Мигель Анхел Котто

Уикипедия — ашық энциклопедиясынан алынған мәлімет
Jump to navigation Jump to search
Мигель Анхел Котто Boxing pictogram.svg
Miguel Angel Kotto
Суреті
Жалпы мағлұмат
Толық есімі

Мигель Анхел Котто

Лақап аты

Хунито (ағылш. Junito)

Азаматтығы

 Пуэрто-Рико

Туған күні

29 қазан 1980(1980-10-29) (39 жас)

Туған жері

Род-Айленд, АҚШ

Тұрғылықты жері

 Пуэрто-Рико, Кагуас

Салмағы

Бірінші орта
орта салмақ
жартылай орта

Тұрысы

оңқай

Бойы

170 см

Қолдың қарқыны

170 см

Стилі

ортодокс

Бапкері

Фредди Роуч

Рейтингтері
BoxRec рейтинг бойынша позициясы

2

Кәсіби карьерасы
Алғашқы айқасы

23 ақпан 2001 жыл

Соңғы айқасы

6 маусым 2015 жыл

Чемпион белдігі

WBC
The Ring

Айқастар саны

44

Жеңгендер саны

40

Нокаутпен жеңгені

33

Жеңілгендер саны

4

Тең түскендері

0

Болмағандары

0

Қызметтік тізімі (boxrec)

Мигель Анхел Котто (ис. Miguel Angel Cotto; 29 қазан 1980, Кагуас, Пуэрто-Рико) — бірінші орта салмақта өнер көрсететін пуэрториколық кәсіпқой боксшы. 2000 жылғы Пуэрто-Рико ұлттық құрамасының мүшесі. Бірінші жартылай орта (WBO тұжырымы, 20042006 жылдар), жартылай орта (WBA тұжырымы, 20062009 жылдар), бірінші орта (WBA тұжырымы, 20102012 жылдар) және орта салмақтағы (WBC тұжырымы, 2014—қазіргі уақыт) әлем чемпионы. 4 бірдей салмақ дәрежесінде чемпиондық атақтар жеңіп алған пуэрториколық бірден-бір боксшы.

Жеке өмірі[өңдеу]

Мигель Анхел Котто 1980 жылы 29 қазанда АҚШ мемлекетінің Род-Айленд қаласында дүниеге келген. Мигель екі жасқа толған кезде, оның отбасы Пуэрто-Рико мемлекетінің Кагуас қаласына қоныс аударған. Мигельдің болашағы алдын ала анықталып қойды десе де болады. Өйткені, оның отбасындағы ерлердің барлығының дерлік боксқа қатысы бар. Оның әкесі Мигель Котто, ағасы Хосе Мигель Котто боксшылар болса, ал немере ағасы Авенир Котто, көкесі Евангелиста Котто бокстан жаттықтырушы болған. Шынын айтқанда, Мигельге мамандық таңдау қиындыққа түспеді. Ол бала кезінен Bairoa Gym жаттығу залына барып жүрді. Мигель Коттоның жұбайының есімі - Мелисс Гузман, олардың екі баласы бар. Олар: Алондра және Мигель Котто Үшінші. Онымен қоса, некесіз тағы бір қызы бар. Қазіргі уақытта ол сотқа арыз беру арқылы қызымен кездесіп тұрады.

Әуесқой мансабы[өңдеу]

1997 жыл
  • Панамерикандық Ойындарда жеңіске жетті. Финалда Хавьер Асвальдо Альваресты (Аргентина) жеңді.
1998 жыл
  • Жасөспірімдер арасындағы Панамерикалық Ойындарда екінші орын алды. Финалда Дана Лафрамбостан (Канада) ұтылды
  • Әлем чемпионатында топ жарды.
  • Андрей Колевинды (Украина) жеңді PTS (15-3)
  • Дана Лафрамбосты (Канада) жеңді PTS (6-1)
  • Дариуса Хасеекусты (Литва) жеңді PTS (9-5)
  • Антон Солоповтан (Ресей) жеңілді PTS (8-9)
  • Орталық Америка Кариб ойындарында екінші орын.
  • Луиса Антонио Авеконы (Мексика) жеңді PTS (+25-25)
  • Карлос Кастроны (Аргентина) жеңді PTS (12-4)
  • Марио Кинделаннан (Куба) жеңілді PTS (2-20)
1999 жыл
  • Панамерикалық ойындарға қатысты.
  • Дана Лафрамбостан (Канада) ұтылды PTS (2-5)
  • Әлем чемпионатына қатысты
  • Робертас Номеикастан (Литва) жеңілді PTS
2000 жыл
  • Орталық Америка Кариб ойындарында жеңіске жетті.
  • Олимпиада ойындарына қатысты
  • Мұхаммадқадыр Абдуллаевтан (Өзбекстан) ұтылды 7-17

Кәсіпқой мансабы[өңдеу]

Мигель Анхел Котто

2001 жылы ақпанда алғашқы айқасын өткізді. 2003 жылы желтоқсанда Котто 8-ші раундта жеңілмеген Карлос Мауссты (17-0) нокаутпен тізе бүктірді. 2004 жылы ақпанда 4-ші раундта Викториано Сосуды нокаутқа түсірді. 2004 жылы ақпанда Котто элиминаторда Лавмора Ндуды ұпай санымен жеңді.

