УЕФА Чемпиондар Лигасының финалы 2006

Уикипедия — ашық энциклопедиясынан алынған мәлімет
Jump to navigation Jump to search
УЕФА Чемпиондар Лигасының финалы 2006
Barcelona vs Arsenal Teams line up.jpg
Турнир

УЕФА Чемпиондар Лигасы 2005/06

Стадион

Стад де Франс, Сен-Дени

Көрермендер

79 610

2005
2007

УЕФА Чемпиондар Лигасының финалы 2006 — 2005/06 жылғы УЕФА Чемпиондар Лигасының шешуші ойыны. 2006 жылы 17 мамырда Францияның Сен-Дени қалашығындағы "Стад де Франс" стадионында өтіп, Испанияның "Барселонасы" Англияның "Арсеналын" 2:1 есебімен ұтты.

Матч[өңдеу]

Матч өте тартысты басталды. Ойын басталарда-ақ, "Арсенал" футболшылары жоқ дегенде екі мүмкіндікті жіберіп алды. Алма-кезек шабуылмен өтіп жатқан әдемі ойынды 18 минуттағы бір көрініс бұзды: "Арсенал" қақпашысы Йенс Леманн өзін алдап өткен Самуэль Это'Оны ережеден тыс тоқтатып, тәртіп бұзып, алаңнан қуылды. Осыдан соң басымдық "Барселона" жақта болды.

Ойынның 37 минутында оң қапталдан Тьерри Анридің асырған айып добын Сол Кэмпбелл баспен ұрып торға түсірді — 0:1. Есепте алға шыққан лондондықтар қорғанысты нықтағанымен, 76 минутта каталондықтар бәрібір дегендеріне жетті. Сол қапталдан ұйымдастырылған комбинацияны Это'О сәтті аяқтады — 1:1.

Алаңда осы кезде жаңбыр тіпті күшейді. Осының әсерінен қалжыраған лондондықтар екінші допты оңай жіберіп алды. Сол қанаттан Хенрик Ларссон ұрымтал тұстағы Жулиану Беллетиге пас берді. Беллетти өте қиғаш тұрса да, қақпаға бірден бағыттады. Доп Леманның орнына шыққан қақпашы Алмунияның аяқ арасынан өтіп, қақпаға енді. Есеп — 2:1.

Бұдан кейін ойын сабасына түсті. Қалған уақытта есеп өзгермеді. "Барселона" араға 14 жыл салып, турнир жеңімпазы атанды.

  • Матчтан алдын мамандар қос команданың мүмкіндігін тең деп бағалады. Әсіресе, екі клубтың да қорғанысы өте берік екені көп айтылды. "Арсенал" плей-офф кезеңінде бір гол да жібермеген болса, "Барселона" плей-офф кезеңінде екі доп қана жіберіп алыпты, оның бірі автогол, 1/8 финалда "Челсимен" ойында Тиагу Мотта абайсызда өз қақпасына гол соғып алған болатын, ал екінші допты тағы сол "Челсимен" ойында Фрэнк Лэмпард пенальти арқылы ғана соға алған.

Протокол[өңдеу]

17 мамыр 2006
Барселона Испания 2–1 Англия Арсенал
Это'О 76
Беллетти 81
Голдар Кэмпбелл 37
Стад де Франс, Сен-Дени
Көрермендер саны: 79,610
Төреші: Терье Хауге (Норвегия)
Team colours Team colours Team colours
Team colours
Team colours
 
