Алатау (Жамбыл облысы)

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Ауыл
Алатау
Ел Қазақстан
Облысы Жамбыл
Ауданы Жуалы
Ауылдық округі Қызыларық
Координатасы 42°35′44″ с. е. 70°56′54″ ш. б. / 42.59556° с. е. 70.94833° ш. б. / 42.59556; 70.94833 (G) (O) (Я)Координаттар: 42°35′44″ с. е. 70°56′54″ ш. б. / 42.59556° с. е. 70.94833° ш. б. / 42.59556; 70.94833 (G) (O) (Я)
Бұрынғы атауы Андреевка
Ресми тілі қазақ тілі
Тұрғыны 0,3 мың адам (2009)
Уақыт белдеуі UTC+6:00
Автомобиль коды 08
Алатау (Жамбыл облысы) (Қазақстан)
Red pog.png
Алатау (Жамбыл облысы) (Жамбыл облысы)
Red pog.png

АлатауЖамбыл облысы, Жуалы ауданындағы Алатау алқабында орналасқан елді мекен. Бұрын Ресейден қоныс аударған Андреев есімді кулактың атымен аталып келген ауыл 1992 жылы орналасқан жерінің табиғи-географиялық ерекшелігіне қарай "Алатау" деп қайта аталды.

Бұл ауыл бұрын "Бурный" атындағы ұжымшар болатын. 1950 жылдардың соңына қарай "Бурный" әскери кеңшарының құрамына енді. Кеңшар тараған соң мұнда жеке шаруа қожалықтары құрылды. Ауыл қазір Қызыларық ауылдық округі құрамына қарайды.

Халқы[өңдеу]

Тұрғыны 0,3 мың адам (2009).

Ауыл маңы табиғаты[өңдеу]

Қамалған сайы - Алатау алқабындағы жан-жағы тік жартастардан тұратын терең жыра бар. Оны халық "Қамалған сайы" деп атайды. Бұл жаугершілік заманнан қалған атау. Қазақ жасақтары қолға түскен жоңғар жауынгерлерін топ-тобымен осында әкеліп қамап, жан-жағына қарулы күзет қойған екен.

Қисық сай - Алатау алқабындағы сайлардың бірі, өзі ирек-ирек болған соң осылай аталған.

Борсық сай - Алатау аңғарында, жабайы борсықтар көп болғандықтан аталған сай.

Тобышақты сайы - Алатау алқабындағы үлкен сай. Басталар жағында қалың тоғай, тобылғы өседі. Бұрын бұл жерде ауыл болған. Ұлы Отан соғысынан кейін оңтүстіктегі мақталы алқаптарының көлемін ұлғайту үшін Мақтаарал жағында үлкен каналдың құрылысы басталғаны мәлім. Сол кезде Тобышақты ауылының тұрғындары жаппай канал құрылысына жіберілген. Құрылыстан кейін сол тұрғындардың біразы елге қайтқанымен, көпшілігі сонда қалып қойды. "Тобышақты" сөзі сол ауылды мекендеген аз ғана елдің "шағын тобы" дегенді білдіреді.

Шоңқара сайы - ауыл маңындағы үлкен сай. Ертеректе іргелес жатқан қырғыз елінің алып денелі ірі тұлғалы атақты ұрысы өз елінен қашып, осы өңірге сіңісіп кеткен көрінеді. Меймандос қазақ ағайын оған жанашыр болып, жер беріп, осы сайдың басына орнықтырған көрінеді. Бұл сай "Шоңқара" атанған. "Шоң" қырғыздың үлкен, дәу мағынасын білдіретін сөзі.[1]

Дереккөздер[өңдеу]

  1. Жамбыл облысының топономикалық атауларының анықтамалығы