Қазақстан — Украина футбол матчы (2004)
| Қазақстан - Украина | |||||||
 | |||||||
| Турнир | |||||||
|---|---|---|---|---|---|---|---|
| |||||||
| Дата |
8 қыркүйек 2004 жыл | ||||||
| Стадион | |||||||
| Көрермендер |
23000 | ||||||
| Ауа райы |
Жаңбыр | ||||||
Қазақстан — Украина футбол матчы (2004) — 2006 жылғы әлем біріншілігінің іріктеу турниріндегі матч. Қазақстан құрамасының УЕФА туы астындағы тұңғыш ресми матчы. 2004 жылы 8 қыркүйекте Алматыда өтті. Сондай-ақ, бұл кездесу Қазақстан құрамасы шалдыққан "қыркүйек синдромының" бастауы іспеттес болды.
Матчқа дейін[өңдеу | қайнарын өңдеу]
Қазақстан футбол құрамасы 2002 жылы АФК-дан УЕФА-ға өтті. Ол кезде ЕУРО-2004 турнирінің жеребесі тартылып қойғандықтан, Қазақстан ол турнирдің іріктеуінен сырт қалды да, 2004 жылдың күзіне дейін тек жолдастық кездесулер өткізіп жүрді. 2006 жылғы әлем чемпионатының іріктеуінде екінші топқа түсіп, Украина, Дания, Түркия, Албания, Грекия, Грузия құрамаларына қарсылас атанды.
Украина құрамасы Алматыдағы ойынға өздерінің жетекші футболшысы — Андрей Шевченкосыз келді. Аздаған жарақаты бар Шевченко Алматыдағы ойынға қатыса алмайтын болды.
4 қыркүйек күнгі бірінші турда Украина сырт алаңда Даниямен 1:1 есебімен тең түсті. Ал Қазақстан ол күнгі турға қатыспады да, бұл циклдегі тұңғыш кездесуін осылайша Украинамен өткізді.
Матчтан алдын Алматыда азырақ жаңбыр сіркіреп өтті. Кеңес дәуірінде көп жылдар бойы "Жаңбыр жауса "Қайрат" ұтады" деп ырымдап келген қазақ жанкүйерлері табиғаттың бұл құбылысын жақсылыққа балаған еді.
Матч[өңдеу | қайнарын өңдеу]
Шолу[өңдеу | қайнарын өңдеу]
Матчты қазақстандықтар белсенді бастады, екінші минутта-ақ екі рет бұрыштан доп берді. Бірақ екеуі де сәтсіз аяқталды.
Көп ұзамай тәжірибелі қонақтар территориялық басымдыққа ие болды да, 15-минутта есеп ашты. Олег Гусев алаңның ортасынан қазақстандықтардың айып алаңына дейін барды да, Алексей Беликке пас берді. Үш қорғаушының ортасында қалған Белик сасқан жоқ, тұрған орнынан кері айналды да, қорғаушыларды қапы қалдырып, келесі сәтте қақпаға жерлете бағыттады. Новиков допқа тосқауыл бола алмады — 0:1.
Бұдан соң да украиндықтар басымдығынан айрылмады. Бірақ келесі допты қазақстандықтар соқты: 35-минутта жасаған жылдам шабуылда Мұрат Тілешев оң қапталға жақын жердегі Руслан Балтиевке асырды. Руслан допты тоқтатпай баспен ұрып, айып алаңына еніп бара жатқан Карповичке берді. Карпович жақын бұрыштың тоғыздығын дәл көздеді. Осылайша Қазақстан құрамасының УЕФА туы астындағы ресми голы өз жанкүйерлерінің көз алдында соғылды.
Екінші таймда да қонақтар басымдығынан танған жоқ. Қазақтар да өткір қарсы шабуылдарымен қонақтардың қорғанысын бірнеше рет жарып өтті. 65-минутта Максим Низовцевтің сол қапталдан берген добы Балтиевке өте ыңғайлы келді, Балтиевке ешкім кедергі жасаған жоқ, бірақ соққысы сәл ғана биік кетті.
Ойын соңына қарай екі құрама ойыншылары да шаршай бастады. Тең аяқталуға сәл қалған сәтте украиндықтар қақпаға 20 қадам қашықтықтан айып добын соқты. Соққы тірі тосқауылға тиіп кері серпілді. Кері серпілген допты Руслан Ротань тоқтатпай тепті — 1:2.
