Тәттібай Дүйсебаев ауылы

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Ауыл
Тәттібай Дүйсебаев ауылы
Ел Қазақстан
Статусы ауыл
Облысы Жамбыл
Ауданы Жуалы
Ауылдық округі Шақпақ ата
Координатасы 42°31′48″ с. е. 70°40′08″ ш. б. / 42.53000° с. е. 70.66889° ш. б. / 42.53000; 70.66889 (G) (O) (Я)Координаттар: 42°31′48″ с. е. 70°40′08″ ш. б. / 42.53000° с. е. 70.66889° ш. б. / 42.53000; 70.66889 (G) (O) (Я)
Бұрынғы атауы Амангелді
Ресми тілі қазақ тілі
Уақыт белдеуі UTC+6:00
Автомобиль коды 08
Тәттібай Дүйсебаев ауылы (Қазақстан)
Red pog.png
Тәттібай Дүйсебаев ауылы (Жамбыл облысы)
Red pog.png

Тәттібай ДүйсебаевЖамбыл облысы Жуалы ауданындағы ауыл, Шақпақ ата ауылдық округінің құрамында. Аудан орталығы Бауыржан Момышұлы ауылынан оңтүстік-батысқа қарай 14 км, округ орталығы – Шақпақата ауылынан 4 км жердегі Шақпақ асуының етегінде орналасқан. Тұрғыны 0,9 мың адам (2005). Ауыл 1996 жылға дейін Калинин ауылы аталған. 1966 – 96 жылы картоп өсіретін облысы ауыл шаруашылық тәжірибе станциясының бөлімшесі болған. Бөлімше негізінде Тәттібайда 1996 жылы шаруа қожалықтары ұйымдастырылды.[1]

Алматы темір жолының оңтүстік жағалауынан 4-5 шақырым жерде Алатаудың солтүстік жағалауында көк майсалы, сулы да нулы жерге қоныстанған. Кеңестік дәуірде Амангелді болып аталған. Ауыл тұрғындары ауылдың атын осы ауылдан шыққан генерал Тәттібай Дүйсебаевтың есімін беруге шешім қабылдады. Бұл ұсыныс 1997 жылы республика деңгейінде заңды шешімін тапқан.

Ауыл маңы табиғаты[өңдеу]

Шегірқамал - ауылдың оңтүстігінде, шамамен 10-11 шақырым жерде, Жоғарғы Алатаудың Жуалы асуының Көктал және Көкше жоталарының арасындағы аңғардағы қамал. Бұл қамалды Жоңғар шапқыншылығы кезінде Жаныстан тарайтын Шегір руының Итаяқ батыры тастан салдырып, сол жерден тауға қарсы садақ тарттырған деседі. Бекіністің күштілігі сонша, қалмақтар шабуыл жасаса да, оны ала алмайды. Содан бұл жер "Шегірқамал" атанып кеткен.

"Ақпан батыр" атты тарихи дастанда қамал туралы жақсы баяндалған.

Бір күні Шегірдің жасақтары әр тұстан қарауыл қойып түнгі ұйқыға кеткенде Жылқыбай атты қарауыл сатқындық жасап "Бала құлан" сайында жатқан қалмақты бастап келеді. Күзетшінің бұл сатқындығы Шегірлерді қатты қырғынға ұшыратады. Бұл оқиға кезінде Шегірдің атақты батыры Ақпан жорықта болады. Келген соң жаудан кек алуға серт беріп, қаза тапқан жасақтардың басына оба орнатады.[2]

Дереккөздер[өңдеу]

  1. «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VIII том
  2. Жамбыл облысының топономикалық атауларының анықтамалығы