Екінші жеңіл салмақтағы чемпиондық айқастар[өңдеу]

Кельсон Пинтомен айқас[өңдеу]

2004 жылы қыркүйекте Пуэрто-Рикода WBO титулы үшін бірінші жартылай орта салмақта жеңіліс көрмеген боксшылар - жергілікті Мигел Анхел Котто мен бразилиялық Кельсон Пинто арасында жекпе-жек өтті. 2-ші раундтың аяғында Котто екілік жасады - жақтан оңжақ хук және солжақ хук. Пинто еденге сұлап түсті. Ол қайта аяғынан тұра алды, арқанға сүйеніп тұрып қайтадан құлай жаздады. Дегенмен Коттоның қарсыласын ұрған үстіне ұра түсуіне мүмкіндігі болмады. 5-ші раундтың аяғында Котто қарсыласының басына бірнеше сериялық соққылар жасады. Бразилиялық құлап бара жатып, қарсыласынан ұстанып қалды, содан кейін аяғынан тік тұруға тырысқанымен, рингке ұшып түседі. Соған қарамастан Пинто жылдам көтерілді. Осыған орай рефери нокдаун есепке алады. 6-шы раунд басында Котто бразилиялықты бұрышқа қамап, ауыр соққылардың астына алды. Соққылардың жойқын болғаны соншалық, Пинто еденге сұлап түсті. Бразилиялық қайта тұра алғанымен делсал күйде болатын. Сондықтан рефери жекпе-жекті тоқтатты.

2004 жылы желтоқсанда Котто 6-шы раундта Рэнделла Бейлиды нокаутқа түсірді.[1]

Демаркус Корлимен айқас[өңдеу]

2005 жылы ақпан айында Пуэрто-Рикода Мигель Котто Демаркус Корлимен қолғап түйістірді. 1-ші раунд басында Котто қарсылас кеудесіне оңжақ хук өткізді, содан кейін басына солжақ хук өткізді. Корли тізерлегенмен, бірден қайта көтерілді. Рефери нокдаун есепке алды. 5-ші раундтың аяғында Котто қабырғадан солжақ хук өткізіп, Корли қайта тізерледі. Рефери нокдаун есепке алды. Корли онымен келіспеді. Айқас жалғасын тапқан соң Котто қарсыласына тұра ұмтылды. Қарсыласының соққыларынан қашып жүріп, Корли тағы да тізерлейді. Рефери есеп ашпастан айқасты тоқтатады. Корли рефери шешімімен тағы да келіспейді. Реферидың бұл шешімі үлкен дау тудырды. HBO комментаторы Ларри Мерчант рефери шешімін масқара деп бағалады (ағылш stoppage disgrace).

Мұхаммадқадыр Абдуллаевпен айқас[өңдеу]

2005 жылы ақпанда Котто Мұхаммадқадыр Абдуллаевпен кездесті, осыған дейін Котто 2000 жылғы Олимпияда ойындарында одан жеңіліс тапқан болатын. Айқастың соңына жақындағанда Абдуллаевтың оңжақ көзі жарақат әсерінен ісіп кетеді. 9-шы раундтың басында рефери айқасты тоқтата тұрып, өзбекті дәрігерге апарады. Дәрігер өз кезегінде айқасты тоқтатуға кеңес береді. Сөйтіп, рефери пуэрторикандықтың пайдасына нокаут есепке алып, Мигель жеңіске жетті. [2]

Рикардо Торреспен айқас[өңдеу]

2005 жылы қыркүйекте жеңілмеген қос боксшы - Мигель Анхел Котто мен колумбиялық Рикардо Торрес арасында айқас өтті. 1-ші раундтың ортасында Котто екілік арқылы қарсыласын есеңгіретіп жіберді. Ол ең алдымен оңжақ хукпен жақтан соққы жасады, соңынан солжақ хукпен қарсыласын нокдаунға жіберді. Сұлап түскен Торрес бірден көтерілді. 2-ші раундта керісінше Торрес пуэрторикандықты соққының астына ала бастады. Ал 2-ші раунд ортасында Торрес қарсыласының жағынан екілік жасады. Котто клинч арқылы құтылуға тырысқанмен, Торрес оған мүмкіндік бермеді. Соққылардың әсерінен жеңіліс көрмеген Котто еденге сұлап түсті. Рефери оның мансабындағы 1-ші нокдаунды есепке алды. Котто болса өзін итеріп жіберген деп есептеп, рефери шешімімен келіспеді. 3-ші раундтың ортасында Котто қарсыласына белден төмен соққы жасады. Рефери кездесуді уақытша тоқтатып, Торреске қалпына келуге уақыт берді. 4-ші раундтың аяғында Котто қарсыласының басына оңжақ хук, содан соң қабырғадан солжақ хук өткізді. Осыдан соң Торрес сұлап түсті. Рефери нокдаун есепке алды. 7-ші раундтың ортасында Котто қарсыласын бұрышқа қамап, Торрестың басына және қабырғасына сериялық соққыларын өткізді. Есеңгіреген Торрес еденге сұлап түсті.[3] Ол 10-ға дейінгі есепте көтеріле алмады, сөйтіп рефери нокаут есепке алып, Котто қарсыласын тізе бүктірді.[3]

