Қайрат (футбол клубы)

	Қайрат
Толық атауы	«Қайрат» футбол клубы
Лақап аттары	Халық командасы, Сары-қаралар
Құрылған жылы	1954 жыл
Стадионы	Алматы Орталық стадионы
Сыйымдылығы	23 804
Иесі	Қайрат Боранбаев
Бас жаттықтырушы	Рафаэль Уразбахтин
Капитаны	Жуан Паулу
Рейтингі	244 орын УЕФА рейтингінде
Сайты	fckairat.com
Жарыс	Қазақстан Премьер Лигасы
2024	1
Формасы
	Футболдан Қазақстан Чемпионаты 2024
	Бұл үлгіні: көру • талқылау • өңдеу

Басқа мағыналар үшін Қайрат деген бетті қараңыз.

Қайрат — Қазақстандық кәсіби футбол клубы, Алматы қаласынан. Қазақстан Чемпионатының 4-дүркін Чемпионы, 9-дүркін Қазақстан Кубогінің иегері, 2-дүркін Қазақстан Суперкубогінің иегері, КСРО футбол федерациясы кубогының иегері.

Тарихы

1954 жылы «Динамо» спорт қоғамының базасында «Локомотив» деген атаумен құрылды. 1955 жылы атауы «Урожай» боп өзгертілді. Бір жылдан соң тағы да атауын өзгерту мәселесі министрлікте қаралып, бірнеше атаудың ішінен «Қайрат» таңдалды.

1957 жылы тұңғыш халықаралық кездесуін «Ваасан Паллосеура» (Финляндия) клубымен өткізіп, 4:0 есебімен жеңіске жетті. 1956-59 жылдары КСРО В класында (Кейін бірінші лига боп өзгерді) ойнады.

1959 жылдың соңында КСРО футбол федерациясы жоғары лигадағы клубтар санын 12-ден 22-ге дейін көбейтуге шешім қабылдады. Бұл шешімнен соң «Қайраттың» да жоғары лигаға қатысуына мүмкіндік ашылды. Осылайша 1960 жылғы КСРО чемпионатында клубтың элитадағы тұсауы кесілді.

1960-91 жылдар аралығында «Қайрат» жоғары және бірінші лигаларда ойнады. 1986 жылы жоғары лигада жетінші орынға көтеріліп, ең жоғары жетістігіне қол жеткізді. Сондай-ақ 1963 жылы КСРО кубогының жартылай финалына дейін жетіп, клуб футболшылары КСРО спорт шебері ретінде марапатталды.

1971 жылы Бухарестің «Рапид» клубын ұтып, Халықаралық теміржолшылар кубогында жеңімпаз атанды. Кеңес дәуіріндегі тағы бір ірі жетістігіне 1988 жылы қол жеткізіп, КСРО Федерациялары кубогында топ жарды. Бұл маусымда «Қайрат» соңғы рет жоғары лигада ойнады да, 1989-91 жылғы маусымдарды бірінші лигада өткізді.

1992 жылы Қазақстандағы тұңғыш маусымды «Қайрат» сәтті бастады, чемпион атанды, кубокты иеленді. 1993 жылы Достастық елдері кубогына қатысып, топтық кезеңде «Экранасты» доп айырмашылығы бойынша ғана бірінші орынға жіберіп алды да, жартылай финалға шыға алмады.

Бірақ сол жылы-ақ клубтағы күшті ойыншылар әр жаққа тарап кетті де, 1993 жылғы чемпионатты он бірінші орында аяқтады. Келесі маусымда да дәл осы нәтиже қайталанды. Осы құлдырағаннан тек 1997 жылы ғана жүлделі орынға ілінді, үшінші орынға табан тіреді. Сондай-ақ осы жылы екінші рет Қазақстан кубогын иеленді.

