Кабекар

Кабекар
Бүкіл халықтың саны
17 000.
Ең көп таралған аймақтар
Коста-Рика
Тілдері
кабекар тілі, испан тілі
Діні
дәстүрлі нанымдар, католицизм

Кабекар — Коста-Риканың шығысындағы чибча тобының үндіс халқы (Таламанка облысы, Сишаола және Чиррипо өзендерінің бассейндерінде). Саны 17 мың адам.

Тілі

Олар кабекар тілінде сөйлейді. Диалектілері: кабекар, хорру. Испан тілі кеңінен таралған.[[1]]

Діні

Дәстүрлі нанымдар сақталып, католицизм таралуда.

Кәсібі

Дәстүрлі кабекар үйі

Кәсібінің негізі қолмен атқарылатын егіншілік болып табылады. Жетекші дақылдар маниок, бұршақ, күріш, таро, ямс, какао, банан, асқабақ. Сату үшін кофе мен жеміс өсіріледі. Олар шошқа мен тауық өсіреді, ірі қара мал – негізінен сату үшін өсіріледі. Аңшылық, балық аулау және терімшілік – қосалқы кәсіп. Қолөнерден - тоқымашылық, қоржын және гамак тоқу дамыған. Құрылыс жұмыстары мен орман шаруашылығында жалдамалы жұмысшылар кеңінен таралған.

Тұрмыс салты

Дәстүрлі әлеуметтік бөлінісі: әртүрлі әлеуметтік топтармен байланысты 9 матрилиндік рулар (діни қызметкерлер, көсемдер, белгілі бір санаттағы қолөнершілер). Ерлі-зайыптылық нормалары адамның анасымен байланысты туыстарымен некеге тұруға тыйым салады. Әке жағынан неке қиюға тыйым салынбайды. Әрбір матрилиндік ру некеге тұру мүмкіндігін бақылайды, жерге меншік құқығын реттейді және оның мүшелеріне мүліктің мұрагерлігін анықтайды. Әрбір ру дәстүрлі түрде өз мүшелерінің өмір сүруі үшін өз аумағын ұстады.

Дәстүрлі тұрғын үйлері – төбесі жерге дейін жететін үлкен конустық үй (көп балалы отбасы үшін). Қазіргі заманғы тұрғын үйлері - бұрыштары дөңгеленген төртбұрышты үй немесе креол типіндегі үйлер, кейде қадаларда орналасқан.

Дәстүрлі киімдері - ерлер орама жабындылар мен қысқа жейделер, ал әйелдер белдемшелер киеді. Әйелдердің шаш үлгісі көбінесе гүлдермен, лентамен және тарақтармен безендірілген.