Карлос Кинтанамен айқас[өңдеу]

2006 жылы желтоқсанда жартылай орта салмақта WBA титулы үшін жеңілмеген пуэрторикалық боксшылар Мигель Котто мен Карлос Кинтана арасында жекпе-жек өтті. Айқас өте әсерлі болды. 5-ші раундтың аяғында Котто солжақ тараптан бауырға соққы жасап қарсыласын сұлатып түсірді. Кинтана әзер дегенде көтерілді. Котто болса оны ұрған үстіне ұра түсті. Ауыр әрі жойқын сериялық соққылардың әсерінен Кинтана тағыда сұлап түсті. Ол қайтадан аяғына тұрды. Рефери Стив Смогер бұрыннан, боксшылардың бірін-бірі ауыр нокаутқа дейін ұруына мүмкіндік беруімен танымал еді. Ол айқасты қайтадан жалғастырды. Осыған қарамастан Кинтана гонг үніне дейін шыдас берді. Үзілісте дәрігер рефериге айқасты тоқтатуға кеңес берді.

Октай Уркалмен айқас[өңдеу]

2007 жылы наурызда Котто тегі түрік германиялық боксшы Октай Уркалмен кездесті. 7-ші раундта қазы Уркалдың баспен жасаған қозғалысы үшін оның ұпайын алып тастады. 11-ші раундта рефери тағы да оның ұпайын алды. Қазылыққа наразы болған немістің бапкері рингке орамал тастады.

Заб Джудамен айқас[өңдеу]

2007 жылы маусымда Котто жартылай орта салмақтағы бұрынғы абсолютті әлем чемпионы Заб Джудамен кездесті. 3-ші раундта Котто белден төмен солжақ хук жасады. Джуда еңкейіп, сұлап түсті. Рефери пуэрторикалықтың ұпайын алып тастады. 11-ші раундтың басында Котто қарсылас басына оңжақ хук, соңынан солжақ апперкот жасады. Джуда еденге сұлап түсті. Ол 5 дегенде тұрды. Котто шабуылын жалғастырды. Джуда клинчқа кірді. Рефери боксшыларды ажыратты. Котто тағы да шабуылға шықты. Джуда бірнеше соққылар өткізіп алып, шабуылдан қашуға тырысты. Сол кезде рефери жағдайды бағамдап, айқасты тоқтатты. Джуда шешімді дауламады.[4][5][6]

Шейн Мослимен айқас[өңдеу]

2007 жылы қарашада Мигель Анхель Котто Шейн Мослимен кездесті. Қазылар жеңісті бірауыздан Коттоға берді.[7][8]

Альфонсо Гомеспен айқас[өңдеу]

2008 жылы ақпанда Котто Альфонсо Гомесқа қарсы рингке шықты. Котто бүкіл жекпе-жек бойы басымдығын танытты. 2-ші раундтың аяғында Котто оңжақ хук арқылы Гоместы сұлатып түсірді. Соған қарамастан мексикалық бірден көтерілді. 3-ші раундтың аяғында Котто бауырдан соққы жасап, Гоместы тізерлеуге мәжбүр етті. Рефери болса нокдаун болды деп санап, есеп ашты. Есептің 5 санында гонгтың үні естіліп, рефери есепті тоқтатты. Сұлаған мексикалық әлі де көтерілмеген еді. Осылайша гонг үні Гоместы құтқарып қалды. 5-ші раундтың ортасында Котто солжақ джеб арқылы қарсылас басына соққы жасап тағы да сұлатып түсірді. Есеңгіреген Гомес 4 санында көтерілді. 5-ші мен 6-шы раунд аралығында рефери Гоместы дәрігердің кеңесімен бұрышқа шақырып алды да, айқасты тоқтатты. Сөйтіп Котто техникалық нокаутпен жеңіске жетті.

Антонио Маргаритомен айқас. Алғашқы жеңіліс[өңдеу]

Антонио Маргаритомен айқас

Бұл Коттоның кәсіпқой рингтегі бірінші жеңілісі болды. Мигель Котто екінші нөмірмен жұмыс жасап, айқасты белсендірек бастаған. Ол Антонио Маргаритоға өзіне жақындауға мүмкіндік берген болатын. Мексикалық қарсыласының жойқын соққыларын жағымен қарсы алды. Оның үстіне, оның қалай құламағаны түсініксіз еді. Айқастың орта шенінен бастап пуэрторикалықтың шаршаңқырағаны, енді шабуыл әрекеттеріне бармайтыны белгілі бола бастады. Мексикалық керісінше күшін үнемдеп, Коттоны ринг бойымен қуалай соққылар жасады. 11-ші раундтың ортасында есеңгіреген Мигель Котто тізерлеп, рефери өз кезегінде нокдаун есепке алды. Котто түрегеліп, артқа шалқалақтап, қайта тізерледі. Жағдайдың қалай аяқталатыны белгілі болатын. Айқас аяқталмастан пуэрторикалықтың бұрышынан ақ орамал тасталды.

