УЕФА Чемпиондар Лигасының финалы 2018

УЕФА Чемпиондар Лигасының финалы 2018
Турнир	УЕФА Чемпиондар Лигасы 2017/18
Реал Мадрид Ливерпуль 3 1
Дата	26 мамыр 2018 жыл
Стадион	Олимпиада стадионы, Киев
← 2017 2019 →

УЕФА Чемпиондар Лигасының финалы 2018 — УЕФА Чемпиондар Лигасының 2017/18 жылғы маусымының шешуші матчы. 2018 жылы 26 мамыр күні Киевтегі "Олимпиада" стадионында өтті. Испанияның "Реал Мадрид" командасы Англияның "Ливерпуль" клубын 3:1 есебімен ұтып, 13-ші рет турнир жеңімпазы атанды.

Финалға дейінгі жол

Реал Мадрид				Раунд	Ливерпуль
Қарсылас	Нәт.	1 ойын	2 ойын	Квалификация	Қарсылас	Нәт.	1 ойын	2 ойын
Плей-офф				Плей-офф	Хоффенхайм	6:3	2:1 (С)	4:2 (Ү)
Қарсылас	Нәтиже			Топтық турнир	Қарсылас	Нәтиже
АПОЭЛ	3:0 (Ү)			1 тур	Севилья	2:2 (Ү)
Боруссия Дортмунд	3:1 (С)			2 тур	Спартак	1:1 (С)
Тоттенхэм Хотспур	1:1 (Ү)			3 тур	Марибор	7:0 (С)
Тоттенхэм Хотспур	1:3 (С)			4 тур	Марибор	3:0 (Ү)
АПОЭЛ	0:6 (С)			5 тур	Севилья	3:3 (С)
Боруссия Дортмунд	3:2 (Ү)			6 тур	Спартак	7:0 (Ү)
H тобында 2-орын Команда О Ұ Т Ж СД ЖД ± Ұ Тоттенхэм 6 5 1 0 15 4 +11 16 Реал Мадрид 6 4 1 1 17 7 +10 13 Боруссия Д 6 0 2 4 7 13 -6 2 АПОЭЛ 6 0 2 4 2 17 -15 2				Турнир кестесі	E тобында 1-орын Команда О Ұ Т Ж СД ЖД ± Ұ Ливерпуль 6 3 3 0 23 6 +17 12 Севилья 6 2 3 1 12 12 0 9 Спартак 6 1 3 2 9 13 -4 6 Марибор 6 0 3 3 3 16 -13 3
Қарсылас	Нәт.	1 ойын	2 ойын	Плей-офф	Қарсылас	Нәт.	1 ойын	2 ойын
Пари Сен-Жермен	5:2	3:1 (Ү)	2:1 (С)	1/8 финал	Порту	5:0	5:0 (С)	0:0 (Ү)
Ювентус	4:3	3:0 (С)	1:3 (Ү)	1/4 финал	Манчестер Сити	5:1	3:0 (Ү)	2:1 (С)
Бавария	4:3	2:1 (С)	2:2 (Ү)	1/2 финал	Рома	7:6	5:2 (Ү)	2:4 (С)

Матч

Протокол

26 мамыр 2018 20:45 (+2)	Реал Мадрид 3:1 Ливерпуль Кәрім Бензема  51' Гарет Бейл  64'  83' Голдар Садио Мане  55'	Олимпиада стадионы, Киев Төреші: Милорад Мажич (Сербия)

Реал Мадрид

Ливерпуль

GK 1 Кейлор Навас RB 2 Даниэль Карвахаль 36' CB 5 Рафаэль Варан CB 4 Серхио Рамос (к) LB 12 Марсело Виейра CM 10 Лука Модрич CM 14 Каземиро CM 8 Тони Кроос AM 22 Иско 62' CF 9 Кәрім Бензема 89' CF 7 Криштиану Роналду Қосалқы құрам: DF 6 Начо 36' MF 20 Марко Асенсио 89' FW 11 Гарет Бейл 62' Бапкер: Зинедин Зидан

GK 1 Лорис Кариус RB 66 Трент Александер-Арнольд CB 6 Деян Ловрен CB 4 Вирджил ван Дейк LB 26 Эндрю Робертсон CM 7 Джеймс Милнер 83' CM 14 Джордан Хендерсон (к) CM 5 Джорджиньо Вейналдум RF 11 Мохаммед Салах 31' CF 9 Роберто Фирмино LF 19 Садио Мане  82' Қосалқы құрам: MF 20 Адам Лаллана 31' MF 23 Эмре Джан 83' Бапкер: Юрген Клопп

Матчтан кейінгі сараптама

Чемпиондар Лигасының тағы бір маусымы аяқталды. Кешегі финалдық ойыннан кейін жауап емес, сұрақтар көбейіп кетті. Салахтың жарақат алуы, Кариустың өрескел қателіктері, Бейлдің ғаламат голы... «Ливерпуль» былтырғы «Ювентустің» кебін киді.

