас режиссері Мукарам Авахри қойған «Жусан» спектаклінің премьерасы өтеді. Мұнда халықтың қайсар рухы мен тарихтың қанды бұралаң жолдары жусан бейнесі арқылы беріліп, көрермен көкейіне құйылды. Осы алғашқы көлемді туындысы арқылы - ұлттық болмысы терең, өзіндік қолтаңбасы бар хореографтың пайда болғаны белгілі болды.

Мукарам Авахридің кәсіби тұрғыдан өскені - Абай әндеріне қойылған «Ғашықтың тілі тілсіз тіл, көзбен көр де ішпен біл» атты хореографиялық вариациялардан тұратын үшінші ұлттық балетте айқын білінді.

«Жусан» спектаклінің қойылымымен қатар, ұжым әртістері, Мариин театрының этуалі, Ресей Халық әртісі Алтынай Асылмұратованың жетекшілігімен «Ғасырдан ғасырға» концерттік бағдарламасын (премьера: 2015 ж. 28-қаңтар) жасады. Мариус Петипаның классикалық мұрасының шедеврі («Корсар» балетінен «Жайқалған бақ»сахнасы) менорыстыңұлы балеринасы Анна Павлованың репертуарындағы миниатюралардан («Орыс биі», «Инелік», «Рондино», «Калифорниялық көкнәр», «Түн», «Аққу») құралған бағдарлама жас труппаның әлемдік балет бұлағынан нәр алып, кез-келген балет ұжымының негізі саналатын классикалық би техникасын шыңдай түсуіне мүмкіндік берді.

Классикалық мектептің тазалығын сақтап, әртістердің шеберлігін шыңдап, жетілдіре түсуіне ат салысатын - ұстаз- репетиторлар. Қазақстанның еңбек сіңірген әртісі Әлила Әлишева, еңбек сіңірген әртісі Майра Қадырова жас әртістермен жұмыс істегенде кәсіби шеберлігін ғана емес, жанын салып үйретеді.

Сонымен қатар, «Астана Балет» би өнерінің тағы бір қыры - заманауи хореографияны да назардан тыс қалдырып отырған жоқ. Театрдың көркемдік жетекшілері үнемі шеберлік дәрістерін өткізіп, жаңа қойылымдарға шет елдің әйгілі хореографтарын шақыртып, труппаның шығармашылық әлеуетін арттырып отырады. Жан-жақты болуды мақсат eтіn қойған стратегияның арқасында, «Астана Балет» театрының әртістері классикадан бастап, неоклассикаға дейінгі, халық билерінен бастап, contemporary dance дейінгі би мәнерін жетік меңгерген. Труппаның әмбебап болуы түрлі идеяларды жүзеге асыруға жолашады. 2015-2017 жж. театр сахнасында өткен жарқын премьералар осыған дәлел. Мукарам Авахри қойған «Кармен»; ресейлік хореограф Николай Маркелов қойған «Клеопатра»; қытайлық хореограф Исян Чжан қойған «Сағым сәттері»; аргентиналық Рубен Терранова қойған «Контраст»; Георгий Ковтун қойған «Вальпургиев түні» - театр репертуарын байытып қана қоймай, жарқын қойылымдар мен авторлық мәнердің сан-алуан қырын аша түсті.

2016 жылы хореограф Рикардо Амаранте «GAIA» балетін сәттіқойғаннан кейін, «Астана Балет» театрының дамуындағы жаңа кезең басталады.

Ағылшын ұлттық балет мектебінің түлегі Рикардо Амарантеәлемніңкөптеген әйгілі театрларында қызмет атқарды: Париж Операсы, Францияның жас балеті, Фландрия корольдік балеті. Уильям Форсайт, Ханс ван Манен, Иржи Килиан спектакльдеріне қатысты. Қоюшы- хореограф ретінде Антверпен корольдік балет мектебінің, дрездентік Palucca Shcule, New York City Ballet және өзге де балет труппаларымен жұмыс істеді. Балет сыншылары хореографтың өзіндік пластика тілі барын баса айтады. Әсем, нәзік әрі жеңіл. Оның биін осы сөздермен сипаттауға болар. Тегі бразилиялық Рикардо, өз Отанындағы карнавалға тән сезімталдық пен ойнақылық элементтерін хореографиясына енгізетініне қарамастан, классикалық бишінің талғампаздығынан жаңылған емес. Өз шығармашылығында ол неоклассика бағытын ұстанады. Неоклассика мәнерінде жасалған «GAIA» , «A Fuego Lento», «Love Fear Loss» балеттері театрымыздың Жапония мен Польшаға жасаған гастрольдік сапарлары кезінде көрермен қауыммен сыншылар тарапынан жоғары бағаланған еді.

