Қараоба вольфрам-молибден кен орны

Уикипедия — ашық энциклопедиясынан алынған мәлімет
Jump to navigation Jump to search

Қараоба вольфрам-молибден кен орны - Қарағанды облысы, Жаңаарқа ауданында, Қаражал қаласынан оңтүстікке қарай 100 км жерде орналасқан. Кен орны 1946 жылы ашылған. Кен орны орташа масштабты, терең қабаттары жер асты тәсілімен игеріледі.

Геолгогиялық құрылымы мен сипаты[өңдеу]

Кенді алаң девон кезеңінің қызыл түсті құмтасы, конгломераты және әктасынан, оларды жапқан таскөмір кезеңінің терригендік-карбонат қабаттарынан тұрады. Оларды диабаз-порфирит, флюидтік дацит-риолит сығылмалары мен силл тәрізді денелері кесіп өткен, кейіннен Қараоба лакколитінің көп фазалы граниттері қалыптасқан. Өлшемі 6х12 км.

Минералдары[өңдеу]

Вольфрамит пен кварц
Молибденит

Кен орнының минералдық құрамы әр түрлі, 100-ден астам минералдар белгілі. Негізгі өнеркәсіптік минералдары - вольфрамит пен молибденит, олардан кейінгі маңыздылары: касситерит, топаз, козалит, берилл және флюорит, сондай-ақ кварц, микроклин, мусковит, серицит кездеседі.

Өнеркәсіптік маңызы[өңдеу]

50 грейзен кен денелерінің 10-нан астамының өнеркәсіптік маңызы бар. Олардың ұзындығы ондаған метрден 800 м-ге дейін, қалыңдығы 1-2 м. Олардан кейінгі кварц-вольфрамит желілерінің (саны 100-ге жуық) орташа ұзындығы 600-900 м, қалыңдығы 0,5-0,7 м-ден 2 м-ге дейін, тік бағытта 500 м аралықта таралған. Екі типті - желілік және штокверктік кентастар ажыратылады.

Құрамы[өңдеу]

Желілік типті кентаста вольфрам 0,735%, висмут 0,101%, молибден 0,03%. Штокверкте вольфрам 0,115%, висмут 0,014%, милибден 0,015%. Кентас құрамында сонымен қатар қалайы, бериллий, күміс, тантал, ниобий, скандий, селен және теллур бар. [1]

Дереккөздер[өңдеу]

  1. Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5

Сыртқы сілтемелер[өңдеу]