Көкшетау Халықаралық Әуежайы

Көкшетау Халықаралық ӘуежайыKokshetau International Airport
Жолаушылар терминалдың алдындағы перрон
IATA: KOV (КОВ) – ICAO: UACK – LID: КЧТ—WMO: 28879 KOV Әуежайдың Ақмола облысында орналасуы
Қысқаша мәлімет
Әуежай түрі		Азаматтық
Операторы		КТЖ «Airport Management Group»
Қызмет көрсетеді		Көкшетау
Орналасқан орны		Көкшетаудан солтүстік-шығысқа қарай 12.5 км қашықта орналасқан, Ақмола облысы, Қазақстан
Тасымалдаушы Хабы		● Көкшетау Әуекомпаниясы (жабылды)
Теңіз деңгейінен биіктігі		274 m / 899 ft
Координаттар		53°19′10″ с. е. 69°35′25″ ш. б.53.31944° с. е. 69.59028° ш. б. / 53.31944; 69.59028
Ұшып-қону жолақтары
Жолақ бағыты	Ұзындығы		Айдыны
	m	ft
02/20	2,850	9,350	Асфальт
Статистикасы(2018)
Жолаушылар			21 427 адам
Source: AIP Kazakhstan

Көкшетау Халықаралық Әуежайы (IATA: KOV, ICAO: UACK) (ағылш. Kokshetau International Airport) — Көкшетау қаласында орналасқан әуежай. 1945 жылы салынған. Ол Көкшетау орталығынан солтүстік-шығысқа қарай 12.5 км қашықта, Ақкөл ауылы мен А-13 автожолының арасында орналасқан. 2018 жылы әуежай 21,427 жолаушыға қызмет көрсеткен (2017 жылмен салыстырғанда 2.7%-тік кему).

Тарихы

Көкшетау әуежайының тари­хы 1945 жылдың маусым айынан өзек тартады. Шағын әуежай қаланың солтүстігінде, Қопа көлінің іргесінде орналасты 53°18′47″ с. е. 69°23′00″ ш. б.53.31306° с. е. 69.38333° ш. б. / 53.31306; 69.38333 (Шағын әуежай)   . Сол жылғы шілденің орта шенінде әуежайға алғашқы ПО-2 ұшағы келіп қонды. Оны басқарған 4-сыныпты ұшқыш Николай Бон­дарьды қалалықтар нағыз батыр ретінде құрметпен қарсы алды.

Көкшетау тарихындағы ерекше оқиға ретінде, 1972 жылы қаланың шығыс беткейінде жаңа әуежайдың ашылуын айтуға болады. Бұл іске сол кездегі обкомның бірінші хатшысы, белгілі қоғам қайраткері Еркін Әуелбековтің айрықша үлес қосқанын құрметпен еске алғанымыз жөн. Салтанат шараларына екі мәрте Кеңес Одағының Батыры Талғат Бигелдинов қатысып, жергілікті ұшқыштардың бойына жігер қосты.

Қабылдайтын әуе көлігі түрлері

Әуежай азаматтық авиа­цияның Халықаралық ұйымы (ИКАО) стандарттары талаптарының 1-санатына жауап бере алады. Яғни, ұшып-қону алаңы жалпы салмағы 171 тонналық лайнерлерді, тікұшақтардың барлық түрін қабылдай алады.

Airbus A320, Airbus A321, Airbus A330, Airbus A350, Boeing 757, Boeing 777, Boeing 787, және тағы да басқа 3-4 кластағы ӘК түрлері, барлық типтегі тікұшақтар. Әуе көлігінің ең көп ұшу салмағы шектеусіз. Ұшу-қону жолағының (PCN) жіктеу саны 50/F/С/Y/T.

Терминал

Сағатына 200 жолаушыны қабылдай алатын аэровокзал екі телескопиялық трап, лифт және эскалаторлармен жабдықталған. Халықаралық Көкшетау әуежайда жолаушыларға барлық қолайлы жағдайлар жасалумен бірге, тір­кеу, шекаралық және кедендік ре­сімдеу орындары қарастырылған.

Әуе компаниялары мен бағыттар

2021 жылғы мәлімет бойынша Көкшетау әуежайынан келесі бағыттар бойынша рейстер ұшырылады:

*	Маусымдық бағыттар

Әуе компаниясы	Бағыттары	Ұшақ түрі	Рейс нөмірі	Ұшу уақыты
FlyArystan	Алматы	A320-200	KC7114/KC7113	2с 05мин.
SCAT	Ақтау	CRJ-200	DV780/DV779	2с 25мин.
SCAT	Алматы	CRJ-200	DV760/DV759	2с 05мин.
SCAT	Түркістан	CRJ-200	DV797/DV798	1с 40мин.
ИрАэро	Мәскеу	SSJ-100	IO682/IO681	3с 15мин.

Жолаушылар легі

Жолаушылар саны:
год	2014	2015	2016	2017	2018
Жолаушылар саны	3 064	17 497	14 213	22 016	21 427
Өзгеру	▼058.6 %	▲0471.1 %	▼018.8 %	▲015.6 %	▼02.7 %
Қазақстандағы орны	19	17	17	17	17

Суреттер

• 
• 

  Интерьер көрінісі

• 

  Ішінде

• 
• 

Тағы қараңыз

• Халықаралық Петропавл әуежайы (195 км)
• Нұрсұлтан Назарбаев Халықаралық Әуежайы (287 км)

Сыртқы сілтемелер

• Ортаққорда бұған қатысты медиафайлдар бар: Көкшетау Халықаралық Әуежайы

• Халықаралық Көкшетау Әуежайынан ұшып шыққан ұшақтар мен қонып жатқан ұшақтардың радарлық бағылаулары