Майкл Дженнингспен айқас[өңдеу]

2009 жылы ақпанда WBO тұжырымы бойынша әлем чемпионы титулы үшін айқаста Котто америкалық Майкл Дженнингсты нокаутқа түсірді. 2009 жылы 13 маусымда Котто WBO тұжырымы бойынша чемпиондық белбеу үшін аса қиын айқаста ганалық Джошуа Клоттиды қазылар шешімімен жеңді. Шешім даулы болды.

Мэнни Пакьяомен айқас[өңдеу]

Бірінші раунд тең дәрежеде өткенмен, екінші раундта Пакьяо басымдыққа ие бола бастады. Үшінші раундта Пакьяо Коттоны нокдаунға жіберді. Котто төртінші раундта екінші рет сұлап түсті. Мэнни Пакьяо бүкіл айқас бойы басымдығын танытты.[9] Он екінші раундтың басында филиппиндықтың көпсоққылы комбинациясынан соң рефери айқасты тоқтатып, техникалық нокаутпен «Пак мэн» жеңді деп шешім қабылдады.[10]

Бірінші орта салмақтағы айқастар[өңдеу]

Юрий Форманмен айқас[өңдеу]

Мигель Котто чемпион Юрий Форманға қарсы

Мэнни Пакьяодан жеңілгеннен соң Котто бірінші орта салмаққа көтерілді. 2010 жылы маусымда WBA чемпионы Юрий Форманмен кездесті. Алғашқы алты раундта бәсекеге толы айқас өтіп, Котто біршама басымдық танытқан болатын. Форман өзінің стилі бойынша қимылдады. Ол қозғалыс бағыттарын бірден ауыстырып, шабуылға сирек шығатын еді. Ал Котто болса бұрыштарды әсерлі қиып, көбінесе сол қолымен қимылдады. Юрийдың жылдамдық пен қол қарқындылығы, бой бойынша артықшылығына қарамастан Мигель чемпионды соққылардың астына алды. Форман 7-ші раундта кері шегініп, құлап аяғын жарақаттап алды. Бірақ айқасты жалғастыруға келісім берді.[11][12][13][14][15] 7-ші раундта Форман жарақаттанған аяғымен сәтсіз қимыл жасап тағы да құлап түсті, соған қарамастан ол қайтадан көтеріліп раундтың аяғына дейін шыдас берді. Ол келесі раундқа шығып қарсыласуға тырысты. Коттомен жиі соққылар алмасты, алайда көптеген ауыр соққыларды өткізіп алды. Нәтижесінде бұрыштан орамал лақтырылды. Боксшылардың командалары бірден рингке көтерілген еді, бірақ рефери оларды рингтен қуып шығып, айқастың жалғасатынын мәлімдеді (ринг анонсёр Майкл Баффер орамалдың Форманның бұрышынан емес, көрермен залынан лақтырылғанын айтты). Өзінің әдетінше қимылдай алмаған Форман Мигельдың оңай нысанасына айналды. Ол 8-ші раундтың соңында сау-тамтығы қалмаған күйде өзінің бұрышына оралды. Ал келесі 9-шы раундта Котто керме арқанға қарай шегінген қарсыласын қуып жетіп, бауырдан қуатты соққы жасады. Форман соққыны ауырсынған күйі еңкейген болатын, осыдан соң рефери есеп ашпастан айқасты тоқтатты. Осылайша Котто үшінші салмақ дәрежесінде чемпион атанды.

Рикардо Майоргамен айқас[өңдеу]

2011 жылы наурызда Котто орта салмақтағы WBA атағын танымал никарагуалық Рикардо Майоргаға қарсы қорғады. Майорга уақыт өте келе қарсыласын тепе-теңдік күйінен шығаруға тырысты. Дегенмен де Котто өзінің шаруасын сабырлы түрде тындыра берді. 12-ші раундта Майорга басынан солжақ тура соққыны жіберіп алып нокдаунға түсіп қалды. Осыдан кейін ол сол қолының жарақатын алға тартып, айқастан бас тартты. Осылайша Котто кезекті жеңісіне қол жеткізді.

Антонио Маргаритодан қарымта қайтару[өңдеу]

Котто 2008 жылғы маусымдағы жеңіліс үшін қарымта қайтара алды. Алғашында Котто басымдық танытқанымен, Маргарито айқастың орта шенінде қарқынын үдетіп, айқас тең дәрежеде өте бастады. Айқастың орта шенінен асқанда Маргаритоның оң көзі толығымен жабылып қалады. Сегізінші және тоғызыншы раундтарда Маргарито қарсыласының ауыр әрі жойқын соққыларын өткізіп алды. Оныншы раунд басталуын білдіретін гонг соғылса да, мексикалықтың бұрышында айқастың жалғасуы жайлы рефери мен дәрігердің қатысуымен талқылау жүргізіліп жатқан болатын. Осыдан кейін Маргарито мен оның командасының мүшелерінің қарсылығына қарамастан айқасты тоқтатуға шешім қабылданды.[8][16][17][18][19][20][21]

Флойд Мейуезермен айқас[өңдеу]

