Google Аудармашы

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Google Translate
логотипі
скриншоты
URL:

http://translate.google.com/

Сайттың түрі:

машиналық аударма

Тіркелу:

жоқ

Иесі:

Google

Авторы:

Google

Қазіргі статусы:

белсенді

Google Аудармашы (ағылш. Google Translate) – Google компаниясына тиесілі 64 тілде жұмыс істейтін, әлемдегі ең танымал тегін аударма веб-қызметі. Қызмет онлайн үлгіде жұмыс істейді және интернетке кіру мүмкіндігі бар кез келген қолданушыға қолжетімді. Google аудармашы жүйеге қосылған барлық тілдер арасында жеке сөздер мен сөйлемдерді, мәтіндерді және тұтас веб-парақшаларды аудару мүмкіндігіне ие.[1]

Мүмкіндіктері[өңдеу]

Google Аудармашының да басқа машиналық аудармашы құралдар сияқты өзіндік шектеулері бар. Оқырманға шет тілдегі мәтіннің мазмұндық мағынасын түсінуге көмектескенімен, әрдайым нақты аударманы жеткізіп бере алмайды.[2].

Кейбір тілдер бойынша басқа тілдерге қарағанда аударма нәтижесі жақсырақ болып келеді. Мысалы, Google Аудармашы ағылшын тілі мен Еуропа Одағы тілдері арасында сапалы тәржіме жасайды.[3].

Google Translate Уикипедия ашық энциклопедиясында қолданылуы[өңдеу]

TranslationGadget.gif

Google Translate Ағылшынша Уикипедияның басты бетін португал тіліне автоматты аудара алады. Кейбір Уикипедия бөлімдерінде GoogleTrans құралы қосылған. Бұл құралдың көмегімен сөзді, сөз тіркесін, толықтай мәтінді белгілеп (таңдалған мәтін көлемі 500 таңбаға дейін)  ⇧ Shift  пернесін басқанда Google Translate-ке қосылған кез келген тілге (белгіленген тілге) автоматты аударып береді. Мұндай гаджет әзірге Ағылшынша Уикипедия, Нидерландша Уикипедия, Жапонша Уикипедия, Индонезше Уикипедия, Испанша Уикипедия, Хиндише Уикипедия, Македонша Уикипедия, Норвегше Уикипедия Уикипедия бөлімдерінде ғана орнатылған.

Google Translate аударма жүйесіне қосылған тілдердің Уикипедия бөлімдерінің әрбір бетін бір-біріне автоматты аударуға болады. Мысалы: қытайша , жапонша, корейше, ивритше Уикипедия бөлімдерінің әрбір бетін ағылшын тілінде оқуға болады. Ол үшін Үлгі:Google translation үлгісін қолдануға болады.

Аудармашыға қазақ тілін еңгізу[өңдеу]

Қазіргі уақытта Wikibilim қоғамдық қоры Google Аудармашыға қазақ тілін қосу жобасын қолға алды.[4]

iOS нұсқасы[өңдеу]

iPhone-да орнатылған Google Аудармашы қосымшасы (неміс тілді)

2008 жылдың тамызында Google компаниясы iOS операциялық жүйесіне арналған iPhone қолданушыларына HTML5 веб қосымшасын іске қосты. Google Аудармашыға арналған ресми iOS қосымшасы 2011 жылдың 8-ақпанында шығарылды.[5] Ол 15 тілде сөздерді дауыс күйінде (voice input) қабылдай алады. 50-ден астам тілге тәржіме жасай алады. Ал 23 түрлі тілде аударманы дауыстап айтып бере алады.[6]

Android нұсқасы[өңдеу]

Google Аудармашы Android операциялық жүйесі үшін тегін жүктеп алуға болатын қосымша (арр) болып табылады. Алғашқы версиясы 2010 жылы қаңтарда іске қосылған және қолданылуы шолғыштағыдай (browser) қарапайым. Android-та өзге тілді қолданушылармен емін-еркін жазысуға мүмкіндік беретін "SMS аударма" опциясы 14 тілде ұсынылады.[7] Сонымен қатар, кейбір тілдерде сөздерді теріп емес, дауыспен еңгізуге (voice input) болады.

Қолданыстағы тілдер[өңдеу]

Төмендегі тілдердің барлығы бір-біріне аударыла алады. Тізім 07.12.2012 мерзіміндегі жағдайына сәйкес келеді.

Дереккөздер[өңдеу]

  1. Уикибілім қоры веб-сайты
  2. Современный «умный» онлайн переводчик
  3. Comparison of online machine translation tools
  4. Әлемдік аударма жүйесіне қазақ тілі енгізіледі, 23.11.2012. Айқын республикалық қоғамдық-саяси газеті
  5. Wenzhang Zhu, Google Translate blog, February 8, 2011
  6. Introducing the Google Translate app for iPhone, Wenzhang Zhu, Google Translate blog, February 8, 2011
  7. Gigaom.com 2011 October 13 by By Ryan Kim. Google Translate conversation mode expands to 14 languages]