Ақжайық ауданы

Уикипедия — ашық энциклопедиясынан алынған мәлімет
(Чапаев ауданы бетінен бағытталған)
Jump to navigation Jump to search
Аудан
Ақжайық ауданы
Әкімшілігі
Кіреді

Батыс Қазақстан облысы

Әкімшілік орталығы

Чапаев ауылы

Тарихы мен географиясы
Құрылған уақыты

1928

Жер аумағы

25 200 км²

Уақыт белдеуі

UTC+5:00

Тұрғындары
Тұрғыны

42 199[1] адам (2014)

Ресми тілі

қазақ тілі

Пошта индекстері

090100- 090120[2]

Автомобиль коды

07, L

Ақжайық ауданы картада

Ақжайық ауданыБатыс Қазақстан облысының орталық аймағындағы әкімшілік аудан. 1997 жылға дейін Чапаев ауданы болып аталған.[3]

Жерінің аумағы 25,2 км2. Аудан 18 ауылдық әкімшілік округке бөлінеді. Орталығы — Чапаев ауылы. Аудан Каспий маңы ойпатының солтүстік бөлігін алып жатыр. Климаты аса құбылмалы. Орташа ауа температурасы қаңтарда — 13-14°С, шілдеде 23-24°С. Жауын-шашынның жылдық орташа мөлшері 200-250 мм. Ақжайық ауданының жерін Жайық өзені жарып ағады.

Ақжайық ауданының жері шөлейтті белдемге жатады. Топырағы негізінен қызғылт қоңыр, сортаң болып келеді. Өсімдіктерден: селеу, бетеге, еркек шөп, көкпек, жусан т.б. өседі. Жануарлардан: негізінен қасқыр, шиебөрі, түлкі, суыр, бөкен, елік, жабайы шошқа, құстан: қаршыға, құр, үкі, қаз, үйрек, тырна т.б. мекендейді.

Ауданда май және нан зауыттары, тұрмыс қажетін өтеу комбинаты, жол жөндеу учаскесі, астық қабылдау пункті, тамақ комбинаты, орман шаруашылық кәсіпорны жұмыс істейді. Ауыл шаруашылық жерінің ауданы 12,8 мың га (1997), оның ішінде егістік — 14%, шабындық — 11%, жайылым — 72%. Суармалы дәнді дақылдар, картоп, көкөніс және бақша дақылдарын өсіру дамыған. Аудан тұрғындары мүйізді ірі қара, қой, ешкі, шошқа, жылқы, түйе өсірумен айналысады. Аудан жері арқылы Орал — Атырау, Чапаев — Жаңақала, Чапаев — Фурманов автомобиль жолы өтеді. Музыка, спорт мектебі, кәсіптік-техника учильище, кітапханалар, мәдениет үйлері, кинотеатрлар, аурухана т.б. бар. 1931 жылдан қазақ, орыс тілдерінде аудандық “Еңбек”, “Труд” газеттері шығады.

Халқы[өңдеу]

Тұрғыны 41 027 мың адам (2014). Соның ішінде: қазақ (95,4%), орыс (3,7%) татар (0,3%) Тұрғындарының орташа тығыздығы 1 км2-ге 2 адамнан келеді.

Дереккөздер[өңдеу]