1998 жылғы футбол маусымына дайындық жүріп жатқан кезде ЦСКА басшылары «Қайраттың» бүкіл базасын, стадионын өздеріне қаратып алмақшы болды. Сол кезде «Қайратқа» қаржылық жағынан қолдау көрсетіп отырған Болат Әбілев бұған шыдай алмай, жарты команданы бөліп әкетті. Сол кезде «Қайраттың» вице-президенті Сейілдә Байшақов та Болат Әбілев жағына шықты. «Қайрат» екіге жарылғаннан кейін бір жартысы «Қайрат-ЦСКА» болды да, екінші жартысы халықтық «Қайрат» болды. Асқар Қожабергенов бастаған бір топ ойыншылар да халықтық «Қайрат» жағына шықты. Халықтық «Қайрат» дегеніміз сол кезде қырық жылға жуық тарихы бар кәдімгі «Қайрат» клубы. Өкінішке қарай, халықтық «Қайрат» сол жылы Қазақстан біріншілігінің жоғары тобында емес, бірінші лигада ойнады. 1998 жылдың қорытындысы бойынша, бірінші лигада жеңімпаз атанып, 1999 жылы жоғарғы топқа қайта оралды. Сол жылы халықтық «Қайрат» ұлттық біріншілікте үшінші орынға қол жеткізді. Ал «Қайрат-ЦСКА» халықтық «Қайраттан» әлдеқайда төмен қалды.

Бірақ, 2000 жылы екі «Қайрат» қайтадан қосылды. Өйткені, ЦСКА басшыларының клубты ұстап тұруға мүмкіндіктері болмады.^[2]^[3]

2002 жылдың жазында Қазақстан клубтары арасында алғашқылардың бірі боп еурокубоктерге қатысты. Бірақ УЕФА кубогының алғашқы іріктеуінде «Црвена Звезда» клубымен кездескен қайраттықтар екі ойында да оларға есе жіберді, 0:2, 0:3.

2004 жылғы біріншілікте араға 12 жыл салып Қазақстан чемпионы атанды. Осы жетістігінен соң 2005 жылы Достастық кубогына және Чемпиондар лигасына жолдама алды. Достастық кубогында топтық кезеңнен өтіп 1/4 финалға дейін жетті, ал Чемпиондар лигасында Словакияның «Артмедия» клубымен кездесіп, өз алаңында 2:0 есебімен жеңіске жетті. Ал сырт алаңда тек соңғы секундтарда төртінші голды жіберіп алды (1:3 есебін сақтап қалғанда, келесі кезеңге өтер еді).

2006 жылы УЕФА кубогында «Фехервар» клубынан ұтылды (0:1, 2:1).

2008 жылдың ортасында клубтың демеушілерінің бірі қаржыландырудан бас тартты да, клуб мүшелеріне тиісті жалақы берілмей қалды. Нәтижесінде клубтың лицензиясы жоққа шығарылып, команда 2009 жылғы маусымды бірінші лигада өткізді. 2009 жылы бірінші лигада жеңімпаз атанып, жоғары лигаға қайта жолдама алды. 2013 жылы бапкер Владимир Вайстың жетекшілігімен араға сегіз жыл салып жүлдеге қол жеткізді: қола жүлдегер атанды.

2015-19 жылғы маусымдарда қатарынан бес рет күміс жүлдені қанағат тұтты. 2015 жылы жазда өз тарихында тұңғыш рет еурокубоктердің топтық кезеңіне өте жақын келді, Еуропа лигасында «Црвена Звезда», «Алашкерт», «Абердин» секілді клубтарды қапы қалдырып, плей-офф сатысында «Бордоға» жол берді, сыртта 0:1 есебімен ұтылып келген қайраттықтар өз алаңында 2:0 есебімен алда тұрды. Тек соңғы минуттарда ғана гол жіберіп алды. Айта кетейік, маусымда «Қайрат» сапында 2013 жылғы УЕФА Чемпиондар лигасының жеңімпазы Анатолий Тимощук доп тепті. Ал жыл соңында Вайсс қызметтен кетіп, орнына Александр Бородюк келді. Сондай-ақ клубқа ресейлік танымал футболшы Андрей Аршавин келді. 2016 жылғы маусым басында клуб тұңғыш рет Қазақстан суперкубогын ұтып алды.

2016 жылғы маусым барысында сүреңсіз нәтижелерден соң Бородюктің орнына Кахабер Цхададзе келді. Бірақ «Қайрат» бұл жолы Еуропа лигасында екінші іріктеу кезеңінен аса алмады.

