УЕФА Чемпиондар Лигасының финалы 2011

Уикипедия — ашық энциклопедиясынан алынған мәлімет
Навигацияға өту Іздеуге өту
УЕФА Чемпиондар Лигасының финалы 2011
Турнир

УЕФА Чемпиондар Лигасы 2010/11

Стадион

"Уэмбли", Лондон

Көрермендер

87 695

УЕФА Чемпиондар Лигасының финалы 2011УЕФА Чемпиондар Лигасының 2010/11 жылғы маусымының шешуші матчы. 2011 жылы 28 мамырда Лондондағы "Уэмбли" стадионында өтіп, Испанияның "Барселона" клубы Англияның "Манчестер Юнайтед" командасын 3:1 есебімен ұтып, турнир жеңімпазы атанды. Бұл — каталондықтардың бұл турнирдегі төртінші жеңісі.

Матч[өңдеу | қайнарын өңдеу]

"Уэмблиде" алтыншы рет осы турнирдің финалдық ойыны өткізілді. Бұл рекордтық көрсеткіш. 2013 жылы да финал осы стадионда өтті. Айта кетейік, "Манчестер Юнайтед" те, "Барселона" да бұрын "Уэмблиде" өткізілген финалда ойнаған. 1968 жылы манчестерліктер "Бенфиканы" ұтса, 1992 жылы "Барселона" "Сампдорияны" ұтқан еді. Демек, екі клуб та осы турнирдегі алғашқы жеңістерін "Уэмблиде" атап өткен.

Екі жыл бұрынғы финалда осы екі клуб кездескен-ді. Ол жолы да "Барселона" 2:0 есебімен ұтқан болатын. Бұл жолы да екі доп айырмасымен (3:1) жеңіске жетті.

Матч тең дәрежеде басталғанымен, уақыт өте келе стадионда каталондықтардың "Тики-така" әдісі салтанат құра бастады. Допты көбірек иеленген олар қауіпті сәттерді де көбірек жасай бастады. Ойынның 27 минутында Хавидің дәлме-дәл берген пасынан соң қорғаушылардан сытылып алға озған Педро Родригес жақын бұрышты дәл көздеп, есеп ашты. Жеті минут өткен соң Уэйн Руни - Хавьер Эрнандес - Уэйн Руни комбинациясы сәтті аяқталды. Руни айып алаңына кіре берісте қатты соққымен тоғыздықты көздеп, есепті теңестірді.

Екінші таймда "Барселонаның" басымдығы айқын байқалды. 54 минутта Мессидің айып алаңының сыртынан жерлете тепкен добын Ван дер Сар қайтара алмады — 2:1. 69 минутта Вильяның тепкен добы доғаша иіліп ұшып, Ван дер Сар тағы қапы қалды. Осы есеп матч соңына дейін сақталып қалды.

Протокол[өңдеу | қайнарын өңдеу]

28 мамыр 2011
Барселона Испания 3–1[1] Англия Манчестер Юнайтед
Педро Родригес 27
Лионель Месси 54
Давид Вилья 69
Голдар Уэйн Руни 34
Уэмбли, Лондон
Көрермендер саны: 87,695
Төреші: Виктор Кашшай (Мажарстан)
Team colours Team colours Team colours
Team colours
Team colours
 
Барселона
Team colours Team colours Team colours
Team colours
Team colours
 
МЮ
GK 1 Испания Виктор Вальдес 85 минутта ескертілді 85'
RB 2 Бразилия Даниэл Алвес 60 минутта ескертілді 60' Алмастырылды 88'
CB 14 Аргентина Хавьер Маскерано
CB 3 Испания Жерар Пике
LB 22 Франция Эрик Абидаль
DM 16 Испания Серхио Бускетс
CM 6 Испания Хави (к)
CM 8 Испания Андрес Иньеста
RF 7 Испания Давид Вилья Алмастырылды 86'
CF 10 Аргентина Лионель Месси
LF 17 Испания Педро Родригес Алмастырылды 90+2'
Қосалқы құрам:
DF 5 Испания Карлес Пуйоль Алмасуға шықты 88'
MF 15 Мали Сейду Кейта Алмасуға шықты 86'
MF 20 Нидерланд Ибраһим Афеллай Алмасуға шықты 90+2'
Бапкер:
Испания Хосеп Гвардиола
GK 1 Нидерланд Эдвин ван дер Сар
RB 20 Бразилия Фабио Перейра да Силва Алмастырылды 69'
CB 5 Англия Рио Фердинанд
CB 15 Сербия Неманья Видич (к)
LB 3 Франция Патрис Эвра
RM 25 Эквадор Антонио Валенсия 79 минутта ескертілді 79'
CM 16 Англия Майкл Кэррик 61 минутта ескертілді 61' Алмастырылды 77'
CM 11 Уэльс Райан Гиггз
LM 13 Оңтүстік Корея Парк Чжи Сун
SS 10 Англия Уэйн Руни
CF 14 Мексика Хавьер Эрнандес
Қосалқы құрам:
MF 17 Португалия Луиш Нани Алмасуға шықты 69'
MF 18 Англия Пол Скоулз Алмасуға шықты 77'
Бапкер:
Шотландия Алекс Фергюсон

Финал туралы фактілер[өңдеу | қайнарын өңдеу]

  • "Манчестер Юнайтедтің" нидерландылық қақпашысы Эдвин ван дер Сар өзінің кәсіби карьерасындағы соңғы кездесуін өткізді.
  • Матчтың елшісі Англия құрамасының экс-шабуылшысы Гари Линекер болды.
  • Жеңімпаз команданы марапаттау кезінде кубокты әдеттегіше "Барселонаның" капитаны емес, ұзақ уақыт ауырып, емделіп, жақында ғана қатарға қосылған Эрик Абидаль басынан асыра көтерді.

Дереккөздер[өңдеу | қайнарын өңдеу]

Сыртқы сілтемелер[өңдеу | қайнарын өңдеу]