Детальдар[өңдеу | қайнарын өңдеу]
| 8 қыркүйек, 2004 жыл |
|
Орталық стадион (Алматы), Алматы Көрермендер саны: 23 000 Төреші:  Педру Проэнса |
||||||
|
| ||||||||||||||||||||||||||||||
.png){kind=small}
.png){kind=small}
|
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Матчтан соң[өңдеу | қайнарын өңдеу]
Ойын соңындағы баспасөз көнференциясында Украина құрамасының бас бапкері Олег Блохин "бізге бұл жеңіс орасан еңбекпен келді. Сіздер аутсайдер емессіздер, тек соңына дейін күресу керек" деген пікір білдірді.
Бұл іріктеу циклы Украина құрамасы үшін сәтті аяқталып, өз тарихында тұңғыш рет әлем чемпионатының финалдық турниріне жолдама алды. Ал Қазақстан құрамасы үшін бұл ең сәтсіз іріктеу турнирі болды, құрама ешқандай турнирде бұлай нашар ойнаған емес, 12 кездесуде не-бары бір ғана ұпай жинай алды.
Қыркүйек синдромы[өңдеу | қайнарын өңдеу]
Арада тура бір жыл өткен соң Қазақстан құрамасы осы іріктеу циклында Грекия құрамасын қабылдап, 53-минутта Нұрбол Жұмасқалиевтің соққысынан соң есеп ашты. 78-минутта қонақтар сапынан Стелиос Яннакопулос есепті теңестірді. 86-минутта Карпович алаңнан қуылды да, қалған минуттарды Қазақстан қорғаныста өткізді. Онысы пайда бермеді, 90+3 минутта Никос Либеропулостың голы гректерге жеңіс әперді.
Бұдан соң да қыркүйек айларында Қазақстан құрамасы бірнеше кездесуде соңғы минуттарда ұпайдан айрылып жатты.
- 2010 жыл. 7 қыркүйек. ЕУРО-2012 іріктеуі. Зальцбург қаласында Қазақстан құрамасы Аустриямен ойнады. 90-минутта есеп 0:0 боп тұрған-ды. Бірақ төреші қосқан уақытта Аустрия екі гол соғып кетті.
- 2011 жыл. 3 қыркүйек. ЕУРО-2012 іріктеуі. Қазақстан құрамасы сырт алаңда Түркиямен кездесіп, 90-минутта есеп 1:1 боп тұрған-ды. Бірақ төреші қосқан жетінші (!) минутта Арда Тұран гол соғып кетті, 1:2.
- 2012 жыл. 7 қыркүйек. ӘЧ-2014 іріктеуі. Қазақстан құрамасы "Астана Аренада" Ирландияны қабылдап, 90-минутта 1:0 есебімен алда тұрды. Бірақ төрешінің соңғы ысқырығына дейін екі гол жіберіп алды.
- 2015 жыл. 3 қыркүйек. ЕУРО-2016 іріктеуі. Қазақстан футболшылары сырт алаңда Чехиямен ойнады. Ойыннан 87-минутында есеп 1:1 боп тұрған-ды. Осы минутта чехиялық Дочкал біздің қақпаны дәл көздеп, Қазақстан маңызды бір ұпайдан айрылды.
- 2018 жылы 10 қыркүйекте сырт алаңда Андоррамен ойнап, 86-минутта гол жіберіп алды (1:1).
- 2019 жыл. 9 қыркүйек. ЕУРО-2020 іріктеуі. Сырт алаңда Ресеймен кездесіп, 90-минутта есеп 0:0 боп тұрды. Бірақ ресейліктердің бразилиялық легионері Марио Фернандес гол соғып кетті.
- 2020 жыл, 7 қыркүйек. Қазақстан - Беларусь. Ғафуржан Сүйімбаев 87-минутта қақпашыға доп лақтырды, бірақ қақпашыға жетпей Лисакович іліп әкетіп, гол соқты. Қазақстан ұтылып қалды — 1:2
Тағы қараңыз[өңдеу | қайнарын өңдеу]
Сілтемелер[өңдеу | қайнарын өңдеу]
| ||||||||||||||||||||||||||
