Қозытай Әбуов

Әбуов Қозытай (23.09.1930, Жаңақорған ауданы, Бесарық ауылы – 2.2.1996) – еңбек ардагері. Қазақ ауыл шаруашылық институтын (1953), СОКП ОК жанындағы жоғары партия мектебін (1969) бітірген. 1953 – 61 жылы Тереңөзек (Сырдария) ауданында әр¬түрлі жауапты қызметтер атқарды, күріш кеңшарын ұйымдастырды. 1965 – 67 жылы облысы ауыл шаруашылық басқармасының бастығы, 1969 – 74 жылы Арал, Қазалы ауаткомдарының төрағасы, 1974 – 79 жылы Қазалы аупарткомының бірінші хатшысы болды. Кейін Жалағаш ауданының «Мәдениет» Жаңақорған ауданының «Келінтөбе» кеңшарларын басқарды. 2 мәрте Еңбек Қызыл Ту орденімен, «Құрмет белгісі» орденімен, медальдармен, Қазақ КСР Жоғарғы Кеңесінің Құрмет грамотасымен марапатталған. Қазақ КСР Жоғарғы Кеңесіне депутат болып сайланған (1963).