Барселона
Team colours Team colours Team colours
Team colours
Team colours
 
Арсенал
GK 1 Испания Виктор Валдес
RB 23 Испания Олегер Пресас 69 минутта ескертілді 69' Алмастырылды 71'
CB 4 Мексика Рафаэль Маркес
CB 5 Испания Карлес Пуйоль (к)
LB 12 Нидерланд Джованни ван Бронкхорст
DM 15 Бразилия Эдмилсон Алмастырылды 46'
CM 20 Португалия Деку
CM 17 Нидерланд Марк ван Боммель Алмастырылды 61'
RW 8 Франция Людовик Жюли
LW 10 Бразилия Роналдиньо
CF 9 Камерун Самуэль Это'О
Қосалқы құрам:
GK 25 Испания Альберт Хоркера
DF 2 Бразилия Жулиану Беллети Алмасуға шықты 71'
DF 16 Бразилия Сильвиньо
MF 3 Бразилия Тиагу Мотта
MF 6 Испания Хави
MF 24 Испания Андрес Иньеста Алмасуға шықты 46'
FW 7 Швеция Хенрик Ларссон 90+3 минутта ескертілді 90+3' Алмасуға шықты 61'
Бапкер:
Нидерланд Франк Райкаард
Barcelona vs Arsenal 2006-05-17.svg
GK 1 Германия Йенс Леманн   18' қуылды 18'
RB 27 Кот-д’Ивуар Эмануэл Эбуэ 22 минутта ескертілді 22'
CB 28 Кот-д’Ивуар Коло Туре
CB 23 Англия Сол Кэмпбелл
LB 3 Англия Эшли Коул
RM 7 Франция Робер Пирес Алмастырылды 18'
CM 19 Бразилия Жилберто Силва
CM 15 Испания Сеск Фабрегас Алмастырылды 74'
LM 13 Беларусь Александр Глеб Алмастырылды 85'
SS 8 Швеция Фредди Юнгберг
CF 14 Франция Тьерри Анри (к) 51 минутта ескертілді 51'
Қосалқы құрам:
GK 24 Испания Мануэль Алмуния Алмасуға шықты 18'
DF 20 Швейцария Филипп Сендерос
DF 22 Франция Гаэль Клиши
MF 16 Франция Матье Фламини Алмасуға шықты 74'
FW 9 Испания Хосе Антонио Рейес Алмасуға шықты 85'
FW 10 Нидерланд Деннис Бергкамп
FW 11 Нидерланд Робин ван Перси
Бапкер:
Франция Арсен Венгер

Басқа да фактілер[өңдеу]

Жеңімпаздар алтын алқа тағып жатыр
  • Бұл финал нидерландылық Деннис Бергкамптың футболшылық карьерасындағы соңғы ресми матчы болуы тиіс еді. Матчтан алдын Арсен Венгер оған "қалайда алаңға шығарам" деп уәде беріпті. Бірақ онсыз да бір футболшысы кем болып, ұтылып жатқандықтан, оны алаңға жіберудің ретін таппапты. Бапкерінің шарасыз күйін көрген Бергкамп та оған ренжімеген екен.
  • "Арсенал" сапында кейін "Барселонаға" ауысқан бірнеше футболшы алаңға шықты. Атап айтқанда, Тьерри Анри, Сеск Фабрегас, Александр Глеб. Ал "Барселона" құрамында бұрын "Арсеналда" ойнаған бір футболшы бар еді, ол бразилиялық Сильвиньо болатын. Бірақ алаңға мүлде шыққан жоқ.
  • "Барселонаның" бапкері Франк Райкаард футболшы ретінде де, бапкер ретінде де УЕФА Чемпиондар Лигасының жеңімпазы атанды. Бұған дейін мұндай жетістікке жеткендер төртеу еді: Карло Анчелотти, Мигель Муньос, Джованни Трапаттони, Йохан Кройф. Кейін бұлардың қатарына 2009 жылы Хосеп Гвардиола, 2016 жылы Зинедин Зидан қосылды.
  • "Стад де Франс" стадионы осымен екінші рет аталмыш турнирдің финалын қабылдады. 2000 жылғы финал да осы стадионда өткен болатын. Ол жолы да испаниялық тағы бір "Эль-Класико" өкілі Мадридтің "Реалы" жеңімпаз атанған-ды.

Сілтемелер[өңдеу]