Талдықорған әуежайы

Талдықорған әуежайықаз. лат. Taldyqorğan áýejaıy
IATA: TDK – ICAO: UAAT
Қысқаша мәлімет
Әуежай түрі		Қоғамдық / Әскери
Иесі		JSC “Zhetysu Aircompany”
Операторы		Жетісу, Qazaq Air
Қызмет көрсетеді		Талдықорған, Қазақстан
Орналасқан орны		Жетісу облысы, Талдықорған қаласынан солтүстік-батысқа қарай 12 км
Теңіз деңгейінен биіктігі		595 м / 1,741 ф
Ұшып-қону жолақтары
Жолақ бағыты	Ұзындығы		Айдыны
	м	фут
02/20	3,001	9,842	Бетон
Статистикасы (2025)
Жолаушы			▲42 768 адам
Дереккөз: ААЖ TDK (Қазақстан) TDK Әуежайдың Қазақстан аумағындағы орны TDK Әуежайдың Жетісу облысы аумағындағы орны

Талдықорған әуежайы — Талдықорған қаласындағы халықаралық әуежай. Жетісу облысының басты әуе қақпасы болып саналады. Қоғамдық және әскери мақсатта қолданылады.

Тарихы

Әуежай 1946 жылы ашылды. Бастапқыда ұшу-қону жолағы топырақпен жабылған болатын, және күніне тек екі ұшақ ұшатын. Кейінірек Яковлев Як-12, Антонов Ан-2 ұшақтары қызмет көрсете бастады.

1974 жылы жаңа әуежай кешенінің құрылысы аяқталып, қазіргі орналасқан орнына көшірілді. Бұл кезде Яковлев Як-40 және Антонов Ан-24 ұшақтарын қабылдауға мүмкіндік туды. 1981 жылдан бастап Туполев Ту-134 типіндегі әуе кемелері де ұшып-қонуға кірісті.

2004 жылы жолаушылар терминалына күрделі жөндеу жүргізіліп, сағатына 100 жолаушыны қабылдай алатын заманауи жабдықтармен қамтылды.

Әуе компаниялары мен бағыттар

2025 жылдың шілдесіндегі мәлімет бойынша, Талдықорған әуежайынан келесі бағыттарда тұрақты рейстер орындалады:

Күнделікті рейстер:

• Qazaq Air → Астана, Түркістан
• Жетісу → Астана

Қабылдайтын әуе кемелері

	Атауы	Түрі
1	Qazaq Air	Dash-8
2	Жетісу Әуекомпаниясы	Антонов Ан-24
3	Жетісу Әуекомпаниясы	Туполев Ту-134

Әскери авиация

Әуежайда ҚР Қарулы күштерінің әскери ұшақтары мен тікұшақтары орналасқан. Қабылдай алатын кейбір әскери әуе көліктері:

• Антонов Ан-12, Антонов Ан-24, Антонов Ан-26, Антонов Ан-28, Антонов Ан-30, Антонов Ан-32
• Антонов Ан-72, Антонов Ан-74, Илюшин Ил-76
• Туполев Ту-134, Туполев Ту-154, Яковлев Як-40, Яковлев Як-42
• Барлық тікұшақ түрлері

Әуе кемесінің максималды ұшу салмағы — 87 тонна. Ұшу-қону жолағының жіктеу нөмірі (PCN): 15/R/A/X/T.

Жолаушылар саны

Талдықорған әуежайының жолаушылардың өсімі әдеттегідей оның танымалдылығы мен арзандығы. Немесе Талдықорғанның адам саны өсуімен бірдей болып саналады.

• 2015 — 24 295 адам
• 2025 — ▲42 768 адам