Қоһир Расулзода

Қоһир Расулзода тәж. Қоҳир Расулзода
Лауазымы
Тәжікстанның 8-ші Премьер-министрі
23 қараша 2013 жылдан бастап
Президент	Эмомали Рахмон
Ізашары	Оқил Оқилов
Соғды облысының төрағасы
27 ақпан 2007 — 23 қараша 2013 (м.о. 2 желтоқсан 2006)
Өмірбаяны
Партиясы	ТХДП
Білімі	1) Тәжікстан ауыл шаруашылығы институты (1982) 2) Президент жанындағы Ресей мемлекеттік басқару академиясы (2008)
Мамандығы	құрылысшы-инженер
Дүниеге келуі	8 наурыз 1961 (1961-03-08) (61 жас) Ғафуров ауданы, Ленинабад облысы, Тәжік КСР, КСРО
Туған кездегі есімі	тәж. Абдуқоҳир Абдурасулович Назиров
Марапаттары	тізімі

Қоһир Расулзада (тәж. Қоҳир Расулзода, туған аты-жөні — Абдуқоһир Абдурасулұлы Назиров, тәж. Абдуқоҳир Абдурасулович Назиров, 8 наурыз 1961, Ғафур ауданы, Ленинабад облысы) — тәжік мемлекеттік қайраткері, саясаткер, әрі ТХДП мүшесі және 2013 жылдан бастап Тәжікстан премьер-министрі.

Өмірбаяны

Жастығы және білімі

Абдуқоһир Абдурасулұлы Назиров 8 наурыз күні 1961 жылы Ленинабад облысы, Ғафур ауданы, Кистакуз қыстауында (қазіргі Соғды облысы, Хистеварз джамоаты) дүниеге келді.

1982 жылы Тәжікстан ауыл шаруашылығы институты (қазіргі Тәжік аграрлық университеті) инженер-гидротехник мамандығы бойынша білім алды. Кейінірек ол Ғафур ауданы, Хожант қаласында орналасқан «Тәжікирсовхозстрой» бірлестігінің құрылыс зертханасының техник-бақылаушысы болып еңбек жолын бастады.

Бұдан кейін Назиров өндірістік бөлімшеде инженер, бас инженер, ПМК-4 бастығы, «Тәжікирсовхозстрой» кәсіпорнының бастығы қызметтерін атқарды.

Абдуқоһир Назиров 2000 жылдың қаңтарынан 2006 жылдың желтоқсанына дейін Тәжікстан Республикасының Мелиорация және су шаруашылығы министрі қызметін атқарған.

2008 жылы Мәскеудегі Ресей Федерациясы Президентінің жанындағы Мемлекеттік басқару академиясын бітірген, техника ғылымдарының кандидаты лауазымына ие болды.

Тәжікстан президентінің 2006 жылғы 2 желтоқсандағы бұйрығымен Соғды облысы төрағасының міндетін атқарушы болып тағайындалды. 27 ақпан күні лауазымды ресми түрде алады да, төрағалығын 2013 жылдың 23-ші қарашасына дейін жалғастырды.

2007 жылдың наурызында Абдуқоһир Абдурасулұлы Назиров құжаттағы есімін Қоһир Расулзода деп ауыстырды.

Саяси мансабы

Расулзода Ильхам Әлиевпен, 2014

Қоһир Расулзода мен Үндістан премьер-министрі Нарендра Моди (сол жақта), 2015

Расулзода Владимир Путинмен, Тәжікстан әуежайы, 2017

Қоһир Расулзода (оң жақта) мен Татарстан президенті Рүстем Миңнеханов (сол жақта), Татарстан, 2021

2007 жылдың желтоқсанында және 2010 жылдың сәуірінде екінші рет Тәжікстан Жоғарғы Жиналысының (Маджлиси милли) Ұлттық кеңесі (Маджлиси Оли) төрағасының бірінші орынбасары болып сайланды.

2013 жылдың 23 қарашасында Қоһир Расулзада Тәжікстан премьер-министрі болып тағайындалды.

Жеке өмірі

Қоһир Расулзода үйленген, үш баласы бар. Тәжік, орыс және ағылшын тілдерін меңгерген.

Марапаттары

Қоһир Расулзоданың марапаттары тізімі:

• Тәжікстанның Еңбек сіңірген қайраткері
• ТМД Қорғанысқа жәрдемдесу қоғамы (ҚҚҚ) ұйымының «Үздік қызметі үшін» ордені, 2009
• «Фидокорона қизматлари учун» ордені, Өзбекстан, 2018