Финал басталардан бұрын «Ливерпуль» фанаттары Салахқа өте үлкен үмітпен қарады. Финалға шығуына көп үлес қосқан Салах сол финалда өзі толық ойнай алмады. Серхио Рамосты кінәлаудан да аулақпын, өйткені жарақат алып, алаңнан кеткен футболшылардың біріншісі де, соңғысы да Мохаммед емес қой. Екеуінің соқтығысуы кешегі ащы жеңіліске себеп қана боп табылуы мүмкін (онсыз да кешелі бері «Салах аман-сау болғанда басқаша болар еді» деушілер тым көп). Салахтың алаңнан кетуімен ойын суреті өзгеріп сала берді. «Ливерпульдің» құты да, ырысы да, берекесі де Салах екені белгілі боп қалды. Бір жағынан бұл да жөн емес сияқты. Неге «Ливерпульдің» бүкіл тағдыры бір ғана ойыншыға байланысты болуы тиіс деген ойлар қылаң береді... "Салах «Ливерпульше» ойнаудың орнына неге «Ливерпуль» Салахша ойнап келген?" деген сұрақтар туындайды. "Клопп неге осыны ескермеген?" деген сауалдарға жауап іздейсің. Ау, олар команда, ұжым емес пе?

Оншақты жыл бұрын мынадай әзіл бар еді. «Украина Шевченкосыз ойнаса екінші құраммен, Шевченкомен ойнаса негізгі құраммен ойнап жатыр дей беруге болады» деуші ек. Кеше сол бір ескі қалжың еске түсті. Салах кетісімен алаңда «Ливерпуль» екінші құраммен қалып кеткендей әсерде болдық. Бірінші нөмірмен атойлап жатқан клуб екінші нөмірге оп-оңай ығыса салды...

Жарайды, Салах жарақат алып кетті. Ал, Кариусқа не жорық? Онсыз да жарты құрам боп ойнап жатқан футболшыларын аяса қайтеді екен? Алдындағы алпамсадай Бенземаны көре тұра сондай қимылды не үшін жасағанын өзі түсіндіріп бере алар ма екен... Бұл не? Бенземаның бағы ма? Өткенде Ульрайх «Баварияны» сорлатып еді. Енді Кариус. Салах алаңда 90 минут ойнағанда да Кариус мынадай сорақы қимылдарымен бәрібір «Ливерпульді» оңдырмас еді-ау. «Қақпашы — жарты команда» дегенді біреу жетіскеннен емес, осындайдан күйініп айтқан болуы керек.

«Ливерпуль» футболшыларына көп нәрсе жетіспеді. Қарсыластың «Реал» секілді клуб екенін біле тұра Юрген Клопп шәкірттерін түрлі жағдайларға (мәселен, «Салах аяқ асты финалға қатыса алмайтындай боп қалса не істейміз, соны ойладыңдар ма?» деген сұрақ төңірегінде) дайындап үйретпеген секілді. Демек, дайындық жетіскен жоқ. Оның үстіне, тәжірибе құрғыр да кемшін соғып жатты. Бейлдің өзінен асыра тепкен голы мысын басып тастады ма, бүкіл команда абдырап қалды да, ары қарай не істерлерін білмей құр жүгіре берді, соған қарағанда, мерсисайдтықтарда осындай қысылтаяңда жол тауып кетуге себі тиетін өте керек қасиет — импровизаторлық (сұңғылалық десек те болар) қабілет те жұмыс істемеген секілді. Бұл да бір көзге көрінер-көрінбес болғанымен, жеңіс үшін қажетті механизмдер.

Негізі, жасыратыны жоқ, матчтан алдын фаворит мадридтіктер еді. Чемпиондар Лигасы үшін Испания кубогынан да, Ла Лигадан да ашықтан-ашық бас тартқан корольдық клуб басқаны қойып осы турнирде барын салып келді ғой. Мақсаттарына жетті. Енді келесі маусымда жастары отызды орталауға жақын қалған Роналду, Модрич, Рамос секілді футболшылар биылғыдай ойнауға шамасы жете ме, жоқ па, уақытында көрерміз. Кешегі жеңіспен бірге «Реалдың» кезекті алтын буынының дәуірі аяқталған да сияқты.

Сілтемелер

• UEFA Champions League