Асқар Асанұлы Бейсенбаев

Асқар Асанұлы Бейсенбаев

Асқар Асанұлы Бейсенбаев

1961 жылы 31 қаңтарда Шымкент облысының К. Маркс ауылында туған. Қазақ.

Жамбыл тамақ және жеңіл өнеркесібі технологиялық институты Алматы филиалының технологиялық факультетін (1983) технолог-инженер мамандығы бойынша бітірген. Экономика ғылымдарының кандидаты (2001). Кандидаттық диссертациясының тақырыбы: «Нарық қатынастары жағдайында қалыптасқан агрокәсіпшілікті дамыту экономикалық-ұйымдастыру негіздері Оңтүстік-Қазақстан облысының мысалында)».

1983 жылдан - Түлкібас консервілеу зауытында технолог-инженер. 1984 жылдан - «Ленин жолы» кеңшары консерві цехының бас технологы, 1986 жылдан - бастығы. 1988 жылдың ақпан айынан - Қазақстан ЛКЖО Сайрам аудандық екінші хатшысы. 1988 жылдың қараша айынан - Түлкібас консерві зауытының бас инженері. 1992 жылдың ақпан айынан - «Алма-С» консерві зауыты» ШК директоры. 1992 жылдың қыркүйек айынан -Түлкібас нан өнімдері комбинатының директоры, 1994 жылдан - «Көктерек» АҚ президенті. 1998 жылдан - Түркістан облысы Түлкібас ауданының әкімі. 2001 жылдан - 2-ші шақырылған ҚР Парламенті Мәжілісінің депутаты. 2004 жылдан - 3-ші шақырылған ҚР Парламенті Мәжілісінің депутаты. 2007 жылдан - 4-ші шақырылған ҚР Парламенті Мәжілісінің депутаты. 2008 жылдың сәуір айынан бері - ҚР Парламентіндегі ҚР Президенті өкілдігінің жетекшісі.

«Құрмет» орденімен, 4 медальмен марапатталған.

Үйленген. Жұбайы - Әзікенова Гүлбақыт. Қызы - Эльмира; ұлдары - Дәурен, Бақтияр.