Сүйіндік ауылдық округі
| Қазақстан ауылдық округі | |
| Сүйіндік ауылдық округі | |
| Облысы | |
|---|---|
| Ауданы | |
| Округ орталығы | |
| Енеді |
4 ауыл |
| Тұрғыны (2009) |
3408 |
| Әкімі |
Данияр Ғалымжанұлы Сабиров |
| Округ әкімдігінің мекенжайы |
Сүйіндік ауылы, Ардагерлер көшесі, №7А |
| Уақыт белдеуі | |
| Автомобиль коды |
06 |
| Телефон коды |
+771233 |
| Пошта индексі |
060413 |
Сүйіндік ауылдық округі — Атырау облысы, Құрманғазы ауданындағы әкімшілік бірлік.
Әкімшілік құрамы[өңдеу | қайнарын өңдеу]
Құрамына Сүйіндік, Батырбек, Егінқұдық, Жалғызапан ауылдары кіреді. Орталығы – Сүйіндік ауылы[1]. Бұрын округ құрамында болған Жаңаауыл ауылы 2008 жылдан бастап Асан ауылдық округіндегі Үштаған ауылының құрамына енгізілді[2]. Округтің жер көлемі - 230646 гектар.
Халқы[өңдеу | қайнарын өңдеу]
2009 жылғы санақ бойынша округте 3408 адам тұрады[3]. Округте 29 Батыр ана, 3 алтын алқа иелері бар.
| Елді мекен | Халқы, адам (1989) |
Халқы, адам (1999) |
Халқы, адам (2009) |
|---|---|---|---|
| Сүйіндік | 2896 | 2470 | 2113 |
| Батырбек | 276 | 309 | 364 |
| Егінқұдық | 259 | 329 | 358 |
| Жалғызапан | 513 | 545 | 573 |
| Жаңаауыл | 130 | - | |
| Үштаған[4] | 410 | 617 | 760 |
Тарихы[өңдеу | қайнарын өңдеу]
Ауылдық округ тарихы 1928 жылдан басталады. 1928 ж. құрылған Азғыр ауданына осы өңірдегі «Жиделі» «Қошалақ», «Дыңғызыл», «Ноғайбай», «Теректі», «Батырбек», «Қасымтау», «Жас күш», «Сүйіндік», «Лабай», «Азғыр» кеңестері бірікті. 1930 ж. күзде Азғыр ауданы таратылған соң, бұл кеңестер Орда ауданына бағынды. 1930 жылы құрылған ТОЗ-дар кейін 1932 ж ауыл шаруашылығы артельдері болып ұйымдасты. 1930 - жылдардың орта шенінде колхоздар болып құрылды, олар мал шаруашылығын дамыту, егін өсірумен шұғылданды. 1954 жылы колхоздар ірілендірілді, «К.Маркс», «Сталин» колхоздары бірікті. Сүйіндік ауылы кеңесінде К.Маркс колхозы болды, Лабай кеңесінде Куйбышев колхозы, Батырбек кеңесінде Алғабас, «XIX партия сьезі» колхоздары бірікті. 1957 жылы осы ауылдық кеңестердегі «К.Маркс», «Куйбышев», «Сталин», «Правда», «Чкалов», «Интернационал» колхоздары біріктіріліп, «Сүйіндік» кеңес шаруашылығы құрылды. Кеңшар еділбай тұқымды қой шаруашылығын өсірумен, жылқы шаруашылығымен айналысты.[5]
Инфрақұрылымы[өңдеу | қайнарын өңдеу]
Округ көлемінде 2 орта, 1 орталау, 1 бастауыш мектеп, мектеп жанында жатақхана, орталық мәдениет үйі, кітапхана, 2 клуб, дәрігерлік амбулатория, аурухана, 3 фельдшерлік пункг, пошта, телехабар тарату нүктесі, АТС филиалы, «Атырау-Жарық» мекемесі, сауда орындары, дүкендер, басқа да қызмет көрсету орындары жумыс жасайды.[6]
Округ әкімдері[өңдеу | қайнарын өңдеу]
Ауылдық округте әр жылдары М.Лұқпанов, Ғ.Елемесов, Ж.Әліпов, Б.Валиев, Х.Үмбетов, А.Мүфтах, Г.Бектемісов әкім болды.
Округтегі тарихи және мәдени ескерткіштер[өңдеу | қайнарын өңдеу]
- Социалистік Еңбек Ері О.Қабдол тұрған үйдегі мемориалдық тақта
- Социалистік Еңбек Ері А.Таңатаров тұрған үйдегі мемориалдық тақта
- Ұлы Жеңістің 40 жылдығына арналған обелиск
- Ұлы Отан соғысында қаза тапқан жерлестерге қойылған обелискі[7]
Дереккөздер[өңдеу | қайнарын өңдеу]
- ↑ "Қазақ энциклопедиясы", X том
- ↑ Құрманғазы ауданының әкімшілік-аумақтық бірліктеріне өзгерістер енгізу туралы
- ↑ 2009 жылғы Қазақстан Республикасы халқының Ұлттық санағының қорытындылары. Астана 2011. 1 том Мұрағатталған 6 қарашаның 2017 жылы.
- ↑ Кейін Асан а/о-не берілген
- ↑ Киелі мекен, қасиетті өлке -Құрманғазы. Ағатай баспасы, Атырау-1920 ж. ISBN 978-601-7861-86-5
- ↑ Атырау облысы Құрманғазы ауданының қысқаша энциклопедиясы. «ҚазПолиграфОрталығы» ЖШС, Алматы, 2001
- ↑ Құрманғазы ауданы. Шежіре. - Алматы: "Арыс" баспасы, 2008. ISBN 9965-17-535-7
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
|
Бұл — Қазақстан географиясы бойынша мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. |
| ||||||