Арқалық әуежайы

Арқалық әуежайы
IATA: AYK – ICAO: UAUR
Қысқаша мәлімет
Әуежай түрі		Қоғамдық
Операторы		АО "Торгайавиа"
Қызмет көрсетеді		Арқалық,  Қазақстан
Орналасқан орны		Арқалық қаласынан солтүстікке қарай 8 км
Теңіз деңгейінен биіктігі		118 м / 388 ф
Координаттар		50°19′30″ с. е. 66°57′36″ ш. б.50.32500° с. е. 66.96000° ш. б. / 50.32500; 66.96000
Ұшып-қону жолақтары
Жолақ бағыты	Ұзындығы		Айдыны
	м	фут
	2 478	8 129
Статистикасы
Жолаушылар
AYK (Қазақстан) AYK Әуежайдың Қазақстандағы орналасуы AYK Әуежайдың Қостанай облысындағы орналасуы

Арқалық әуежайы — Қазақстанның Қостанай облысындағы Арқалық қаласының бұрынғы әуежайы.

Арқалық әуеайлағы 2-сыныпты, Ил-76, Ту-154 және одан жеңіл ұшақтарды, сондай-ақ барлық түрдегі тікұшақтарды қабылдауға қабілетті болды.

Тарихы

Кеңестік кезеңде осы жерден Қазақстанның көптеген қалаларына және Мәскеуге рейстер орындалды. Сондай — ақ, жергілікті әуе желілері бойынша рейстер болды (атап айтқанда Арқалық — Амангелді-Торғай).

1998 жылдан бастап әуежай қараусыз қалды және оны Ресей әскери авиациясының тікұшақтары "Союз" сериясындағы басқарылатын ғарыш аппараттарының қонуын іздеу-құтқару кезінде анда-санда ғана пайдаланады.

Қазіргі күйі

Қостанай облысы Арқалық қаласындағы әуежайдың сатылымға шығарылуына қатысты қалалық әкімдік түсінік берді. Әкімдіктің мәліметінше, әуе қатынасын қалпына келтіру мәселесі бірнеше рет көтерілген. Алайда жаңа әуежайды салу және ұшып-қону жолағын қалпына келтіру үшін қомақты қаражат керек.

Оны (ескі әуежай – ескерту) жөндеудің керегі жоқ. Онда барлығы ескірген. Жаңа әуежайды салу үшін орын табылады. Алайда қалаға бұл әуежай керек пе деген мәселе бар. Елорда және облыс орталығымен көлік, теміржол байланысы бар. Жолаушылар легі де бар. Алайда барлығы билеттің бағасына келіп тіреледі. Біз бағаны 20 мың теңге деп қойсақ, пойыздың бағасы 4 мың теңге болса, айырмашылық бар ғой. Мұндай жағдайда бюджеттен субсидия бөлуге тура келеді. Біздің бюджет мұндай шығынды көтере алмайды, — дейді Арқалық қаласы әкімінің орынбасары Дархан Хамзин.