2012 жылы мамырда Флойд Мейуезер бірінші орта салмақтың WBA тұжырымының «суперчемпионы», бокс әлемінің жұлдызы пуэрторикандық Мигель Коттоға қарсы айқасқа шықты. Онымен қоса Гауһар WBC белбеуі ойнатылған еді. Айқастың көп бөлігі чемпионның күшімен тең дәрежеде өтті. Алғашқы раундта Мейуезер өзінің тәсілімен рингтың ортасын қарсыласына беріп, қарымта шабуылдарға арқа сүйеді. Жылдамдығының артықшылына байланысты американдық қарсылас соққыларын тигізбей, өзі ауыр соққыларын жасады. Котто қарсыласын қысымның астына алып, «жартылай күрес» стилінде жұдырықтасты. Мейуезер арқанға арқасын сүйеп, біршама ғана соққыларды жіберіп алды. Мигельдың соққылары ешқандай да нәтиже бермеді. Американдықтың тамаша қорғаныс техникасы өз дегенін жасады. Котто Мейуезерды арқанға қамап қарсыласының қорғанысын бұзуға әрекеттенді. Оның біршама сәтті шабуылдары 4-ші раундта өтті. Ол соққылар Флойдтың басымен, қабырғасына бағытталған еді. 5-ші раундта Мейуезерге пуэрторикандықтың жойқын шабуылына төтеп беруге тура келді. Бүкіл раунд бойына Котто қарсыласын қорғанып, жабық жүруге мәжбүрледі. Қорғанғанған қарсыласын бұрышта қамап соққылардың астына алды. Сонда да раунд аяғында Флойд қарсылас шабуылынан құтылды. Мигель қарсыласына қысым көрсетіп, жақын және орта қашықтықтағы шабуылын жалғастырды. Өзінің белсенділігінің арқасында көрермендердің қошеметіне ие болды. Алайда қашықтық үлкейген сәтте Котто қарсыласының соққыларын жібере бастады. Бірнеше раунд бойы үстемдік танытып, Мейуезердың мұрынын сындырса да, Котто көптеген соққы жіберіп алды. Мейуезер қарқынын төмендеткен кезде — ол қарсыласынан басымдығын көрсетті. 8-ші мен 11-ші раундтар екі қарама-қарсы стильдердің айқасымен өтті: әрдайым алға ұмтылатын Коттоның қорғанысы да біршама жақсы болатын. Шешуші раунд барысында Мейуезер қарсыласынан қарымтасын оңай қайтарды: Котто қырағылығын біраз төмендетіп, бірден жойқын сериялық соққыларға ұшырады. Мигель біраз есеңгіреп қалғаннан кейін де, аяғында тұра алды. 12-ші раундтың қортындысы бойынша қазылардың бірауыздан шешімімен жеңілмеген Флойд Мейуезер тағы да жеңіске жетті.

Траут және Родригеспен айқас[өңдеу]

2012 жылы 1 желтоқсанда Котто WBA тұжырымы бойынша әлем чемпионы атағы үшін айқаста ұпай санымен Остин Трауттан жеңіліп қалды. Жеңілістен соң Коттоны атақты америкалық бапкер Фредди Роуч жаттықтыра бастады. Фредди Роуч онымен қоса танымал Мэнни Пакьяоны жаттықтыратын еді. 2013 жылы 5 қазанда Эмвей орталығында Мигель Анхель Котто доминикандық боксшы Делвин Родригесты нокаутқа түсіріп, бокс әлеміне сенімді түрде оралды.

Орта салмақтағы айқастар[өңдеу]

Серхио Мартинеспен айқас[өңдеу]

2014 жылы 7 маусымда Нью-Йорк қаласындағы аңызға айналған Медисон Скуер Гарден аренасында Мигель Котто мен орта салмақтың көшбасшысы аргентиналық Серхио Мартинестың қатысуымен үлкен ppv шоу өтті. Айқас көптің күткенінен де асып түсті.[3][22] Котто бірінші раундта чемпионды үш рет нокдаунға жіберді.[23][24] Жойқын соққылар Мартинесты есеңгіретіп жіберді. Соның әсерінен ол қайта қалпына келе алмады. Оныншы раундқа дейін Котто Мартинесты сабаумен болды, бірақ аргентиналық шыдамдылық танытты. Тоғызыншы раундта әлсіреген Мартинес гонг үніне дейін шыдас бергенімен, 10-шы раундқа шықпады. Котто қарсыласының айқастан бас тартуымен жеңіске жетіп, қайтадан салмақ дәрежесіне тәуелсіз үздік боксшылар рейтингіне енді. Айқас 169 фунт (70,3 кг) салмақ дәрежесінде өтіп, Мартинестың атақтары ойнатылған еді. Котто орта салмақтағы WBC және The Ring тұжырымдары бойынша жаңа чемпион атанды.[25][26][27][28][29]

Дэниел Гилмен айқас[өңдеу]

2015 жылы 6 маусымда алдыңғы айқастан кейін тура бір жыл өткен соң Мигель Котто британдық Дэниел Гилмен қолғап түйістірді. Айқас алдында Котто қазақстандық WBC атағына үміткер Геннадий Головкинмен кездесуі мүмкін деген ақпарат тараған еді. Алайда Котто атағын әлі де бір рет өз қалауы бойынша қорғауға құқығы барын алға тартып, Дэниел Гилге қарсы айқас өткізетінін мәлімдеді. Айқас барысында Мигель Коттоның басымдығы алғашқы раундтардан-ақ көрінді. Ол қарсыласына дәл соққыларын өткізіп отырды. Төртінші раундта Коттоның қуатты дәл соққысы нысанадан дәл табылды. Бұл соққы Гилды есеңгіретіп жіберді. Нәтижесінде рефери Коттоның пайдасына нокаут есептеді. Осылайша, Котто бір жылдық үзілістен кейін сенімді жеңіске қол жеткізді.