2017 жылдың жазынан 2018 жылдың күзіне дейін клубты Карлос Алос Феррер жаттықтырды. Жыл соңында Андрей Карпович азырақ бапкер міндетін атқарды. Бұл маусымды да «Қайрат» екінші орынмен аяқтады.

2019 жылдың басында клуб тізгінін беларусьтік 30 жасар Алексей Шпилевский ұстады. 2019 жылы жазда клуб УЕФА Еуропа лигасының екінші кезеңінен аса алмады, чемпионатты тағы да екінші орынмен қорытындылады.

2020 жылғы маусымда чемпионат бітуге бес тур қалғанда араға 16 жыл салып Қазақстан чемпионы атанды.

2024 жылы 10 қараша күні соңғы турда Атырау футбол клубын жеңіп, төртінші мәрте Қазақстан чемпионатын ұтып алды.

Орта Азия дербиі

Толық мақаласы: Орта Азия дербиі

Қазақ және өзбек футболының арасындағы ымырасыз бәсекелестік ертеден бар. КСРО чемпионаттарында Алматының «Қайраты» мен Ташкенттің «Пахтакоры» өзара кездескенде стадионда ине-шаншар орын болмайтын. Екі клубтың кездесуі «Орта Азия дербиі» деген сипатқа ие болды, ол кездесулерді қазақ және өзбек футбол жанкүйерлері ғана емес, бүкіл одақтың футбол көрермендері ерекше ықыласпен тамашалайтын еді.

Мұндай ойындарда екі жаққа да жеңіс ауадай қажет, тіпті жеңіске жете қалса маусым соңында төменгі лигаға түсіп кетсе де кешірілетін.

Статистикасы

Ең ірі жеңісі

Қазақстан чемпионаты

1993 — 8:0 («Қайсар», Қызылорда)

Ең ірі жеңілістері

Қазақстан чемпионаты

2007 — 0:5 («Астана-1964», Астана)
2011 — 1:6 («Астана», Астана)

Клуб атауларының тарихы

«Локомотив» (1954)
«Урожай» (1955)
«Қайрат» (1956 жылдан бері)

Маусымдары

Маусым	Лига									Қазақстан кубогы
Маусым	Див	Поз	О	Ұ	Т	Ж	СД	ЖД	Ұп	Қазақстан кубогы
1992	1	1	26	16	5	5	48	22	53	Жеңімпаз
1993		11	22	5	3	14	23	41	18	2 раунд
1994		11	30	10	6	14	36	42	36	1 раунд
1995		9	30	13	2	15	37	35	41	1 раунд
1996		6	34	19	5	10	61	30	62
1997		3	26	16	5	5	52	14	53	Жеңімпаз
1998	2	2	4	3	0	1	8	1	9
1999	1	3	30	21	1	8	62	19	64	Жеңімпаз
2000		4	28	18	6	4	48	17	60
2001		5	32	15	7	10	42	33	52	Жеңімпаз
2002		7	32	13	7	12	41	36	46
2003		7	32	14	7	11	51	42	49	Жеңімпаз
2004		1	36	25	8	3	70	21	83	Финал
2005		3	30	18	8	4	56	22	62	Финал
2006		7	30	12	10	8	39	30	46
2007		13	30	9	3	18	23	43	30
2008		10	30	9	10	11	25	28	34	1/4
2009	2	1	26	19	4	3	63	21	42	1 раунд
2010	1	10	32	6	11	15	17	38	29	3 раунд
2011		11	32	8	8	16	30	49	22	1/4
2012		10	26	7	8	11	23	34	29	2 раунд
2013		3	32	12	12	8	44	38	33	2 раунд
2014		3	32	18	5	9	58	31	38	Жеңімпаз
2015		2	32	20	7	5	60	19	45	Жеңімпаз
2016		2	32	22	5	5	75	30	71	Финалист
2017		2	32	23	9	1	75	28	78	Жеңімпаз