Үшінші театр маусымының соңы театр тарихында ерекше оқиғасымен есте қалды - әлем тани бастаған ұжым өзінің жеке сахнасына ие болды. 2016 жылдың 10-желтоқсанында «Diversity» атты жаңа спектакльмен жаңа «Астана Балет» театрының шымылдығы ашылды! Театрдың шығармашылық мүмкіндіктерін арттырып қана қоймай, жалпы, еліміздің хореография өнерін дамытуға жол ашатын, көптен күткен кеңістік пайда болды. Жаңа театр сахнасы барлық заманауи стандарттарға сай жасалған, «Астана Балет» театры сахнасының техникалық мүмкіндіктері режиссерлер мен сценографтардың бірегей, батыл идеяларын жүзеге асыруына жол ашады. Жаңа театрдың жеңіл, әуелеген архитектуралық мәнері жас ұжымның өзінің дербес қолтаңбасын іздеп, классикалық мұраның үздік үлгілерін сақтай отырып, пластикалық тілін жарқын, есте қаларлық жаңашылдықпен байыта түсуге, қайталанбас шығармашылық келбетін қалыптастыруға деген ұмтылысын айғақтап тұрғандай.

Өзінің жеке сахнасына ие болған театр, жаңа белестерді бағындыруға бел буып, XX ғасыр шедеврлеріне - заманауи хореографияның классикасына айналған әйгілі қойылымдарға ден қояды. Джордж Баланчиннің «Серенадасы» мен Уильям Форсайттың «In the Middle Samewhat Elevated» спектакльдері қазақ сахнасында ғана емес, жалпы, Орта Азия кеңістігінде алғаш қойылған-тын. Мұның бәрі «Астана Балет» театрының жан- жақты репертуар саясатының жемісі. Әртістердің асқан шебер, музыкалық тұрғыдан қабілетті әрі техникасының мінсіз болуын талап ететін күрделі би лексикасыжас труппаға тосқауыл бола алмады. Қысқа мерзім ішінде, тәжірибелі репетиторлар Виктория Саймон мен Агнес Нолтениустың жетекшілігімен театр әртістері спектакльді меңгеріп алды. Хореограф ассистенті Қазбек Ахмедияровтың репетицияға асқан ыждаһаттылықпен қарауының арқасында, ұжым әртістері техникасын ұштап, күрделі спектакльдерді орындаудың үйлесімділігіне қол жеткізді.

Бес жыл тынымсыз, шабыттана еңбек етудің жемісі сол, «Астана Балет» атты қазақстандықәртістік брендәлемге танылды. «Астана Балет» театры Мәскеу мен Санкт-Петербордың (Ресей), Бейжің мен Шанхайдың (Қытай), Париждың (Франция), Венаның (Австрия), Сеулдың (Корея), Будапешттің (Мажарстан), Бакудың (Әзірбайжан), Нью-Йорктың (АҚШ), Токионың (Жапония), Варшаваның (Польша), Минсктің (Беларусь), Брюссельдің (Бельгия), Миланда (Италия), Монте-Карлода (Монако) әйгілі сахналарында өнер көрсетіп, қысқа мерзім ішінде елімізде ғана емес, шет елдерде де өзін мойындата білді.

Осы жылдары. ұжымның айқындап шығармашылық бағытын келген арт-менеджер - Әсел Исабаева. Мінсіз көркемдік талғам; әлемдік хореография өнеріндегі тың, жаңашыл әрі шын мәнінде құнды дүниелерді тани алу қабілеті; ұлттың бастау- бұлағын қастерлеу сынды қасиеттерінің арқасында, ол маңайына мүдделес жандарды топтастырып, ең бастысы, посткеңестік кеңістікте баламасы жоқ балет театрын құрай алды. Тағы бір атап өтерлігі, қысқа мерзім ішінде, ұлттық хореография өнерін әлемдік балетпен иық тіресетін күйге жеткізе білді.

