Фархадбек Равшанұлы Ырысметов

Уикипедия — ашық энциклопедиясынан алынған мәлімет
Навигацияға өту Іздеуге өту
Фархадбек Ырысметов Футбол
Жалпы мағлұмат
Лақап аттары

Фара

Туған күні

10 тамыз 1981 (1981-08-10) (42 жас)

Туған жері

Шымкент

Азаматтығы

 Қазақстан

Бойы

178 см

Салмағы

76 кг

Позиция

сол қапталдағы қорғаушы

Клуб жайлы ақпарат
Клуб

Қазақстан Атырау

Қызметі

бапкер көмекшісі

Клуб карьерасы[* 1]
1999—2001 Ресей Торпедо-2
2001 Қазақстан Каспий 10 (0)
2002—2004 Қазақстан Ертіс 87 (12)
2005—2006 Қазақстан Қайрат 37 (1)
2007—2010 Қазақстан Тобыл 93 (0)
2011—2012 Қазақстан Ордабасы 36 (0)
2012 Қазақстан Сұңқар 7 (0)
2013—2014 Қазақстан Ордабасы 19 (0)
2014 Қазақстан Тобыл 13 (0)
2015 Қазақстан Қайсар 23 (0)
2016—2017 Қазақстан Ордабасы 8 (0)
2018 Қазақстан Алтай 0 (0)
Ұлттық құрамы[* 2]
2004—2011 Қазақстан Қазақстан 34 (0)
Бапкерлік карьерасы
2019 Қазақстан Қыран
2020— Қазақстан Атырау асс
  1. Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.
  2. Ресми матчтарда ұлттық құрамда болған ойындары мен голдар саны.

Фархадбек Равшанұлы Ырысметов (10 тамыз 1981[1], Шымкент, Қазақ КСР, КСРО) — қазақстандық футболшы, қорғаушы, футбол жаттықтырушысы.

Карьерасы[өңдеу | қайнарын өңдеу]

Клубтық[өңдеу | қайнарын өңдеу]

Фархадбектің ұлты өзбек, Шымкентте дүниеге келген. Жастық шағында Ташкентте де тұрған, 1998 жылы "Достық/Синтез" клубында доп тепті.

1999 жылы карьерасын мәскеулік "Торпедо" клубында бастады. Екі маусым клуб футболшысы атанғанымен, негізгі құрамда ойнай алмады, тек фрам-клуб сапында алаңға шықты.

2001 жылы жазда "Маңқыстау" клубына ауысты. Маусым соңында клубтан кетті.

2002 жылы "Ертіс" футболшысы атанды. Жаңа клубы сапында екі рет Қазақстан чемпионы атанды.

2005 жылы "Қайратқа" ауысты. 2005 жылы клуб сапында Қазақстан чемпионатының қола жүлдегері атанды, ал клуб Қазақстан кубогы финалында сүрінді.

2007 жылы Дмитрий Огайдың шақыруымен "Тобыл" футболшысы атанды. "Тобылға" барған алғашқы маусымда Интертото кубогы иегері атанды, ал 2010 жылы үшінші рет Қазақстан чемпиондығына қол жеткізді. Бірақ бұл кезде Огай бапкерліктен кетіп қалған болатын.

2010 жылы "Ордабасыға" ауысты. Шымкенттік клуб сапында Қазақстан суперкубогы иегері атанды.

2012 жылы бірінші лигадағы "Сұңқар" қатарын толықтырды. 2013 жылы "Ордабасыға" қайта оралып, екі маусым ойнады.

2014 жылғы маусымды тағы да "Тобыл" сапында, ал 2015 жылды "Қайсарда" өткізді.

2016-17 жылдары тағы да "Ордабасы" сапында доп тепті.

2018 жылы "Алтай" клубына ауысып, бірден команда капитаны боп тағайындалды. Сол жылы карьерасын аяқтады.

Ұлттық құрамада[өңдеу | қайнарын өңдеу]

Ұлттық құрамаға ресейлік Леонид Пахомов бас бапкер болып тұрған жылдары шақырту алған. Пахомов бапкер «Ертісте» өнер көрсетіп жүрген қорғаушыны Әзірбайжанмен өткен жолдастық кездесуде алаңға шығарады. Одан кейін Сергей Тимофеев, Арно Пайперс секілді бапкерлер де ұлттық құрама жиынына тұрақты түрде қатыстырып тұрды. Бас команда сапында жалпы 35 ойын өткізген.

Бапкерлік[өңдеу | қайнарын өңдеу]

2019 жылы бапкерлік жолын бастап, Шымкенттің "Қыран" клубын жаттықтырды.

2020 жылы "Атырауда" бас бапкер көмекшісі боп қызметке тағайындалды.

Жетістіктері[өңдеу | қайнарын өңдеу]

  • Қазақстан чемпионатының жеңімпазы: 2002, 2003, 2010 жылдары
  • Қазақстан чемпионатының күміс жүлдегері: 2004, 2007, 2008 жылдары
  • Қазақстан чемпионатының қола жүлдегері: 2005 жылы
  • Қазақстан кубогының иегері: 2007, 2011 жылдары
  • Қазақстан суперкубогының иегері: 2012 жылы
  • Интертото кубогының иегері: 2007 жылы

Дереккөздер[өңдеу | қайнарын өңдеу]

Сілтемелер[өңдеу | қайнарын өңдеу]