Светлана Қабыкенқызы Жақыпова

Светлана Қабыкенқызы Жақыпова
Лауазымы
Ту Қазақстан Республикасының Еңбек және халықты әлеуметтік қорғау министрі Ту
2 қыркүйек 2023 бастап
Президент	Қасым-Жомарт Тоқаев
Премьер-Министр	Әлихан Смайылов Олжас Бектенов
Ізашары	Тамара Дүйсенова
Өмірбаяны
Партиясы	Ауыл
Білімі	Целиноград мемлекеттік педагогикалық институты (1991) Алматы экономика және статистика академиясы (2006)
Дүниеге келуі	16 қаңтар 1968 (1968-01-16) (56 жас) Қарағанды, Қазақ КСР, КСРО
Марапаттары	Құрмет ордені

Светлана Қабыкенқызы Жақыпова (16 қаңтар 1968 жыл, Қарағанды) — қазақстандық саясаткер, 2023 жылғы 2 қыркүйектен бері Еңбек және халықты әлеуметтік қорғау министрі.

Білімі

1991 жылы Целиноград Мемлекеттік педагогикалық институтын, 2006 жылы Алматы Экономика және статистика академиясын аяқтаған.

Еңбек жолы

1984 – 1986 жылдары Қарой бастауыш мектебінде ұзартылған күн тобының тәрбиешісі, бастауыш сыныптардың мұғалімі болып жұмыс істеді.

1991 – 1995 жылдары - № 16 орта мектебінде, № 36 бастауыш орта мектебінде математика пәнінің мұғалімі болды.

1997 – 1998 жылдары «Зейнетақы төлеу жөніндегі мемлекеттік орталық» РМКҚ Ақмола қалалық бөлімшесі операциялық есеп жүргізу бөлімінің аға маманы, бас маманы болды.

1998 – 2001 жылдары «Зейнетақы төлеу жөніндегі мемлекеттік орталық» РМКҚ Ақмола (Астана) қалалық филиалының экономикалық талдау бөлімінің бас маманы, бастығы, филиал директорының орынбасары болды.

2001 – 2008 жылдары «Зейнетақы төлеу жөніндегі мемлекеттік орталық» РМКҚ Ақмола облыстық филиалының директоры болды.

2008 – 2011 жылдары Қазақстан Республикасы Еңбек және халықты әлеуметтік қорғау министрлігі Әлеуметтік қамсыздандыру және әлеуметтік сақтандыру департаменті директорының міндетін атқарушы, директоры болды.

2011 – 2013 жылдары – «Ұлттық ақпараттық технологиялар» АҚ Жобалау офисі бағдарламалар басшысы болып қызмет атқарды.

2013 жылғы 19 тамыздан бастап 2014 жылғы тамызға дейін - Қазақстан Республикасы Еңбек және халықты әлеуметтік қорғау вице-министрі.

2014 жылғы тамыздан бастап - Қазақстан Республикасы Денсаулық сақтау және әлеуметтік даму вице-министрі болып тағайындалды.

2017-2019 жылдары Қазақстан Республикасының Еңбек және халықты әлеуметтік қорғау вице-министрі.

2023 жылғы 12 маусымнан бастап Қазақстан Республикасы Президенті жанындағы Халықтың әлеуметтік жағынан осал санаттарының құқықтары жөніндегі уәкіл.

2023 жылғы 2 қыркүйекте Еңбек және халықты әлеуметтік қорғау министрі болып тағайындалды.

2024 жылғы 6 ақпанда Мемлекет басшысының Жарлығымен Қазақстан Республикасының Еңбек және халықты әлеуметтік қорғау министрі болып қайта тағайындалды.

Марапаты

• «Құрмет» ордені (2007)
• «Парасат» ордені (2018)