Колумбия Ұлттық футбол құрамасы

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Колумбия Ұлттық футбол құрамасы
Логотип
Лақап Los Cafeteros (Кофейщиктер)
Конфедерация КОНМЕБОЛ
Федерация Колумбия футбол федерациясы
Негізгі. бапкер Аргентина Хосе Нестор Пекерман
Капитан Марио Йепес
Ең көп
ойын саны
Карлос Вальдеррама (111)
Үздік
бомбардир
Радамель Фалькао Гарсия (25)
ФИФА рейтингі 13 (15 ақпан 2018)
ФИФА коды COL
Форма
Негізгі
форма
Форма
Сақтық
форма
Бірінші ойын
Мексика Мексика 3 — 1 Колумбия Колумбия
(Панама, Панама; 10 ақпан 1938)
Ең ірі жеңіс
Аргентина Аргентина 0 - 5 Колумбия Колумбия
(Буэнос-Айрес, Аргентина; 5 қыркүйек 1993)

Колумбия Колумбия 5 — 0 Перу Перу
(Барранкилья, Колумбия; 4 маусым 2005)
Колумбия Колумбия 5 — 0 Уругвай Уругвай
(Барранкилья, Колумбия; 6 маусым 2004)

Ең ірі жеңіліс
Югославия Социалистік Федеративтік Республикасы Югославия 5 - 0 Колумбия Колумбия
(Арика, Чили; 7 маусым, 1962)
Әлем чемпионаты
Қатысу 4 (бірінші 1962)
Жетістік 1/8 финал, 1990
Америка кубогы
Қатысу 17 (бірінші 1945)
Жетістік Чемпиондар, 2001

Колумбия Ұлттық футбол құрама командасы Колумбияны халықаралық матчтар мен футболдан турнирлерде ұсынады. Елдегі футбол ұйымының негізгі басқарушысы Колумбия футбол федерациясының қол астында бақылауда болады. КОНМЕБОЛ мен ФИФА мүшесі.

Тарихы[өңдеу]

Әлем чемпионаттарына бірнеше рет қатысқан. Алғаш 1962 жылы қатысып, КСРО, Югославия, Уругвай құрамаларымен бір топқа түсті. Топтан шыға алмады, бірақ екінші турда екі жыл бұрынғы Еуропа чемпиондары — КСРО құрамасынан 1:4 есебімен ұтылып жатып, екінші таймда Яшин қорғаған қақпаға үш гол соқты. Бұл чемпионатта колумбиялықтар осы камбэгімен ғана есте қалды. Арада 28 жыл өткен соң 1990 жылы Италияда өткен чемпионатта Карлос Вальдеррама секілді жарық жұлдызы бар Колумбия құрамасы алғашқы жеңісін тойлап, Біріккен Араб Әмірліктері құрамасын 2:0 есебімен ұтты. Ал соңғы турда болашақ чемпиондар ГФР құрамасымен тең ойнап, келесі сатыға өтті. 1/8 финалда Камерун құрамасынан 1:2 есебімен ұтылып қалды.

1994 жылғы чемпионатта футбол королі Пеленің өзі "Турнирдің басты фавориті Колумбия құрамасы" деген баға берді. Бірақ іріктеу турнирінде Аргентинаның өзін 5:0 есебімен ұтып кеткен колумбиялықтар АҚШ-та өткен чемпионатта алғашқы екі турда Румыния мен АҚШ құрамасынан ұтылып, жарысты жалғастырудан үмітін үзді. АҚШ-пен ойында өз қақпасына гол соғып алған Андрес Эскобарды еліне барған соң бұзақы топтар атып өлтірді. Қылмыскерлер әрбір атқан сайын "Гол! Гол!" деп кіжіне айғайлап тұрыпты.

1998 жылы топтық турнирде тек Тунис құрамасына ғана шамасы жетті - 1:0. Қалған екі қарсыласы Румыния мен Англиядан ұтылып, елдеріне қайтты. Бірақ үш жылдан соң тұңғыш рет Оңтүстік Америка кубогында топ жарды. Осы жеңіс 2003 жылғы Конфедерациялар Кубогына жолдама әперді. Конфедерациялар кубогында 4-орынға табан тіреді.

2014 жылғы әлем чемпионатында тұңғыш рет ширек финалға шықты[1]. Құрама шабуылшысы Хамес Родригес алты гол соғып, чемпионаттың сұрмергені атанды.

ӘЧ-2018[өңдеу]

2018 жылғы әлем чемпионатында Жапония, Польша, Сенегал құрамаларымен соңғы топқа түсті.

  • 19. 06. 2018. Колумбия-Жапония
  • 24. 06. 2018. Польша-Колумбия
  • 28. 06. 2018. Сенегал-Колумбия

Дереккөздер[өңдеу]

  1. Colombia back with a bang. FIFA.com (26 маусым 2014). Тексерілді, 30 маусым 2014.

Сілтемелер[өңдеу]