Үшарал әуежайы
Үшарал әуежайы — әуежай Алматы облысы Алакөл ауданында, Үшарал қаласынан батысқа қарай 5 км жерде. 1970 жылы Жоңғар қақпасында орналасқан гарнизонды қолдау үшін әскери аэродром ретінде құрылды. 1990 жылдардың басына дейін "Уч-Арал" атауын иеленген.
1-классты әуеайлақ, Ил-76, Ан-22, Ту-154 және одан да жеңіл ұшақтарды, сондай-ақ барлық түрдегі тікұшақтарды қабылдауға қабілетті.
Әуеайлақта ҚР ІҚМ 486-шы тікұшақ полкі (Ми-24, Ми-8 тікұшақтары) орналасқан.
Тарихы[өңдеу | қайнарын өңдеу]
1992 жылға дейін аэродромда 10-шы истребитель авиациялық дивизиясының құрамына кіретін 27-ші истребитель әуе полкі (МиГ-21 ұшақтары) орналасқан. Алматыдан (Як-40 ұшақтары) және Талдықорғаннан (жергілікті елді мекендердің әуеайлақтарында аралық қонулармен, Ан-2 ұшақтарымен) тұрақты азаматтық рейстерді қабылдады.
2015-2017 жылдары әуежайдың ұшу-қону жолағы жөнделді, жаңа такси жолы мен 2 ұшаққа арналған алжапқыш, жаңа терминал ғимараты салынды. 2017 жылдың 21 шілдесінде әуежай азаматтық маусымдық рейстерді қабылдай бастады[1]. Әуежай құрылысына 1 млрд теңгеден астам қаржы бөлініп, игерілді. Құрылыс жұмыстарын "ASD Group"ЖШС мердігерлік ұйымы жүргізді [2].
2018 жылы ішкі туризмді дамытуға бағытталған мемлекеттік субсидиялау бағдарламасының арқасында Үшарал қайтадан Алматыдан тікелей рейстерді қабылдай бастады. Бұл Қазақстанның көптеген қалаларынан емдік қасиеттерімен танымал тұзды ағынсыз Алакөл көлінің жағасындағы емдік санаторийлерге дейінгі маршруттарды жеңілдетті.
Авиакомпаниялар мен бағыттар[өңдеу | қайнарын өңдеу]
2019 жылғы ақпарат бойынша
| Тасымалдаушы Атауы |
Бағыттары |
|---|---|
 SCAT |
Алматы, Астана |
| Жетысу |
Астана, Талдықорған[3] |
Рейстер шілдеден қазанға дейін орындалады. ЯК-40, Bombardier CRJ200 ұшақтары қолданылады.
Дереккөздер[өңдеу | қайнарын өңдеу]
- ↑ Сегодня открылось авиасообщение Астана-Ушарал Мұрағатталған 25 мамырдың 2018 жылы. // Комитет автомобильных дорог (21 июля 2017)
- ↑ В городе Ушарал открылся аэропорт Мұрағатталған 25 мамырдың 2018 жылы. // «Vласть» (21 июля 2017)
- ↑ Аэропорт Ушарал Мұрағат көшірмесі 21 маусымның 2018 Wayback Machine мұрағатында // aerovokzal.kz
| ||||||||||||||||||||||