Қазақстанның еңбек сіңірген қайраткері Валерий Күзембаев бастаған дирекция орасан еңбек атқарды. Театр сынды күрделі ұжым үнемі бағыт-бағдар беріп, шығармашылық-өндірістік үрдісті жүйелеуді талап етеді. Жыл сайынғы премьералардың көптігі, республика шеңбері мен шет елдерге гастрольдік сапарлар дирекция мен көркемдік жетекшілік қызметінің тиімділігін айғақтаса керек. Қысқа мерзім ішінде барлыққызметтері мен ірі қойылымдарды жасауға, эксперименттерге барып, толымды дүниелер шығаруға септігін тигізетін техникалық қызметі, өзінің жеке өндірісі бар шын мәніндегі толысқан театр пайда болды.

Осы күні біздің ұжым өзінің алғашқы мерей тойын атап өтуде. Алда тұрған шығармашылық жоспарлар мен көркемдік міндеттер орасан. Бес жылдың ішінде 18 бір актілі балет пен сексеннен астам хореографиялық миниатюрадан тұратын Эылар мен көрермен қауым жаңа қойылымдарды тағатсыздана күтетін болды. Солардың бірі, театрымыздың соңғы премьераларының бірі - «Salome» (хореограф - Мукарам Авахри). Классикалық мұраны жаңғырту театрдың басым бағыттарының біріболып қала бермек. Соның айғағы ретінде, өзінің репертуарын жетілдірудің бес жылдық шығармашылық еңбегінің қорытындысы іспетті, біздің ұжым Василий Вайнонен редакциясындағы П. Чайковскийдің «Щелкунчик» және "Жизель" балетін (Жан Коралли мен Жюль Перро бойынша қойған Рикардо Амаранте) сахналады.

Ғимарат

Ұжым өнер көрсететін негізгі алаң – «АСТАНА БАЛЕТ ТЕАТРЫ», 2016 жылдың желтоқсан айында ашылды.

Театрдың жалпы көлемі – 15.467 м² Көрермен залында 783 орын (партер 609 орын, самалдықтың 2 ярусы 104 орын, 3 ярусы 70 орын). Театр кеңістігін қолданудың заманауи стандарттарына сай сахна көлемі – 536 м² Авансцена, арьерсцена мен қуыстарды қоса есептегенде, жалпы сахна көлемі 1000 м² артық. Оркестр орны 50-60 музыкантқа ыңғайластырылған.

Сахнаны трансформациялау үшін жылжымалы және көтеріп-түсіру механикасының соңғы үлгілері қолданылады. Сахна төрт көтеріп-түсіру планшеті мен төрт әртістік көтергішпен жабдықталған. Жарық беру кешенінде дәстүрлі театр қондырғылары және жүйелерімен қатар, осы саладағы соңғы инновациялық жаңалықтар қолданылған. 800 жарық жабдықтары орнатылып, соның арқасында көркемдік жарықты жоғары сапада жасау мүмкіндігі бар.

Театрда 2 репетициялық зал бар. Олардың көлемі сахна көлеміне сәйкес, осының өзі жаңа спектакльдерді жасау үрдісіне септігін тигізері анық.

«Астана Балет» театрының сахнасы режиссерлер мен сценографтарға зор мүмкіндіктер беріп, батыл әрі бірегей идеяларын жүзеге асыруына жол ашады.

Басшылық

Директор: Совостьянов Александр Александрович

Арт-менеджер: Исабаева Асель Тлектесовна

Көркемдік жетекші: Канетов Нурлан Исмагулович

Бас балетмейстер: Абубахриева Мукарам Сайдакимовна

Бас дирижер: Уразгалиев Арман Куанышулы

Арт-менеджер: Исабаева Асель Тлектесовна

Театр репертуары

• Фортепиано мен оркестрге арналған каприччио («Лағыл») – Асыл тастар

• Ұлы Дала мұрасы

• Жусан

• Алем

• Клеопатра

• Кармен

• Gaia

• Сағым сәттері

• Ғашықтың тілі тілсіз тіл...

