Ибн Баз
| Мұсылман ғалымдары |
|---|
| Бұл мақала келесі тізімдеменің бір бөлігі: |
 Ислам порталы |
| Әбдуль-Азиз ибн Абдуллаһ ибн Баз | |
| Туған күні | |
|---|---|
| Туған жері | |
| Қайтыс болған күні | |
| Қайтыс болған жері | |
| Азаматтығы | |
| Ғылыми аясы | |
| Жұмыс орны |
Сауд Арабиясының мүфтиі |
| Ғылыми дәрежесі |
Шариғат ғалымы |
| Ғылыми атағы | |
| Ғылыми жетекші |
Шейх Мұхаммед ибн Ибраһим, шейх Мұхаммед ибн Әбдуль-Латыф |
| Несімен белгілі |
«Әт-тахқиқ уәл-идах ли кәсир мин мәсәил әл-хадж уәл-умра уәз-зияра» кітабы; «Нур алә дарб» телебағдарламасы |
| Сайты | |
Әбдуль-Азиз ибн Абдуллаһ ибн Әбдуррахман ибн Мұхаммед ибн Абдуллаһ ибн Баз (араб.: عبد العزيز ابن عبد الله ابن عبد الرحمن ابن محمد ابن عبد الله ابن باز) — (21.10.1910 - 13.05.1999) атақты мұсылман ғалымы, шариғат ғылымдарының маманы; Ислами білім мен тәрбиені таратумен айналысып, өзінен кейінгі көптеген мұсылман әлемінің ғалымдарына әсер еткен тұлға. Жастайынан білімі мен діндарлығымен көзге түсіп, кейіннен Сауд Арабиясының мүфтиі қызметін атқарған адам.
Дүниеге келуі
[өңдеу | қайнарын өңдеу]Шейх Ибн Баз эр-Рияд қаласында 1910 ж. қазан айының 21-ші жұлдызында дүниеге келеді. Оның отбасы білімге деген құштарлығымен және ғалым болған ата-бабаларымен танымал еді. Шейхтің көру қабілеті 16 жасар кезінде нашарлай бастап, 20 жасқа жеткенде толығымен соқыр болып қалады.
Жастық шағы мен білім жолындағы ізденісі
[өңдеу | қайнарын өңдеу]Шейх кәмелеттік жасқа жетпей тұрып Құранды толығымен жаттап, шейх Абдуллаһ ибн Муфайриджге тапсырады. Эр-Рияд қаласының көптеген ғұламаларында оқиды[1]. Олардың ең атақтылары:
- Шейх Мұхаммед ибн Әбдуль-Латыф ибн Әбдуррахман ибн Мұхаммед ибн Абдуль-Уәһһаб — эр-Риядтың қазысы.
- Шейх Салих ибн Әбдуль-Азиз ибн Әбдуррахман ибн Хасан ибн Мұхаммед ибн Әбдуль-Уәһһаб
- Шейх Сағд ибн Хамд ибн Атиқ
- Шейх Хамд ибн Фарис — эр-Риядтың қазынасының өкілі.
- Шейх Мұхаммед ибн Ибраһим ибн Әбдуль-Латыф Әли-Шейх — Сауд арабиясының мүфтиі болған. Шейх Ибн Баз одан білімді шамамен 10 жыл бойы алып, көптеген пәндерден сабақ алған.
- Мұхаммед Әмин әш-Шинқити — одан логика ғылымына арналған "Шарх Сулләм әл-Ахдари" кітабын оқып, Пайғамбар мешітіндегі сабақтарына қатысады.
- Әбдурраззақ әл-Афифи
Мансапттары мен қызметтері
[өңдеу | қайнарын өңдеу]- Һиджри 1350 жылдан бастап қазы ретінде қызметін бастайды.
- Һиджри 1372 ж. эр-Риядтағы ғылыми институтта сабақ бере бастайды. 1373 ж. Шариғат факультеті құрылғаннан кейін онда фиқһ, хадис және таухид пәндерінен сабақ береді.
- Һиджри 1381-ші жылы Медине Ислам университетінің директор орынбасары қызметін атқара бастайды.
- Һиджри 1390-1395 жылдар аралығында Медине Ислам университетінің директоры болады.
