Қамысқала ауылдық округі (Атырау облысы)
| Қазақстан ауылдық округі | |
| Қамысқала ауылдық округі | |
| Облысы | |
|---|---|
| Ауданы | |
| Округ орталығы | |
| Енеді |
3 ауыл |
| Тұрғыны (2021) |
▲3897 |
| Жер аумағы | |
| Әкімі |
Рафиға Әнуарбекқызы Тәжиденова |
| Округ әкімдігінің мекенжайы |
Хамит Ерғалиев ауылы, Жұбанов көшесі, №16 |
| Уақыт белдеуі | |
| Автомобиль коды |
06 |
Басқа мағыналар үшін Қамысқала ауылдық округі деген бетті қараңыз.Қамысқала ауылдық округі (2008 жылға дейін – Новобогат ауылдық округі[2]) — Атырау облысы Исатай ауданындағы әкімшілік бірлік.
Әкімшілік құрамы[өңдеу | қайнарын өңдеу]
Құрамына Хамит Ерғалиев, Жасқайрат, Ауқайраң ауылдары кіреді. Орталығы – Хамит Ерғалиев ауылы[3]. Ақкүтір ауылы 2007 жылдан бастап Х.Ерғалиев ауылының құрамына енгізілген.[4]
Жалпы сипаттама[өңдеу | қайнарын өңдеу]
Округ оңтүстігінде Каспий теңізімен, шығысында Махамбет ауданы, батысында Тұщықұдық және Аққыстау ауылдық округтерімен, солтүстігінде мемлекеттік жер қорымен шектеседі. Округ жер аумағы 295471 мың гектар.[5]
Халқы[өңдеу | қайнарын өңдеу]
2021 жылғы санақ қорытындысы бойынша 3897 адамды (2016 ер адам және 1881 әйел адам) құрады.[6]
| Елді мекен | Халқы, адам (1989) |
Халқы, адам (1999) |
Халқы, адам (2009) |
Халқы, адам (2021) |
|---|---|---|---|---|
| Х.Ерғалиев | 2872 | 3347 | 3451 | 3719 |
| Ақкүтір | 252 | - | - | |
| Ауқайраң | - | 255 | 140 | 46 |
| Жасқайрат | 291 | 287 | 304 | 132 |
Тарихы[өңдеу | қайнарын өңдеу]
1928 ж. Новобогат ауданы құрылғанда Новобогат селосы аудан орталығы болып бекітілді. Алғашқы білім ордасы - Амангелді орталау мектебі ашылды. Қамысқала құм өңірінен ат, түйе көліктерімен келіп қатынайтын аудан халқының бас қосар ортасына айналды. 1954 жылдарда құралған МТС (машина-трактор стансалары) осы ауылдағы Ембі аталатын жерден ашылып, базалық құрылыстар салынды. Еліміз егемендік алған жылдардан бері Новобогат селосы аталып келген ауыл 2008 жылғы сәуірдегі Атырау облыстық мәслихатының сессиясы шешімімен Қамысқала ауылдық округі жаңа атауға ие болды.
Әлеуметтік нысандары[өңдеу | қайнарын өңдеу]
Округте 2 орта мектеп, бастауыш мектеп, саз мектебі, мәдениет үйі, 2 балабақша, аурухана, пошта бөлімшесі, телефон статсасы, 2 жанар-жағармай бекеті, 2 тойхана, 2 кафе-бар т.б. әлеуметтік нысандар бар (2018 ж.) Ауылдық округке қарайтын Ауқайраң, Жасқайрат елді мекендері де өсіп өркендеуде.
Шаруа қожалықтары[өңдеу | қайнарын өңдеу]
Тәуелсіздік жылдарында 71 шаруа қожалығы құрылып оларда 145 адам еңбек етуде. Шаруа қожалықтары мен жеке секторды қоса есептегенде, округ бойынша 3953 бас мүйізді ірі қара, 3837 бас қой, 1109 бас ешкі, 3390 бас жылқы, 1213 бас түйе малы бағылып, олардан түскен өнім халықтың тұтыну рыногын қамтамасыз етуде. «Кабибулин», «Бекет», «Серижан» шаруа қожалықтары мүйізді ірі қараны асылдандыру жұмыстарын қолға алып, ет өнімін өндіру бағытында игілікті жетістіктерге жол ашып отыр.[7]
Селолық кеңес төрағалары, округ әкімдері:[өңдеу | қайнарын өңдеу]
- Жұмағали Иманғалиев
- Жұбатқали Жасмағамбетов
- Сұлтанғали Қазиев
- Қалмен Мырзашев
- Едіге Мамаев
- Құби Мусин
- Шамғон Қалиев
- Есжан Есенбергенов
- Ғалым Сатқанов
- Сәбила Сәлімова
- Иба Суханова
- Сәдуақас Әдиев
- Ұлыш Сапарғалиева
- Бағытжан Қыдырова
- Хамидолла Сүндетов
- Ибраим Қарабалин
- Қабдреш Әженов
- Ізбасқан Хисин
- Асылбек Мажанов
- Қабдіғали Ғұбашев
- Орынбай Дәулетияров
- Бағыт Қадырова
- Жайдарбек Зайдуллин
- Қажығали Науанов
- Самат Қайырденов
- Мұғи Түсіпқалиев
- Бекболат Мусин
- Сансызбай Сәменов
- Рафиғат Тажиденова.
Дереккөздер[өңдеу | қайнарын өңдеу]
- ↑ Исатай ауданы бойынша 2023-2024 жылдарға арналған жайылымдарды басқару және оларды пайдалану жөніндегі жоспарын бекіту туралы
- ↑ Исатай ауданының кейбір әкімшілік-аумақтық бірліктерін қайта атау туралы
- ↑ "Қазақ энциклопедиясы"
- ↑ Исатай ауданының әкімшілік-аумақтық бірлігіне өзгерістер енгізу туралы
- ↑ Жаңарған өңір. «Ағатай» баспасы 2011, ISBN 978-601-7018-76-4
- ↑ 2021 жылғы ұлттық халық санағының қорытындылары
- ↑ Исатай ауданы, Алматы "Сардар", 2018 ISBN 978-601-80678-6-0
| ||||||