УЕФА Чемпиондар Лигасының финалы 2013

Уикипедия — ашық энциклопедиясынан алынған мәлімет
Jump to navigation Jump to search
УЕФА Чемпиондар Лигасының финалы 2013
Eröffnungszeremonie Wembley 2013.jpg
Турнир

УЕФА Чемпиондар Лигасы 2012/13

Стадион

"Уэмбли", Лондон

Көрермендер

86 298

2012
2014

УЕФА Чемпиондар Лигасының финалы 2013УЕФА Чемпиондар Лигасының 2012/13 жылғы маусымының шешуші, финалдық матчы. Араға екі жыл салып, матч тағы да Лондондағы "Уэмбли" стадионында өтті. Футболдың пайда болғанына 150 жыл толуына орай, футбол отанында өткізілген финалда Германияның қос клубы — "Бавария" мен "Боруссия" (Дортмунд) командалары өзара кездесіп, "Бавария" футболшылары 2:1 есебімен жеңіске жетті.

Матч[өңдеу]

Ойын тағдыры екінші таймда шешілді. 60 минутта Рибери-Роббен-Манджукич комбинациясы сәтті жұмыс жасады да, Роббеннің бір бүйірден асырған добын Манджукич бос қалған қақпаға бұра салды. Дортмундтықтар да қарап қалмады. 69 минутта оң қапталдан айып алаңына жарып кірген Марко Ройсқа қарсы Данте тәртіп бұзды. Пенальти белгіленіп, "түрік-неміс" футболшы Илькай Гүндоған мүлт кетпеді — 1:1.

Осы есеп соңғы минутқа дейін өзгермеді. Соңғы минутта боруссиялық қорғаушылар Роббеннен көз жазып қалды. Бір жыл алдыңғы финалда "Челсиден" ұтылып, сол жеңіліске басты айыпкер болған Арьен Роббен бұл жолы мюнхендіктердің ең сүйіктісіне айналды: 89 минутта қорғанысты бұзып жарып өтіп, қақпаның сол бұрышына ақырын ғана домалата салды. Бұл жеңіс голы еді.

Бұл — бір ғана елдің командалары ойнаған тарихтағы төртінші финал. 2000 жылы испандықтар, 2003 жылы италиялық клубтар финалға шықса, 2008 жылы таза "англиялық финал" болған-ды. Кейін, 2014, 2016 жылдары футбол жұртшылығы тағы да екі рет "испандық финалға" (испандық ғана емес, "мадридтік финалға") куә болды.

Бұл — "Баварияның" аталмыш турнирдегі бесінші жеңісі.

Фактілер[өңдеу]

  • "Баварияның" осы жеңісінен кейін Германиялық басылымдар "Германия футболындағы сәтсіздіктер сериясы тоқтады" деп қуана жазды. Расымен де, 2001 жылдан бері көптеген турнирлерде мәреге жақындап барып жығылып жүрген-ді. Мысал ретінде тізіп шықсақ, жартылай финалдағы сәтсіздіктерді айтпағанның өзінде, финалдағы жеңілістерінің өзі бірталай екен.
  1. 2002 — "Боруссия" (Дортмунд) УЕФА Кубогы финалында "Фейеноордтан" 2:3 есебімен ұтылып қалды.
  2. 2002 — Германия құрамасы әлем чемпионатының финалында Бразилиядан 0:2 есебімен ұтылып қалды.
  3. 2008 — Германия құрамасы Еуропа чемпионатының финалында Испаниядан 0:1 есебімен ұтылып қалды.
  4. 2009 — "Вердер" (Бремен) командасы УЕФА Кубогының финалында "Шахтердан" 1:2 есебімен ұтылып қалды.
  5. 2010 — "Бавария" УЕФА Чемпиондар Лигасының финалында "Интерден" 0:2 есебімен ұтылып қалды.
  6. 2012 — "Бавария" УЕФА Чемпиондар Лигасының финалында "Челсиден" пенальтлер арқылы ұтылып қалды.

Сәтсіздіктер шынымен де артта қалғандай, бір жылдан соң Германия құрамасы футболдан әлем чемпионы атанды.

Протокол[өңдеу]

25 мамыр 2013
Боруссия Дортмунд Германия 1–2[1] Германия Бавария Стадион: Уэмбли, Лондон
Көрермендер: 86298
Төреші: Никола Риццоли (Италия)
Илкай Гүндоған Soccerball.svg 68' (pen.) Марио Манджукич Soccerball.svg 60'
Арьен Роббен Soccerball.svg 89'
Team colours Team colours Team colours
Team colours
Team colours
 
Боруссия
Team colours Team colours Team colours
Team colours
Team colours
 
Бавария
GK 1 Германия Роман Вайденфеллер (r)
RB 26 Польша Лукаш Пищек
CB 4 Сербия Невен Суботич
CB 15 Германия Матс Хуммельс
LB 29 Германия Марцель Шмельцер
CM 6 Германия Свен Бендер Алмастырылды 90+2'
CM 8 Германия Илкай Гүндоған
RW 16 Польша Якуб Блащиковски Алмастырылды 90'
AM 11 Германия Марко Ройс
LW 19 Германия Кевин Гросскройц 73 минутта ескертілді 73'
CF 9 Польша Левандовски
Substitutes:
MF 18 Түркия Нури Шахин Алмасуға шықты 90+2'
FW 23 Германия Юлиан Шибер Алмасуға шықты 90'
Бапкер:
Германия Юрген Клопп
Borussia Dortmund vs Bayern Munich 2013-05-25.svg
GK 1 Германия Мануэль Нойер
RB 21 Германия Филипп Лам (к)
CB 17 Германия Жером Боатенг
CB 4 Бразилия Данте 29 минутта ескертілді 29'
LB 27 Аустрия Давид Алаба
CM 8 Испания Хави Мартинес
CM 31 Германия Бастиан Швайнштайгер
RW 10 Нидерланд Арьен Роббен
AM 25 Германия Томас Мюллер
LW 7 Франция Франк Рибери 73 минутта ескертілді 73' Алмастырылды 90+1'
CF 9 Хорватия Марио Манджукич Алмастырылды 90+4'
Substitutes:
MF 30 Бразилия Луиз Густаво Алмасуға шықты 90+1'
FW 33 Германия Марио Гомес Алмасуға шықты 90+4'
Бапкер:
Германия Юпп Хейнкес

Дереккөздер[өңдеу]

Сілтемелер[өңдеу]