Жамбыл Сәулебекұлы Ақылбаев

Уикипедия — ашық энциклопедиясынан алынған мәлімет
Jump to navigation Jump to search

Жамбыл Сәулебекұлы Ақылбаев (1938 -2008) - ғалым-физик, техника ғылымының докторы (1996), профессор (1990 ж.), Халықаралық Жоғары мектеп ғылым академиясының академигі (1997 ж.), Университет ректорларының халықаралық ассоциациясының мүшесі (1996 ж.), Орталық Қазақстан жоғары оқу орындары ректорлары аймақтық кеңесінің төрағасы (1996 ж.). Шет ауданның түлегі. Арғын тайпасы, Қаракесек руының Керней бұтағынан шыққан.

1961 жылы Қарағанды педагогика институтын бітірген (1961 ж.). 1961-1991 жылдары сонда ассистент, оқытушы, ҚазМУ-де стажер-зерттеуші, аспирант, ҚарМУ-де аға оқытушы, деканның орынбасары, теориялық физика кафедрасының меңгерушісі, физика факультетінің деканы, университеттің ғылыми жұмыстар жөніндегі және оқу ісі жөніндегі проректоры, Атырау педагогикалық институтының ректоры. 1991-2003 жылдары Е. А. Бөкетов атындағы Қарағанды мемлекеттік университетінің ректоры. 70-тен астам ғылыми және ғылыми әдістемелік жұмыстардың авторы, өнер табысы үшін 10-ға жуық авторлық куәлік алған. Негізгі ғылыми еңбектері денелердің гидроаэродинамикасы мен жылу алмасуы мәселелеріне арналған. Ақылбаевтың қатысуымен ұшатын аппараттардың аэродинамикалық өңдеуін өлшеудің жаңа технологиясы жасалды, ол Орталық аэрогидродинамикалық институтпен бірлескен зерттеулерде колданылды.

1993-94 жылдары 12-шақырылған ҚР Жоғарғы Кеңесінің депутаты. Шет ауданның құрметті азаматы (1998 ж.). «Парасат» орденімен марапатталған.[1]

Дереккөздер[өңдеу]

  1. Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5