Асин

Уикипедия — ашық энциклопедиясынан алынған мәлімет
Jump to navigation Jump to search

Асин - Латын Америкасының ұлттық ақпарат қызметінің ұйымы (Accion de Sistemas In- formativos Nacionales -ASIN) - 1979 жылы Қарақаста құрылды. [1]. Aсин жарғысы 1982 жылы 25 сәуірінде күшіне енді. Антигуа және Барбуда, Боливия, Венесуэла (Венпрес), Гайана (Гайананың ақпарат агенттігі), Гондурас, Гренада, Доминикан Республикасы, Колумбия (кольпренса), Коста-Рика, Мексика (Ноти- мекс), Никарагуа (Нуэва Никарагуа агенттігі), Панама, Перу (Андина), Сент-Кристофер және Невис, Суринама (Суринама ақпарат агенттігі), Эквадор, Ямайка елдерінің және (Пренса Латина) латын американ елдерінің ақпарат агенттіктері мен мемлeкеттік баспасөз қызметін біріктіреді.

Мемлекетаралық ұйым дәрежесіне ие (Колумбия, Картахен қаласында 1983 жылы қазанындағы қол қойылған халықаралық келісімшарт негізінде).

Асин мақсаты - Латын Америкасы елдері мен Кариб бассейніндегі ағылшын тілді елдермен ақпаратты кеңінен алмастыру. ЮНЕСКО-да кеңесшілік дәрежесі ("В" категориясы) бар. Асин редакциясы күнделікті орта есеппен 15 мың сөз көлемінде ақпараттық агенттіктер мен осы елге кіретін мемлекеттік ақпарат қызметтеріне арнап 4 ақпарат бюллетенін шығарады. Кариб бассейніндегі ағылшын тілі елдерге ағылшын және Араб ақпарат агенттіктерінің Федерациясына мүше елдерге араб тілінде ақпараттар береді.

Асин тарататын ақпараттардың тақырыбы: саяси, экономикалық және әлеуметтік мәдениет және сыртқы байланыс мәселелері. Жоғары ұйымы - жыл сайын шақырылатын Бас ассамблея. Бас ассамблеяның сессияларын жүргізетін тұста Асин қызметін ұйымдастыратың, бағыт сілтейтін Басшы комитетті сайлайды. Асиннің техникалық ұйымдарына Оперативті және Атқарушы секретариат жатады. Штаб-пәтері - Сан-Хосе қаласында (Коста-Рика) орналасқан.

Дереккөздер[өңдеу]

  1. "Қазақ телевизиясы", Энциклопедия, "ҚазАқпарат" Алматы, 2009 1-т, ISBN 978-601-03-0070-5