Жетістіктері[өңдеу]

Әлемдік Титулдар
  • WBO бірінші жартылайорта салмақ Чемпионы (140 фунт)
  • WBA жартылайорта салмақ Чемпионы (147 фунт)
  • WBO жартылайорта салмақ Чемпионы (147 фунт)
  • WBA бірінші орта салмақ чемпионы (154 фунт)
  • WBA Super бірінші орта салмақ чемпионы (154 фунт)
  • WBC орта салмақ чемпионы (160 фунт)
Кішігірім Әлемдік Атақтар
  • WBB бірінші орта салмақ чемпионы (154 фунт)
The Ring/ Lineal Championship атақтары
  • The Ring орта салмақ чемпионы (160 фунт)
  • Lineal орта салмақ чемпионы (160 фунт)
Аймақтық/Халықаралық атақтары
  • WBC International бірінші жартылайорта салмақ чемпионы (140 фунт)
  • WBA Fedelatin бірінші жартылайорта салмақ чемпионы (140 фунт)
  • WBO NABO бірінші жартылайорта салмақ чемпионы (140 фунт)

Айқастар[өңдеу]

39 Жеңіс (32 Нокаут), 4 Жеңіліс, 0 Тең[30]
Нәтиже Ұпайлар Қарсыласы Себебі Раунд
ұзықтығы
Өткен күні Өткен жері Қосымша мәлімет
Ж/Е Ж/Е Аустралия Дэниэл Гил[31] Ж/Е - (12) 2015-06-06 Америка Құрама Штаттары Нью-Йорк, АҚШ WBC және The Ring орта салмақ титулдары.
Жеңіс 39–4 Аргентина Серхио Габриель Мартинес RTD 10 (12), 0:06 2014-06-07 Америка Құрама Штаттары Нью-Йорк, АҚШ WBC және The Ring орта салмақ титулдары.
Жеңіс 38–4 Доминикан Республикасы Делвин Родригес TKO 3 (12), 0:18 2013-10-05 Америка Құрама Штаттары Орландо, Флорида, АҚШ Бірінші орта салмақ үшін титулынан айрылды.
Жеңіліс 37–4 Америка Құрама Штаттары Остин Траут UD 12 2012-12-01 Америка Құрама Штаттары Нью-Йорк, АҚШ Бірінші орта салмақ үшін WBA титулы
Жеңіліс 37–3 Америка Құрама Штаттары Флойд Мейуезер UD 12 2012-05-05 Америка Құрама Штаттары Лас-Вегас, Невада, АҚШ Бірінші орта салмақ үшін WBA (Super) титулынан айрылды
Жеңіс 37–2 Мексика Антонио Маргарито TKO 10 (12), 0:03 2011-12-03 Америка Құрама Штаттары Нью-Йорк, АҚШ Бірінші орта салмақ үшін WBA (Super) титулы.
Жеңіс 36–2 Никарагуа Рикардо Майорга TKO 12 (12), 0:53 2011-03-12 Америка Құрама Штаттары Лас-Вегас, Невада, АҚШ Бірінші орта салмақ үшін WBA (Super) титулы
Жеңіс 35–2 Израиль Юрий Форман TKO 9 (12), 0:42 2010-06-05 Америка Құрама Штаттары Нью-Йорк, АҚШ Орта салмақ үшін WBA титулы.
Жеңіліс 34–2  Филиппиндер Мэнни Пакьяо TKO 12 (12), 0:55 2009-11-14 Америка Құрама Штаттары Лас-Вегас, Невада, АҚШ Жартылай орта салмақ үшін WBA титулынан айрылды.
Жеңіс 34–1 Гана Джошуа Клотти SD 12 2009-06-13 Америка Құрама Штаттары Нью-Йорк, АҚШ Жартылай орта салмақ үшін WBA титулы.
Жеңіс 33–1 Ұлыбритания Майкл Дженнингс TKO 5 (12), 2:38 2009-02-21 Америка Құрама Штаттары Нью-Йорк, АҚШ Жартылай орта салмақ үшін WBO титулы.
Жеңіліс 32–1 Мексика Антонио Маргарито TKO 11 (12), 2:05 2008-07-26 Америка Құрама Штаттары Лас-Вегас, Невада, АҚШ Жартылай орта салмақ үшін WBA титулынан айрылды.
Жеңіс 32–0 Мексика Альфонсо Гомес RTD 5 (12), 3:00 2008-04-12 Америка Құрама Штаттары Атлантик Сити, Нью Джерси, АҚШ WBA орта салмақ чемпионы.
Жеңіс 31–0 Америка Құрама Штаттары Шейн Мосли UD 12 2007-11-10 Америка Құрама Штаттары Нью-Йорк, АҚШ WBA орта салмақ чемпионы.
Жеңіс 30–0 Америка Құрама Штаттары Заб Джуда TKO 11 (12), 0:49 2007-06-09 Америка Құрама Штаттары Нью-Йорк, АҚШ WBA орта салмақ чемпионы.
Жеңіс 29–0 Германия Октай Уркал TKO 11 (12), 1:01 2007-03-03  Пуэрто-Рико Сан-Хуан WBA орта салмақ чемпионы.
Жеңіс 28–0  Пуэрто-Рико Карлос Кинтана RTD 5 (12), 3:00 2006-12-02 Америка Құрама Штаттары Атлантик Сити, Нью Джерси, АҚШ WBA орта салмақ чемпионы.
