Уоллис және Футуна

Уикипедия — ашық энциклопедиясынан алынған мәлімет
Jump to navigation Jump to search

Уоллис және ФутунаМұхиттық Аралдардағы жанартаутекті топаралдар, Францияның иелігінде.

Сипаттамасы[өңдеу]

Аумағы 274 км², халқы 15000 адам, әкімшілік орталық Мата-Уту. Уолли топаралы өзі аттас үлкен арал мен 20 ұсақ аралдардан құралады. Салыстырмалы түрде ойпаттық, жанартаутекті Уоллис аралдарына құз жағалаулар мен су толған жанартау кратерлері тән. Футуна топаралының құрамына екі арал – Футуна мен Алофи кіреді.

Климаты[өңдеу]

Аралдарға нөсер жауындар мол жауатын тропиктік климат тән. Аралдар ағылшын теңіз саяхатшысы Самюэль Уоллистің құрметіне аталған.

Тарихы[өңдеу]

Екі аралдық топ та 1842 жылы Францияның бақылауына өтіп, кейінірек оның теңіздің аржағындағы аумағына айналды.

Экономикасы[өңдеу]

Еңбекке қабілетті халқының 80%-дан астамы ауыл шаруашылығымен айналысады, кокос, нан ағашын, манго мен көкөністер, шошқа мен тауық өсіреді. Арал тұрғындары сондай-ақ шағын кемелермен балық аулайды. Халқының 5%-ы жергілікті әкімш. жұмысқа тартылған, олар Франциядан қаржы көмегін алып, Оңтүстік Корея мен Жапонияға балық аулау құқығы үшін лицензиялар сатады. [1]

Дереккөздер[өңдеу]

  1. Қазақ Энциклопедиясы X том