Ақтас

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Ақтас

  1. Ақтас, Батыс Ақтас – газды конденсат кені. Қарақия ауданында, Ақтау қаласынан оңтүстік-шығысқа қарай 110 км жерде орналасқан. Құрылым 1952 – 58 ж. дайындалып, кен 1987 ж. ашылды. Тұйықтаушы 3200 м-лік изогипс бойынша оның өлшемдері 20,8 км, амплитудасы 50 м. Коллекторы аралас құрамды, кеуектілігі 14%. Жабынды қалыңд. 144 м-ден астам аргиллиттерден құралған. Газ-сулық қабаты – 2975 м белгіде. Иірімнің газды бөлімінің ауд. 1,5 км2, биікт. 30 м. Өнімді қабаттың жалпы қалыңд. 6,8 м, газдық 4,8 м, газдылық коэффиценті. 0,72. Газ құрамы этанды (15,1%), метаны 71,6%. Тұрақты конденсаттың газдағы мөлш. 21,1 г/м3, конденсатта 1,2% парафин, 67,7% метандық, 30% нафтендік, 2,3% хош иісті көмірсутегілер бар. Хлоркальций типті қабат суларының минералдылығы жоғары. Кен 1989 жылдан пайдаланылуда.
  2. Қарағанды облысындағы Саран қалалық әкімшілігі құрамындағы кент. Қарағандының оңтүстік-батысында 18 км жерде орналасқан. Іргесі 1950 ж. Қарағанды көмір алабының батыс телімдерін игеруге байланысты қаланған. Тұрғыны 11,4 мың адам (1997). Ақтаста 2 кірпіш зауыты, ірі автобаза жұмыс істейді. Кентте жалпы білім беретін 2 мектеп, кәсіптік-техникалық училище, жұмысшы жастар мектебі, мәдениет ұйі, 12 кітапхана (9-ы жылжымалы), 5 балабақшасы мен 1 ясли бар. А. кенті арқылы Қарағанды — Саран атомобиль жолы өтеді. Тұрғындары елді мекендермен ауыларалық жолдар арқылы қатынасады.
  3. Ақтас ауылы, Оңтүстік Қазақстан облысы, Бәйдібек ауданында, аудан орталығы Шаян аулынан 100 км жерде орналасқан.

[1] [2]

Пайдаланған әдебиет[өңдеу]

  1. «Батыс Қазақстан облысы» энциклопедиясы, Алматы, 2002;
  2. Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5