- Үлкен Ғалымдар комитетінің мүшесі.
- "Ғылыми ізденіс және пәтуа беру" Тұрақты Комитетінің төрағасы.
- Медине Ислам университетінің Үлкен Мәжілісінің мүшесі.
Қайтыс болуы
[өңдеу | қайнарын өңдеу]Шейх Ибн Баз 1999 жылдың 13-ші мамыр күні таңертеңгісін өмірден озды. Оның жаназасы Қасиетті Мекке қаласында, әл-Харам мешітінде оқылып, әл-Әдл зиратында көміледі. Жаназа намазына шейх Әбдуль-Азиз Әли-Шейх, шейх Әбдуль-Мухсин әл-Аббад, шейх Абдуллаһ ибн Қууд, шейх Әбдуррахман әл-Баррак, шейх Абдуллаһ ибн Әбдуль-Мухсин әт-Турки (бұрынғы Ислам істерінің министрі), шейх Салих Әли-Шейх (қазіргі Ислам істерінің министрі), шейх Әбдурраззақ әл-Бадр, шейх Әбдуль-Азиз ибн Ибраһим әл-Қасим, Сауд Арабиясының патшасы Фаһд, әмір Абдуллаһ, әмір Сұлтан, Ішкі Істер министрі Наиф ибн Әбдуль-Азиз, әмір Салман және т.б. әмірлер мен ғалымдар қатысты.
Шәкірттері
[өңдеу | қайнарын өңдеу]Шейх Ибн Баздың жүздеген шәкірттері мен оқушылары болды. Олардың ең атақтылары:
- Шейх Әбдуррахман ибн Насыр әл-Баррак
- Шейх Салих ибн Фаузан әл-Фаузан
- Шейх Бәкір ибн Абдуллаһ Әбу Зәйд
- Шейх Әбдуль-Азиз ибн Абдуллаһ Әли-Шейх (Сауд Арабиясының қазіргі мүфтиі)
- Шейх Мұхаммед әл-Усәймин
- Шейх Абдуллаһ әл-Ғудаян
Еңбектері мен шығармалары
[өңдеу | қайнарын өңдеу]Шейх Ибн Баз көптеген пәтуалар, ғылыми еңбектер мен шығармалар қалдырды.[2] Олардың кейбірі:
- Дурус әл-муһимма ли амматиль-умма (Барлық үмметке маңызды сабақтар)
- Бәян мағна кәлима "Лә иләһә илл-Аллаһ" ("Лә иләһә илл-Аллаһ" сөзінің мағынасы)
- Әт-тахзир мин әл-бидәғ (Діндегі жаңалықтардан сақтандыру)
- Әл-ақида әс-сахиха уа мә ийудаддуһа (Дұрыс ақида мен оның терісі)
- Әд-дағуату иля-Ллаһ уа ахләқ әд-дуғат (Аллаһқа шақыру және шақырушылардың мінез-құлығы)
- Әт-тахқиқ уәл-идах ли кәсир мин мәсәил әл-хадж уәл-умра уә-ззияра (Қажылық, ұмра мен зияраттың көптеген мәселелерін анықау мен түсіндіру)
Дереккөздер
[өңдеу | қайнарын өңдеу]- ↑ http://www.binbaz.org.sa/mat/21297 Мұрағатталған 8 қазанның 2013 жылы. Шейхтің ресми сайтындағы оқыған ғалымдарының тізімі
- ↑ http://www.binbaz.org.sa/mat/21286 Мұрағатталған 28 қазанның 2012 жылы. Шейхтің ресми сайтындағы кітаптар мен шығармалар тізімі
Дереккөздер
[өңдеу | қайнарын өңдеу]- Saaid.net сайтындағы Шейх Ибн Баздың өмірбаяны Мұрағатталған 29 тамыздың 2013 жылы.
- Шейхтің ресми сайтындағы өмірбаяны Мұрағатталған 8 желтоқсанның 2012 жылы.
- «Джәуаниб мин сира әл-имам Әбдуль-Азиз ибн Баз» Мұрағатталған 28 қазанның 2012 жылы., Мұхаммед ибн Мұса әл-Мұса