Бөкейхан ауылдық округі

Уикипедия — ашық энциклопедиясынан алынған мәлімет
Навигацияға өту Іздеуге өту
Қазақстан ауылдық округі
Бөкейхан ауылдық округі
Облысы

Атырау облысы

Ауданы

Құрманғазы ауданы

Округ орталығы

Бөкейхан

Енеді

1 ауыл

Тұрғыны (2009)

1765

Әкімі

Жүсіп Сүлейменұлы Төреғалиев

Округ әкімдігінің мекенжайы

Бөкейхан ауылы, Әуезов көшесі, №47

Уақыт белдеуі

UTC+5:00

Автомобиль коды

06

Телефон коды

+771233

Пошта индексі

060407

Бөкейхан ауылдық округіАтырау облысы, Құрманғазы ауданындағы әкімшілік бірлік. 2022 жылға дейін Байда ауылдық округі деп аталды.[1]

Әкімшілік құрамы[өңдеу | қайнарын өңдеу]

Құрамына Бөкейхан ауылы кіреді. Орталығы – Бөкейхан ауылы[2].

Халқы[өңдеу | қайнарын өңдеу]

2009 жылғы санақ бойынша округте 1765 адам тұрады[3].

Байда аталу тарихы[өңдеу | қайнарын өңдеу]

Шортанбай ауылының шығысында 10 шақырым шамасында орналасқан. В.А.Иночкин, Р.Х.Сариева, М.Ж.Хасанаевтан «История Букеевского ханства 1801-1852гг» кітабының 325 бетінде 1829 жылғы жазбада Байда кордоны деп келтірілген. Байда атауы жөнінде ғалымдардың тұжырымы бір-бірінен алшақтау. Жергілікті өлкетанушы ғалым Мақсот Жолжановтың «Байда- түбек аты, Ноғайлардың файда - пайда, яғни, тұрғындар не шеттен келіп - кетушілер үшін пайдалы кіріс беретін орын» деген.
Қиғаштың саласының тарамдарыңың арасында түбек сияқты ұзындығы 3 шақырымдай жергілікті елдің айтуынша «биіктөбе». Тұрғындар төбенің ұзына бойына өзенді жағалай тұрғын үй салып қоныстанған.

Қалыптасу кезеңі[өңдеу | қайнарын өңдеу]

Өткен ғасырдың отызыншы жылдары Астрахан қаласынан келетін жолдың аңғарындағы, Қиғаш өзенінің жағасындағы Котяев (1922 ж.) атанған ауылға Байдадағы елді көшірген. Жергілікті билікті Байда селолық кеңесі атағанда оның қамтуында Көптоғай, Мұхамбет, Жасталап, Рожок, Байғара, Күйген т.б, шағын ауылдар болған. 1930 ж. алғашқы ұжымдастыру кезінде «Коллективный труд» ұжымшары құрылған. Шаруашылық балық аулау, мал бағу, егін егумен айналысқан. 1965 жылы «Еңбекші таң» ұжымшары қосылып, іріленіп, «Память Ильича» ұжымшарына айналған. Тәуелсіздік алғаннан кейін «Еділ», соңында «Ш.Сүлейменов» ӨК-не айналған.[4]

Инфрақұрылымы[өңдеу | қайнарын өңдеу]

Округте орта мектеп, балалар бақшасы, мәдениет үйі, кітапхана, спорт кешені, сауда дүкендері, тұрмыстық қызмет мекемелері жұмыс істейді. Котяев ауылында Кұрманғазы шекаралық кеден бекеті жұмыс істейді, округте 20-дан аса шаруа қожалықтары, 50-дей кәсіпкерлік құрылымдар бар.

Байда ауылдық кеңесінің төрағалары, округ әкімдері[өңдеу | қайнарын өңдеу]

Байда ауылдық кеңесінің төрағалары, округ әкімдері болып Ш.Алмағанбетов, Т.Салықбаев, И.Ғатауов, Ф.Титанова, С.Мендалиев, Я.Исмагулов, З.Ертаева, Ж.Төреғалиев қызмет істеген.

Округтегі тарихи және мәдени ескерткіштер[өңдеу | қайнарын өңдеу]

  • Ұлы Отан соғысында қаза тапқан жерлестерге қойылған обелискі
  • Кенжеғали Боқанов тұрған үйдегі мемориалдық тақта[5]

Дереккөздер[өңдеу | қайнарын өңдеу]

  1. Атырау облысы Құрманғазы ауданының кейбір әкімшілік-аумақтық бірліктерін қайта атау туралы
  2. "Қазақ энциклопедиясы"', X том
  3. 2009 жылғы Қазақстан Республикасы халқының Ұлттық санағының қорытындылары. Астана 2011. 1 том
  4. Киелі мекен, қасиетті өлке -Құрманғазы. Ағатай баспасы, Атырау-1920 ж. ISBN 978-601-7861-86-5
  5. Құрманғазы ауданы. Шежіре. - Алматы: "Арыс" баспасы, 2008. ISBN 9965-17-535-7