Еурокубоктар

Маусым	Жарыс	Раунд	Клуб	Үйде	Сыртта	Жалпы
2002/03	УЕФА Кубогы	Бастапқы	Црвена Звезда (Сербия)	0:2	0:3	0:5
2005/06	Чемпиондар Лигасы	I КР	Артмедиа (Словакия)	2:0	1:4	3:4
2006/07	УЕФА кубогы	I КР	Фехервар (Мажарстан)	2:1	0:1	2:2
2014/15	Еуропа Лигасы	I КР	Кукеси (Албания)	1:0	0:0	1:0
2014/15	Еуропа Лигасы	II КР	Эсбьерг (Дания)	1:1	0:1	1:2
2015/16	Еуропа Лигасы	I КР	Црвена Звезда (Сербия)	2:1	2:0	4:1
		II КР	Алашкерт (Армения)	3:0	1:2	4:2
		III КР	Абердин (Шотландия)	2:1	1:1	3:2
		Плей-офф	Бордо (Франция)	2:1	0:1	2:2
2016/17	Еуропа Лигасы	I КР	Теута (Албания)	5:0	1:0	6:0
2016/17	Еуропа Лигасы	II КР	Маккаби Тель-Авив (Израиль)	1:1	1:2	2:3
2017/18	Еуропа Лигасы	I КР	Атлантас (Литва)	6:0	2:1	8:1
2017/18	Еуропа Лигасы	II КР	Скендербеу (Албания)	1:1	0:2	1:3
2018/19	Еуропа Лигасы	I КР	Энгордань (Андорра)	7:1	3:0	10:1
		II КР	АЗ Алкмаар (Нидерланд)	2:0	1:2	3:2
		III КР	Сигма (Чехия)	1:2	0:2	1:4
2019/20	Еуропа Лигасы	I КР	Широки Бриег (Босния)	2:1	2:1	4:2
2019/20	Еуропа Лигасы	II КР	Хапоэль Беэр-Шева (Израиль)	1:1	0:2	1:3
2020/21	Еуропа Лигасы	І КР	Ноа (Армения)	4:1		4:1
2020/21	Еуропа Лигасы	ІI КР	Маккаби Хайфа (Израиль)		1:2	1:2
2021/22	Чемпиондар Лигасы	І КР	Маккаби Хайфа (Израиль)	1:1	2:0	3:1
	Чемпиондар Лигасы	ІI КР	Црвена Звезда (Израиль)	2:1	0:5	2:6
	Еуропа Лигасы	ІII КР	Алашкерт (Армения)	0:0	2:3	2:3
	УЕФА Конференция Лигасы	Плей-офф	Фола (Люксембург)	3–1	4–1	7–2
		H группасы	Базель (Швейцария)	2–3	2–4	4 орын
			Қарабақ (Әзербайжан)	1–2	1–2
			Омония (Кипр)	0–0	0–0
2022–23	УЕФА Конференция Лигасы	ІI КР	Кишварда (Мажарстан)	0–1	0–1	0−2

УЕФА коэффиценті

Бұл тақырып туралы егжей-тегжейлерін көбірек UEFA coefficient бетінен қараңыз.

Қайраттың УЕФА клубтары арасындағы рейтингі:

Rank	Team	Points
187	Lech Poznań	6.000
188	FK Budućnost Podgorica	6.000
189	Қайрат	6.000
190	NK Osijek	6.000
191	FK Kukësi	6.000

2021 Шілде айының жағдайы бойынша .^[4]

Клуб сапында ең көп матч өткізгендер

2021 Шілде айының жағдайы бойынша.

№	Ойыншы	Барлығы	ЧК	ЧСР	ПСР	КК	КСР	КФФСР	СКК	КОКА	ЛЕУЕФА
1	Вахид Масудов	373	50	181	94	6	25	16	0	1	0
2	Леонид Остроушко	361	0	200	143	0	18	0	0	0	0
3	Фанас Салимов	329	0	161	134	0	17	17	0	0	0
4	Сеильда Байшаков	328	0	225	71	0	32	0	0	0	0
5	Владимир Никитенко	321	0	256	40	0	23	2	0	0	0
6	Сергей Квочкин	307	0	232	60	0	15	0	0	0	0
6	Анатолий Федотов	307	0	221	71	0	15	0	0	0	0
8	Евстафий Пехлеваниди	303	0	226	47	0	21	9	0	0	0
9	Станислав Каминский	297	0	242	42	0	13	0	0	0	0
10	Куралбек Ордабаев	285	0	185	69	0	31	0	0	0	0
Қазіргі футболшылардан
	Бауыржан Исламхан	196	146	0	0	23	0	0	4	0	23
	Ғафұржан Сүйімбаев	157	126	0	0	11	0	0	2	0	18

