A-27 автомобиль жолы (Қазақстан)
Навигацияға өту
Іздеуге өту
| «Ақтөбе — Атырау — РФ шекарасы» автомобиль жолы | |
A-27 | |
| Бұрынғы нөмірі |
A-340
|
|---|---|
| Ел | |
| Орналасқан аймағы | |
| Мәртебесі |
Республикалық маңыздағы жол |
| Ұзындығы |
865 км |
| Басталатын жері | |
| Үстімен өтетін елді мекендер | |
| Аяқталатын жері |
РФ шекарасы (Бөкейхан а.) |
| Жол жабындысы |
асфальт |
| Қиып өтетін жолдар |
A-28 A-33
|
A-27 — ұзындығы 865 километр болатын Қазақстан аумағындағы автомобиль жолы.[1] E40 Еуропалық маршруты мен AH70 Азиялық маршрутының құрамдас бөлігі. Тас жол Ақтөбе қаласын Атырау қаласы арқылы Ресей Федерациясындағы Астрахан қаласымен байланыстырады.
Маршруты[өңдеу | қайнарын өңдеу]
| Ақтөбе | → | Қандыағаш | → | Шұбарқұдық | → | Сағыз | → | Доссор | → | Атырау | → | Аққыстау | → | Құрманғазы | → | РФ шекарасы |
Сипаттамасы[өңдеу | қайнарын өңдеу]
A-27 трассасы Ақтөбе қаласынан басталып, Алға, Қандыағаш, Атырау қалаларының үстімен өтіп, Бөкейхан (Котяевка) ауылының тұсындағы Қазақстан-Ресей шекарасында аяқталады. 2007 жылы Қиғаш өзенінің үстінен салынған көпірмен қатар ашылған «Құрманғазы» автомобиль өткізу бекеті арқылы Астрахан қаласына қатынауға болады. Атырау қаласының тұсында A-28 трассасы және Доссор кентінің тұсында A-33 трассасы басталады.
Қайта жаңғырту жұмыстары[өңдеу | қайнарын өңдеу]
- 277 шақырым болатын «Атырау-Астрахань» учаскесінің бүгінгі күні 252 шақырымы пайдалануға берілді. 2018 жылы қайта жаңғырту жұмыстары басталған жол 2024 жылы толықтай пайдалануға беріледі деп жоспарланып отыр.[2]
- Ақтөбе-Қандыағаш автокөлік жолын қайта жаңарту жұмыстары 2021 жылы басталған. Бүгінде Ақтөбе-Қандыағаш автокөлік жолының 11-шақырымынан 100-шақырымына дейінгі учаскесін қайта жаңарту жұмыстары жүргізілуде. Ақтөбеден Қандыағашқа дейінгі (77,5 км) учаскесі толық төрт жолақты, І-б техникалық санатында болса, Қандыағаш айналма жолы (18,2 км) 2 жолақты ІІ-техникалық санатқа сәйкес болады. Толық пайдалануға беру мерзімі — 2024 жыл.[3]
- «Қандыағаш – Мақат» (160-504 км) жолының жалпы ұзындығы 299 шақырымы жөнделді.
Дереккөздер[өңдеу | қайнарын өңдеу]
- ↑ Қазақстан Республикасы Инвестициялар және даму министрінің м.а. 2015 жылғы 26 наурыздағы № 315 бұйрығы «Халықаралық және республикалық маңызы бар жалпыға ортақ пайдаланылатын автомобиль жолдарын сыныптау қағидалары мен шарттарын, тізбесін, олардың атаулары мен индекстерін, оның ішінде қорғаныстық мақсатта пайдаланылатын автомобиль жолдарының тізбесін бекіту туралы». Тексерілді, 20 желтоқсан 2023.
- ↑ Атырау облысында 240 шақырымнан астам жол төселді
- ↑ Биыл Ақтөбе-Қандыағаш және оңтүстік айналма жолы пайдалануға беріледі