• Love Fear Loss (Махаббат Үрей Айырылу)

• A Fuego Lento (Баяу жалын)

• Diversity (Сан-алуан би)

• Вальпургиев түні

• Серенада

• Touch of Illusion (Қиялға бойлау)

• In the Middle, Somewhat Elevated (На грани)

• Щелкунчик

• Саломея

• Жизель

• Love’s lost idols (Махаббаттың ғайып болған дарабоздары)

• A Journey of a memory (Өткенге саяхат)

• Махаббат туралы аңыз

• Concerto Barocco

• Күлше қыз

• Желтораңғы туралы аңыз (Легенда о Туранге)

• Instinct

• Longing

• Cұлтан Бейбарыс

• Қозы Көрпеш – Баян Сұлу (Махаббат туралы дастан)

• Тағдыр бұлтарыстары

• Жолдан тайғандар

• Жібек жолы

• Орфей мен Эвридика

• Кармен-сюита

• Қар патшайымы

Дереккөздер

1. Открытие нового столичного театра — Astana Ballet
2. На открытии театра в Астане побывал Нурсултан Назарбаев
3. Открытие театра "Астана Балет"
4. Начало истории: на сцене «Астана Балет» показали первый спектакль
5. Президент Казахстана принял участие в открытии театра "Астана Балет"
6. Театр "Астана балет" откроют в декабре
7. Театр "Астана Балет" выступит с гастролями в Алматы
8. Артисты "Астана Балет" стали фаворитами петербургской публики
9. Париж трудно удивить: Как "Астана Балет" приняли во Франции
10. "Астана Балет" представит легендарные спектакли
11. Театр "Астана Балет" отправился в турне по Казахстану
12. Вечер современного балета пройдет в Астане
13. Язык тела: На сцене "Астана Балет" показали "Утерянные кумиры любви"
14. Известный американский хореограф поставит новый спектакль в Казахстане
15. Артисты "Астана Балет" выступили перед жителями Монако и Италии
16. "Саломею" и "Серенаду" вновь покажут на сцене "Астана Балет"
17. Казахстанский балет впервые будет представлен в Монако
18. "Астана Балет" едет в Милан
19. Парадом звезд завершился Eurasian Dance Festival в "Астана Балет"
20. "Магия фламенко". Известные танцоры из Испании выступили в "Астана Балет"
21. "Ромео и Джульетту" показали в "Астана Балет"
22. Премьера "Жизель". Чем удивил "Астана Балет"
23. Грандиозная премьера лета: "Жизель" в "Астана Балет"
24. "Астана Балет" представит искусство Казахстана на фестивале стран - членов ШОС
25. Артистов "Астана Балет" наградили восторженными овациями в Алматы
26. Премьера спектакля "Саломея" пройдет в "Астана Балет"
27. Нурсултан Назарбаев посетил концерт "Астана Балет" в Нью-Йорке
28. "Астана Балет" выступит в крупнейшем культурном центре Нью-Йорка
29. Когда фантазия воплощается в реальность: "Астана Балет" готовит премьеру "Золушки"
30. "Астана Балет" с успехом завершил свой первый гастрольный тур по США
31. Вечер национальной хореографии пройдет в "Астана Балет"
32. "Лучше, чем могли представить" . Артисты "Астана Балет" покорили павлодарскую публику
33. В "Астана Балет" состоится показ культовой работы Юрия Григоровича
34. Шедевр американской хореографии показали в "Астана Балет"
35. В Лондоне проходят гастроли театра "Астана Балет"
36. "Астана Балет" покорил Ташкент
37. Опыт "Астана Балет" необходимо перенимать - Андрис Лиепа
38. Впервые в Узбекистане выступит "Астана Балет"
39. Прикоснуться к легенде. "Астана Балет" готовит подарок для столицы
40. Знаменитую "Легенду о любви" впервые покажут в Нур-Султане
41. "Астана Балет" и туристские организации подписали совместный меморандум
42. В "Астана Балет" покажут "Путешествие памяти"
43. В Казахстане впервые поставят балет о султане Бейбарсе
44. Премьера балета на экологическую тему состоялась в "Астана Балет"
45. "Вальпургиева ночь" возвращается на сцену "Астана Балет"
46. Одно из самых знаменитых произведений показали в "Астана Балет"
47. "Астана Балет" номинирован на национальную премию в области искусства UMAI
48. Премьера спектакля "Шелковый путь" состоялась в "Астана Балет"
49. Премьера "Қозы Көрпеш – Баян Сұлу" покорила сердца зрителей Алматы

Сілтемелер

ОФИЦИАЛЬНЫЙ САЙТ