Жеңіс 27–0 Америка Құрама Штаттары Пол Малиньяджи UD 12 2006-06-10 Америка Құрама Штаттары Нью-Йорк, АҚШ WBO бірінші орта салмақ чемпионы.
Жеңіс 26–0 Италия Джанлука Бранко TKO 8 (12), 0:49 2006-03-04  Пуэрто-Рико Баямон WBO бірінші орта салмақ чемпионы.
Жеңіс 25–0 Колумбия Рикардо Торрес KO 7 (12), 1:52 2005-09-24 Америка Құрама Штаттары Атлантик Сити, Нью Джерси, АҚШ WBO бірінші орта салмақ чемпионы.
Жеңіс 24–0 Өзбекстан Мухаммадкадыр Абдуллаев TKO 9 (12), 0:57 2005-06-11 Америка Құрама Штаттары Нью-Йорк, АҚШ WBO бірінші орта салмақ чемпионы.
Жеңіс 23–0 Америка Құрама Штаттары Демаркус Корли TKO 5 (12), 2:45 2005-02-26  Пуэрто-Рико Баямон WBO бірінші орта салмақ чемпионы.
Жеңіс 22–0 Америка Құрама Штаттары Рэндалл Бейли TKO 6 (12), 1:39 2004-12-11 Америка Құрама Штаттары Лас-Вегас, Невада, АҚШ WBO бірінші орта салмақ чемпионы.
Жеңіс 21–0 Бразилия Келсон Пинту TKO 6 (12), 0:32 2004-09-11  Пуэрто-Рико Сан-Хуан WBO бірінші орта салмақ чемпионы.
Жеңіс 20–0 Аустралия Лавмор Нду UD 12 2004-05-08 Америка Құрама Штаттары Лас-Вегас, Невада, АҚШ WBC бірінші орта салмақ чемпионы.
Жеңіс 19–0  Доминикан Респ. Викториано Соса TKO 4 (12), 2:51 2004-02-28 Америка Құрама Штаттары Лас-Вегас, Невада, АҚШ WBC бірінші орта салмақ чемпионы.
Жеңіс 18–0 Колумбия Карлос Маусса TKO 8 (12), 3:00 2003-12-06  Пуэрто-Рико Баямон WBC бірінші орта салмақ чемпионы.
Жеңіс 17–0 Панама Деметрио Себальос TKO 7 (12), 2:28 2003-09-13 Америка Құрама Штаттары Лас-Вегас, Невада, АҚШ WBC бірінші орта салмақ чемпионы.
Жеңіс 16–0 Мексика Рокки Мартинес KO 2 (12), 2:42 2003-06-28  Пуэрто-Рико Баямон WBC бірінші орта салмақ чемпионы.
Жеңіс 15–0 Америка Құрама Штаттары Джоэл Перес KO 4 (10), 1:29 2003-04-19 Америка Құрама Штаттары Фресно, Калифорния, АҚШ
Жеңіс 14–0 Мексика Сесар Басан TKO 11 (12), 0:16 2003-02-01 Америка Құрама Штаттары Лас-Вегас, Невада, АҚШ WBC бірінші орта салмақ чемпионы.
Жеңіс 13–0 Мексика Убальдо Эрнандес KO 7 (10), 1:31 2002-11-22  Пуэрто-Рико Кагуас
Жеңіс 12–0 Америка Құрама Штаттары Джон Браун UD 10 2002-09-14 Америка Құрама Штаттары Лас-Вегас, Невада, АҚШ
Жеңіс 11–0 Мексика Карлос Альберто Рамирес KO 3 (10), 2:34 2002-07-30 Америка Құрама Штаттары Кончо, Оклахома
Жеңіс 10–0 Уганда Джастин Джуко TKO 5 (10), 2:44 2002-06-22 Америка Құрама Штаттары Лас-Вегас, Невада, АҚШ
Жеңіс 9–0 Мексика Хуан Анхель Масиас TKO 7 (10), 1:54 2002-05-03  АҚШ Лас-Вегас, Невада, АҚШ
Жеңіс 8–0 Америка Құрама Штаттары Сэмми Спаркман TKO 2 (10), 2:49 2002-03-01  Пуэрто-Рико Каролина, Пуэрто-Рико
Жеңіс 7–0 Америка Құрама Штаттары Джошуа Смит TKO 2 (8), 1:24 2002-01-11  Пуэрто-Рико Кагуас, Пуэрто-Рико
Жеңіс 6–0 Мексика Артуро Родригес KO 2 (6), 2:52 2001-07-28 Америка Құрама Штаттары Лос-Анджелес, Калифорния, АҚШ
Жеңіс 5–0 Америка Құрама Штаттары Рудольфо Лансфорд TKO 4 (6), ? 2001-07-01  Пуэрто-Рико Сан-Хуан
Жеңіс 4–0 Мексика Мартин Рамирес UD 4 2001-05-20  Пуэрто-Рико Сан-Хуан, Пуэрто-Рико
Жеңіс 3–0 Америка Құрама Штаттары Уаклими Янг UD 4 2001-04-28 Америка Құрама Штаттары Нью-Йорк, АҚШ
Жеңіс 2–0 Америка Құрама Штаттары Джейкоб Годинес TKO 2 (4), 1:17 2001-03-30 Америка Құрама Штаттары Форт-Уорт, Техас, АҚШ
Жеңіс 1–0 Америка Құрама Штаттары Джейсон Дусе TKO 1 (4), 2:12 2001-02-23 Америка Құрама Штаттары Техас, АҚШ Кәсіпқойлық дебюты

