Оқжетпес (футбол клубы)

Оқжетпес ФК
Құрылған жылы	1968
Стадионы	Оқжетпес
Сыйымдылығы	4158 адам
Бас жаттықтырушы	Андрей Карпович
Жарыс	Қазақстан Премьер Лигасы
2025	8
Формасы
Негізгі форма Қонақтық форма

Оқжетпес ФК — Қазақстан чемпионаттарында ойнайтын Қазақстан футбол клубы. Көкшетау қаласының Оқжетпес стадионы клубтың базасы болып табылады.

Тарихы

Клуб 1968 жылы құрылған. 1991 жылға дейін КСРО чемпионатының екінші лигасындағы сегізінші аймақта ойнады. 1970 жылы осы аймақта 7-орын алды, бұл кеңестік дәуірдегі ең жоғары көрсеткіші боп тарихта қалды.

1979 жылы клуб алтыншы аймаққа қосылды (бұл аймақта Сібір және Қазақстан клубтары күш сынасты). Бірақ маусым соңында 21-орында қалды, есесіне географиялық көршілері "Авангардты" 7:2 есебімен ұтты. Бұл клубтың КСРО дәуіріндегі ең ірі жеңісі болатын.

1980-1987 жылдары Қазақстан аймағында 10-орыннан жоғары көтеріле алмады. 1987 жылы клуб тарихы тоқтап қалды да, 1990 жылғы маусымда "Спартак" деген атаумен қайта құрылды.

1993 жылы Қазақстанның екінші чемпионатында маусым барысында жарыстан шығып қалды. 1994 жылы "Көкше" деген атаумен қайта пайда болып, бірінші лигада ойнады.

1996 жылы чемпионаттың 19-турынан соң тағы да жарыстан шығып қалды. 1999 жылы "Ақмола" деген атаумен қайта пайда болды.

2009 жылы тұңғыш рет Еурокубоктарға қатысты. УЕФА Еуропа Лигасының бірінші сатысында Молдованың "Зимбру" клубымен кездесті. Әуелі сырт алаңда 2:1 есебімен жеңіп келген қызылжарлықтар өз алаңында 0:2 есебімен ұтылып қалды. Дегенмен, "Оқжетпес" УЕФА Еуропа лигасында сырт алаңда жеңіске жеткен тұңғыш клуб боп тарихта қалды.

2000-2010 жылдары үзіліссіз жоғары дивизионда ойнады. 2010 жылғы маусым қорытындысында бірінші лиғаға түсіп қалды да, бір маусымнан соң қайта оралды. Кейін 2015, 2016, 2018 жылғы маусымдарды да бірінші лигада өткізді. 2019 жылы элитаға орала алды.

2019 жылғы чемпионатта жетінші орынға жайғасты, бұл клуб тарихындағы ең үздік нәтиже болды. Бірақ 2020 жылғы маусымда клуб қайта нашарлап кетті, Оған COVID-19 пандемиясына байланысты чемпионаттың қайта-қайта тоқтатыла беруі себеп болды. Алматыда қайта жайғасқан чемпионатта да клуб айтарлықтай нәтиже көрсете алмады. 21 қараша күні "Каспиймен" өткен шешуші ойында көкшеліктер 1:2 есебімен есе жіберіп қойды да, лигада қалу мүмкіндігінен түпкілікті айрылды. Маусымды 11-орынмен қорытындылап, бірінші лигаға түсіп кетті. Бірақ кейін көкшеліктердің бақытынан орай премьер лига клубтарының саны 14-көбейтілді де, "Оқжетпес" 2021 жылғы маусымды премьер лигада өткізетін болды.

Ірі жеңісі

Қазақстан чемпионаты

• 1992 — 5:0 («ЦСКА», Алматы)

Ірі жеңілістері

Қазақстан чемпионаты

• 2007 — 1:10 («Тобыл», Қостанай)

Атаулары

• «Торпедо» (1968-1987)
• «Спартак» (1990)
• «Көкшетау» (1991-1992)
• «Көкше» (1994-1999)
• «Ақмола» (2000)
• «Есіл» (2001-2003)
• «Оқжетпес» (2004-о.у)

Жетістіктері

Қазақтан чемпионаты

• 5 орын (1): 2016

Кубок

• 1/4 финал (7): 1993, 2001, 2006, 2011, 2015, 2016, 2017

1 лига

• Жеңімпаз (2): 2014, 2018
• 2 орын (1): 2011
• 3 орын (4): 1994, 1995, 1999, 2013

Құрамы

2022 жылғы 12 қазандағы жағдай бойынша

№	Қақпашылар	Туған күні	Азаматтығы
1	Вячеслав Граб	21.09.1993	Ресей
31	Руслан Абжанов	28.04.1990	Қазақстан
35	Ярослав Багинский	03.10.1987	Қазақстан
75	Александр Довгаль	07.08.2000	Қазақстан
№	Қорғаушылар	Туған күні	Азаматтығы
2	Антон Куксин	03.07.1995	Қазақстан
3	Владимир Седельников	15.10.1991	Қазақстан
5	Дмытро Рыжук	05.04.1992	Украина
6	Бексұлтан Шәмші	08.10.2000	Қазақстан
8	Виктор Гунченко	25.08.1994	Қазақстан Ресей
15	Нияз Ыдырысов	21.07.1999	Қазақстан
21	Аскат Эрмекуулу	18.06.1995	Қазақстан Қырғызстан
27	Бексұлтан Амангелді	11.06.1997	Қазақстан
74	Никита Губарев	17.04.2004	Қазақстан
№	Жартылай қорғаушылар	Туған күні	Азаматтығы
7	Максым Драченко	28.01.1990	Украина
9	Тимур Арчаков	15.01.2003	Қазақстан
10	Әділ Батталов	16.10.1999	Қазақстан
22	Гурам Тетрашвили	02.08.1988	Ресей
23	Нұрғайни Бөрібаев	20.08.2002	Қазақстан
24	Милан Стоянович	10.05.1988	Сербия
30	Санат Жұмаханов	30.01.1988	Қазақстан
55	Никита Михайлов	15.03.2005	Қазақстан
65	Сұлтан Қайратұлы	28.06.2001	Қазақстан
66	Мейрамбек Қалмырза	15.12.2002	Қазақстан
71	Таймураз Тобоев	09.03.1995	Ресей
77	Мирас Амантаев	24.02.2003	Қазақстан
99	Александр Шиманский	25.07.1999	Қазақстан
№	Шабуылшылар	Туған күні	Азаматтығы
11	Самат Сәрсенов	19.08.1996	Қазақстан Ресей
17	Жасұлан Молдақараев	07.05.1987	Қазақстан
44	Мұқағали Паңгерей	08.02.2004	Қазақстан
88	Руслан Болов	07.05.1994	Ресей

Сілтемелер

• Ресми сайты Мұрағатталған 15 тамыздың 2012 жылы.