Фарер аралдары

Тәуелді аймақ
Фарер аралдары
Føroyar Færøerne
Ту Елтаңбасы
Tú alfagra land mítt
Әкімшілігі
Әкімшілік орталығы	Торсхавн (Tórshavn) (19.282)
Королева Маргрете II Дан Кнудсен Кай Лео Йоханнесен
Тарихы мен географиясы
Координаттары	61°53′43″ с. е. 6°54′16″ б. б.61.89528° с. е. 6.90444° б. б. / 61.89528; -6.90444
Құрылған уақыты	1 сәуір 1948
Жер аумағы	1395,74 км²
Уақыт белдеуі	0
Экономикасы
ЖІӨ	2,2 млрд. (2006) (45250 орын)
Тұрғындары
Тұрғыны	48400 адам (2008)(205 орын)
Тығыздығы	34,8 адам/км²
Ресми тілі	Фарер тілі, Дат тілі
Телефон коды	298

Фарер аралдары — Еуропада орналасқан аралды ел. Исландияның шығысында, Норвегияның батысында жайғасқан. Данияға бағынатын автономия. Фарер аралдары — Атлант мұхитының солтүстік-шығыс бөлігінде, Норвег теңізінде орналасқан аралдар тобы. Жалпы ауд. 1,4 мың км² болатын 34 аралдан тұрады, оның 18-іне адамдар қоныстанған. Аралдар жанартаулар әрекеттерінен пайда болып, туф және базальт тау жыныстарынан түзілген. Жер бедері мұздықтардың әсерінен қалыптасқан. Ең биік жері 882 м (Слаттаратиндур тауы). Фарер аралдары өзара терең әрі тар бұғаздар мен фьордтар арқылы бөлінген. Фарер аралдарының теңіздік субарктикалық ылғалды климатына жылы Солтүстік Атлант ағысының әсері зор. Суы балыққа бай. Теңіз құстарының түрі көп, жағалауларында құс базары ұшырасады. Жерінде қалың шалғынды, шымтезекті батпақтар кең таралған. Фарер аралдары 1380 жылдан Дания корольдығының құрамында, ал 1948 жылдан Данияның автоном. облысын құрайды, әкімшілік жағынан 8 ауданға бөлінген. Халқы 46 мың адам. Әкімшілік орталық — Торсхавн (Стреймой аралында). Экономикасының басты салалары — балық және қой ш. жатады. Жағалауында мұнай өндіріледі. Фарер аралдарында викингтер дәуірінен қалған ескерткіштер сақталған.

Сыртқы сілтемелер

• Official site
• Official tourist site
• Flick photo set

Ортаққорда бұған қатысты медиа файлдар бар: Føroyar