Шаршы алаңнан тыс

« «Мен өз жанұяма мейлінше көп көңіл бөлу үшін осындай шешім қабылдап отырмын. Өздеріңіз білесіздер, бір сұхбатымда 30 жасқа толмай, бокстан кететінімді мәлімдеген болатынмын. Ал қазір 30 емес, 35-ке келіп қалдым. Сондықтан 1 жылға жетпей, бокстан біржолата қол үзетін шығармын» »

, – деді Мигель Котто Fight News басылымына берген сұхбатында.[32]

Дереккөздер[өңдеу]

  1. Ай жекпе-жегі: Мигель Анхель Котто (Пуэрто-Рико) - Поли Малиньяджи (АҚШ) [Сиқыршыны дуалады, бірақ ұра алмады
  2. 2005 маусым: МЕЙУЕЗЕРДЫҢ Шыңы, ЦЗЮДЫҢ жеңілісі және ТАЙСОННЫҢ АҚЫРЫ
  3. a b c http://blogs.villagevoice.com/runninscared/2014/06/miguel_cotto_dominant_torres_msg.php Дереккөз алу қатесі: Invalid <ref> tag; name "blogs.villagevoice.com" defined multiple times with different content Дереккөз алу қатесі: Invalid <ref> tag; name "blogs.villagevoice.com" defined multiple times with different content
  4. Мигель Котто Заб Джуданы жеңді
  5. Пресс-конференция Мигель Котто мен Заб Джуда
  6. Ай айқасы: Мигель Анхель КОТТО (Пуэрто-Рико) - Заб ДЖУДА (АҚШ): ТРИУМФ Мигел Анхел КОТТО
  7. 2007 жыл ҚАРАША: Қарсылықтың әсерлілігі
  8. a b Ай боксшысы Мигель Анхель КОТТО
  9. http://ringtv.craveonline.com/news/338259-manny-paqio-i-feared-i-would-never-walk-again
  10. http://ringtv.craveonline.com/news/338259-manny-paqiao-i-feared-i-would-never-walk-again
  11. қайтып оралуы
  12. Котто мен Форман
  13. Жеңімпаз Котто
  14. Котто мен Форман айқастан соң
  15. Фифти-Фифти: Мигель Котто мен Юрий Форман ақасы жайлы болжам
  16. Әсерлі қарсылықтың кезеңі
  17. Пресс-конференция Маргарито мен Мигел Котто
  18. Эмануэль Стюард жеңісті Мигел Коттоға берді
  19. Мигель Котто Маргаритоны жеңді
  20. Пресс-конференция Мигеля Котто мен Маргарито
  21. Мигель Анхель КОТТО (Пуэрто-Рико) - Маргарито : Мигель Анхел КОТТО жеңді
  22. http://ringtv.craveonline.com/news/338259-sergio-martinez-i-feared-i-would-never-walk-again
  23. http://grantland.com/the-triangle/miguel-cotto-sergio-martinez-middleweight-championship-floyd-mayweather-jr-canelo-alvarez-madison-square-garden/
  24. http://www.badlefthook.com/2014/6/9/5794056/opinion-sergio-martinezs-inability-to-move-meant-more-than-cottos
  25. Чемпион жеңіліс тапты
  26. Мартинестың жеңілісі
  27. Мигель Котто Мартинесты нокдаунға жіберді
  28. Пресс-конференция Мигеля Котто мен Серхио Мартинес
  29. Мигель Анхель КОТТО мен Серхио Мартинес
  30. Miguel Cotto Professional boxing record. BoxRec.com.
  31. http://www.smh.com.au/sport/boxing/daniel-geale-to-meet-miguel-cotto-for-wbc-crown-20150414-1mkhxa.html
  32. Мигель Котто бокспен қош айтыспақ

Сыртқы сілтемелер[өңдеу]

Ортаққорда бұған қатысты медиа файлдар бар: Мигель Анхел Котто