Шри-Джаяварденепура-Котте

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Елорда
Шри-Джаяварденепура-Котте
сингал. ශ්‍රී ජයවර්ධනපුර කෝට්ටේ
там. சிறீ ஜெயவர்தனபுர கோட்டே

The Parliament of Sri Lanka.jpg
Ел Шри-Ланка
Координатасы 6°54′39″ с. е. 79°53′16″ ш. б. / 6.91083° с. е. 79.88778° ш. б. / 6.91083; 79.88778 (G) (O) (Я)Координаттар: 6°54′39″ с. е. 79°53′16″ ш. б. / 6.91083° с. е. 79.88778° ш. б. / 6.91083; 79.88778 (G) (O) (Я)
Елорда статусы 1982
Жер аумағы 17 км²
Тұрғыны 115 826 адам (2008)
Уақыт белдеуі UTC+5:30
Шри-Джаяварденепура-Котте (Жер)
Red pog.png

Шри-Джаяварденепура-Котте (сингал. ශ්‍රී ජයවර්ධනපුර කෝට්ටේ, там. சிறீ ஜெயவர்தனபுர கோட்டே), немесе жәй ғана Котте (сингал. කෝට්ටේ, там. கோட்டை) — Шри-Ланка астанасы (1982 жылдан бастап), ел парламентінің орналасқан жері.

Тарихы[өңдеу]

Қала XIII ғасырда негізделген Котте бекінісінің айналасында пайда болды. Город возник вокруг крепости Котте, возведённой в 13-м веке. Котте бекінісі Дияванна Оя және Колоннава Оя өзендерімен түзілген үшбұрышта «сулы бекініс» ретінде салынған; үшінші жағынан ор қазылды. Аумағы 2,5 км² құраған бекініс биіктігі 2,5 метр және ені 10,7 метрлі латеритті дуалдармен қорғалған.[1]

1391 жылы, ханзада Сапумал Камарьямен Джаффна корольдігін бағындырып алғаннан кейін, Котте 'Шри Джаявардханепура' ('үдемелі жеңістің жарқыраған қаласы') эпитетіне ие болды. XVI ғасырдың соңына дейін Котте бір аттас Котте патшалығының астанасы болған.

1505 жылы аралға келген португалдықтар 1565 жылдан бастап қала бақылауын жүргізді. Бірақ, көршілес Ситавака патшалығынан қорғанысты қамти алмағандықтан, португалдықтар Коттеден кетіп, Коломбо қаласын өз астанасы ретінде жариялады.[2]

Коттедің жаңа урбанизациясы XIX ғасырда басталды.

1982 жылдың 29 сәуірінен бастап Коттеде Шри-Ланканың парламенті орналасқан ресми орны. Парламент кешені Дияванна Оя өзенінің ортасында орналасқан аралда салынды. Үкіметті көшіру процессі әлі күнге шейін аяқталған жоқ.

Табиғи жағдайлар[өңдеу]

Елорда экватордан алыс емес жерде орналасқандықтан, климаты — тропикалық. Сондықтан жыл бойы температура деңгейі бірқалыпты жоғары. Алқапты жерлерде жылдық орташа температуралар +26—28 Цельсий градусын құрайды. Ең ыстық және біршама салқын айдың орташа температуралар айырмашылығы 2—5 градустан аспайды. Ең жаңбырлы жыл маусымы — жаз, бұл кезде ылғалмен қаныққан оңтүстік-батыс муссонды желдер үстем. Жазғы муссон мамырда басталып, қыркүйек айында басылады. Муссонды кезеңде, маусым-тамыз айлары аралығында, жаңбыр күнде жауады, жиі бұл қатты нөсер. Жауын-шашынның орташа көлемі жылына 2000 мм-ге дейін.

Халқы[өңдеу]

Қаланың халық саны шамамен 150 000 тұрғынды құрайды. Тұрғындардың 70 % — сингалдар, 20 % — тамилдер, қалған бөлігі көне халықтың (ведттер) ұрпақтары болып табылады. Ресми тілдері — сингал және тамил. Сингал тілі тек Шри-Ланкада және оның елордасында ғана қолданылады. Елдегі халық санының 75 % — буддисттер. Сонымен қатар шамамен 15 % индуисттер (негізінде тамилдер), және шамамен 10 % халық саны — христиандар және мұсылмандар; екі дін де аралас этникалық құрамымен ерекшеленеді.

Дереккөздер[өңдеу]