Клуб тарихындағы үздік сұрмергендер

	Аты-жөні	Ойнаған жылдары	Чемпионат	Кубок	Суперкубок	Еурокубок	Жалпы
1	Евстафий Пехлеваниди	1980–89	94	11	–	–	105
2	Жерар Гоу	2014–2017	80	8	–	11	99
3	Әлібек Бөлешев	2000–06, 2007–08	77	12	–	1	90
4	Сергей Квочкин	1960–69	75	6	–	–	81
4	Анатолий Ионкин	1972–78	64	4	–	–	68
6	Сергей Волгин	1980–85, 1986–89, 1992	42	20	–	–	62
7	Леонид Остроушко	1954–57, 1959–67	56	2	–	–	58
8	Бауыржан Исламхан	2014–2020	43	8	–	6	57
9	Сергей Струкашов	1977–84	52	5	–	–	57
10	Сергей Климов	1978–80, 1986, 1989–92, 1996–2000	28	27	–	–	55

Басшылық, бапкерлер және ойыншылар құрамы

Басшылық

2024 жыл, қыркүйек

Қызметі	Есімі
Бақылау кеңесінің төрағасы	Қайрат Боранбаев
Бас Директор	Асқар Асилбекович Есімов
Спорттық Директор	Константин Александрович Лежнев
Атқарушы Директор	Талғат Такиев
Техникалық Директор	Евгений Андреевич Красиков
Академия Директоры	Волфганг Гейгер
Команда капитаны	Данил Устименко

Бапкерлік құрам

Қызметі	Есімі
Бас бапкер	Рафаэль Уразбахтин
Бас бапкер көмекшісі	Сергей Куцов
Бас бапкер көмекшісі	Максим Зуев
Қақпашылар бапкері	Илья Юров
Физикалық дайындық бапкері	Артем Савельев
Видео-аналитик	Эльшад Хинизов
Тренер аналитик	Талғат Канышев
Физиотерапевт	Фелипе Мейра
Дәрігер	Дастан Тұралиев
Массажист	Александр Шапкин

Негізгі Құрам

№	Позициясы	Аты	Туған жылы
1	Қақпашы	Данил Вячеславович Устименко	2000
27	Қақпашы	Темірлан Анарбекұлы Анарбеков	2003
30	Қақпашы	Вадим Андреевич Ульянов	2001
2	Қорғаушы	Егор Алексеевич Ткаченко	2003
3	Қорғаушы	Маки Баньяк	1995
4	Қорғаушы	Дамир Қайратұлы Қасаболат	2002
5	Қорғаушы	Виктор Владимирович Васин	1988
6	Қорғаушы	Сергей Валерьевич Кейлер	1994
13	Қорғаушы	Лев Олегович Кургин	20023
15	Қорғаушы	Офри Арад	1998
24	Қорғаушы	Александр Сергеевич Мрынский	2004
25	Қорғаушы	Александр Сергеевич Широбоков	2003
8	Жар. қорғаушы	Антон Романович Крачковский	2002
16	Жар. қорғаушы	Мирас Көбеев	2004
19	Жар. қорғаушы	Ғалымжан Рахымжанұлы Кенжебек	2003
20	Жар. қорғаушы	Дмитрий Сергеевич Сергеев	2000
21	Жар. қорғаушы	Арсен Мукашбекович Буранчиев	2001
22	Жар. қорғаушы	Еркебұлан Қайратұлы Сейдахмет	2000
23	Жар. қорғаушы	Андрей Евгеньевич Ульшин	2000
26	Жар. қорғаушы	Әділет Нұркенұлы Садыбеков	2002
10	Шабуылшы	Артур Гаврилович Шушеначев	1998
11	Шабуылшы	Жоао Пауло	1998
17	Шабуылшы	Байжан Еркебұланұлы Мәделхан	1998
18	Шабуылшы	Вячеслав Сергеевич Швырёв	2001