Нариман Төреғалиев (19 шілде 1964 жыл , Есенсай , Тайпақ ауданы ) — Қазақстан мемлекеттік қайраткері, 2022 жылдан бастап Батыс Қазақстан облысы әкімі. Қазақстан Парламенті Сенатының Батыс Қазақстан облысынан сайланған экс-депутаты (2017-2022).
Білімі жоғары. Жамбыл гидромелиоративтік құрылыс институтын, Каспий қоғамдық университетін бітірген. Инженер-экономист, заңгер. Экономика ғылымдарының магистрі.
«ХVІІІ Партсъезд» атындағы ауылшаруашылығы бірлестігінің экономисті, бас экономисті (1990-1995);
«Айтиево» өндірістік кешенінің жабдықтаушысы, экономисті, бас экономисті (1997-1999);
«Ақжол» шаруа қожалығының басшысы (1999-2001);
Батыс Қазақстан облысы Теректі ауданы еңбек және халықты әлеуметтік қорғау бөлімінің бастығы (2001-2002);
Жалпы үлгідегі интернат үйінің директоры, Орал қ. (2002-2003);
Батыс Қазақстан облысы жұмыспен қамту және халықты әлеуметтік қорғау басқармасы бастығының орынбасары (2003-2005);
Батыс Қазақстан облысы жұмыспен қамту және әлеуметтік бағдарламаларды үйлестіру департаменті директорының орынбасары (2005-2008);
Қазақстан Республикасы Табиғи монополияларды реттеу агенттігі Батыс Қазақстан облысы бойынша департаментінің директоры (2008-2010);
Батыс Қазақстан облысы жұмыспен қамту және әлеуметтік бағдарламалар басқармасының бастығы (2010-2012);
Батыс Қазақстан облысы Ақжайық ауданының әкімі (2012-2015);
Батыс Қазақстан облысы әкімінің орынбасары (2015-2016);
Орал қаласының әкімі (2016-2017);[ 1] Қазақстан Республикасы Парламенті Сенатының депутаты (2017-2022);[ 2] [ 3]
Батыс Қазақстан облысы әкімі (2022 жылдан бастап).«Құрмет» орденімен марапатталған (2016).
