Портал:Өнер

ӨНЕР ПОРТАЛЫ

Өнер — көркем образдар жүйесі арқылы адамның дүниетанымын, ішкі сезімін, жан дүниесіндегі құбылыстарды бейнелейтін қоғамдық сана мен адам танымының формасы. Өнер өмірде болған оқиғаларды қаз-қалпында алмай, өзгертіп, түрлендіріп, көркем образдарды типтендіру арқылы сомдайтын эстетикалық құбылыс. Оны қоғамдық сананың өзге формаларынан даралайтын белгісі де адамның шындыққа деген эстетикалық қатынасы болып табылады. Өнердің мақсаты – дүниені, адам өмірін, қоршаған ортаны көркемдік-эстетикалық тұрғыдан игеру. Көркем шығарманың бел ортасында нақты бір тарихи жағдайда алынған жеке адам тағдыры, адамдардың қоғамдық қатынастары мен қызметтері тұрады. Олар суреткер қиялы арқылы өңделіп, көркем образдар түрінде беріледі.

Таңдаулы мақала

Қалалық пейзаж — суреттің басты тақырыбы қала көшелері мен ғимараттары болатын бейнелеу өнерінің жанры.

Бастапқыда қалалық пейзаж табиғи ландшафт сияқты суреттің бір бөлігі - фон ретінде ғана қолданылып, тәуелсіз жанр түрінде қарастырылмады. Пейзаждар портреттердің немесе библиялық тақырыптағы суреттердің композициясын толықтырды, тіпті итальяндықтар ойлап тапқан перспективалық кескін жүйесі бүкіл Еуропаға таралғанда да, Ренессанс кезінде қалалық пейзаждар әлі де «терезеден қарағанда көрінетін кескіндер» рөлінде қалды. Жалпы, жанрдың дамуына көбінен майлы кескіндеме техникасының ойлап табылуы және перспектива геометриясына суретшілердің назарының артқаны ықпал етті.

Білгенге маржан

Тарихтағы алғашқы дыбысталған мультфильмді жасап шығарған Уолт Дисней өмірінде 26 «Оскар» жеңіп алған.
Шекспирдің сонеттерін қазақ тіліне екі белгілі ақын жеке-жеке аударған.
Детектив Шерлок Холмс жайында 210-ға жуық кинотуынды түсірілген.
Кэтрин Бигелоу — «үздік режиссер» номинациясында «Оскар сыйлығын» алған алғашқы әйел.
Ең қымбат бағаға сатылған үш суреттің авторлары: Леонардо да Винчи, Пабло Пикассо және Амедео Модильяни.

Өнер түрлері
Кескіндеме Кескіндеме — бейнелеу өнерінің бір саласы, белгілі бір заттың бетіне бояу салу арқылы пайда болатын көркем шығармалар. Медиафайлдар	Мүсіндеме Мүсіндеме қатты не иілгіш заттардан жасалады, негізінен адамды немесе жануарды бейнелейді. Медиафайлдар	Сәулет Архитектура, сәулет өнері — құрылысты жобалау, салу, оған көркемдік бейне беру өнері. Медиафайлдар
Әдебиет Әдебиет — сөз өнері, әлеуметтік мәні бар шығармалар жиынтығы. Медиафайлдар	Кино Кинематограф грек тілінен алынған сөз тіркесі: kinematoc – қозғалыс, grapho - бейнелеу, жазу, тұтас алғанда «қозғалысты бейнелеу» деген мағынаны береді. Медиафайлдар	Театр Театр — сахналық өнердің өмір көріністерін драмалық әрекет арқылы көрермендердің көз алдында актерлер күшімен бейнелейтін бір түрі. Медиафайлдар
Музыка Музыка — белгілі биіктіктегі дыбыстардан тұратын, адамға сазды әуенімен әсер ететін, дыбыстық көркем бейнеге негізделген өнер түрі. Медиафайлдар	Би Би — музыкалық ырғаққа сай дене қимылымен көрсетілетін өнер. Медиафайлдар	Зергерлік өнер Зергерлік өнер — тамырын тереңнен алатын дәстүрлі мәдениеттің көрікті және көрнекті саласы. Медиафайлдар