Ақын Сара кесенесі — белгілі қазақ ақыны Сара Тастанбекқызының бейітінің басына 1993 ж. орнатылған ескерткіш. Ол бұр. Қапал ауданының "Қапал" кеңшарындағы "Қарашоқы" қорымына салынды. Биіктігі 10 м, табиғи тастан қаланған күмбезі бар. Ақын Сараның жерленген орнын жергілікті мәдениет қызметкерлері (М Алыбаевтың басшылығымен) 1979 ж. анықтаған. Кесене ЮНЕСКО-ның тізіміне енгізілген, республикалық дәрежедегі ескерткіштер қатарына жатады.[1]
