Қанат Әуесбайұлы Әуесбай

Уикипедия — ашық энциклопедиясынан алынған мәлімет
Jump to navigation Jump to search
Қанат Әуесбай
Қанат Әуесбайұлы Әуесбай
Kanat Awesbay.jpg
Қызметі

тележүргізуші, филология ғылымдарының кандидаты, доцент, халықаралық журналист, музыкант

Азаматтығы

ҚазақстанҚазақстан Қазақстан

Ұлты

қазақ

Әкесі

Әуесбай Бақбергенұлы Тоқпанбет[1]

Анасы

Рабиға Сақыпкерейқызы Қайрошева

Жұбайы

Баян Жалғасбекқызы Тұрсынбаева

Балалары

Ералы Қанатұлы Әуесбай

Марапаттары

Қазақстан журналистер одағы сыйлығының лауреаты, «Мемлекеттік тіл және БАҚ» байқауының «Үздік тележурналист» аталымының жеңімпазы (2012 ж.)

Блогы

kaztrk.kz
baq.kz

Қанат Әуесбайұлы Әуесбай (ағылш. Kanat Auyesbay, журналистикадағы имидждiк есiмi Әуесбайдың Қанаты[1][2]; 14 қаңтар 1982 жылы, Тараз қаласы, Жамбыл облысы) — халықаралық журналист, тележүргізушісі[1], филология ғылымдарының кандидаты, Л.Гумилев атындағы Еуразия Ұлттық университетінің журналистика және саясаттану факультеті, телерадиожурналистика және бұқарамен байланыс кафедрасының доценті[3], Еуразия телевизия және радио Академиясының мүшесі (Мәскеу қаласы)[3], Қазақстан журналистер одағының мүшесі, Қазақстан журналистер Одағы сыйлығының лауреаты, "Болашақ" халықаралық стипендиясының иегері, Қазақстан жастар Одағы «Серпер» сыйлығының лауреаты. Қазақ, орыс, ағылшын тiлдерiн еркін бiледi.

Өмірбаяны[өңдеу]

1982 жылы 14 қаңтарда Жамбыл облысы, Тараз қаласында ұстаздар отбасында дүниеге келді. 1988 жылы Тараз қаласындағы №46 орта мектепке бірінші сыныпқа барды, онда 1991 жылға дейін оқыды. 1991-1997 жылдары Ыбырай Алтынсарин атындағы №49 орта мектебі және 1992-1997 жылдар аралығында Дина Нұрпейісова атындағы балалар саз мектебінде баян сыныбы бойынша білім алды. 1997-1998 жылдары Абай атындағы гуманитарлық колледжінің халық аспаптары бөліміндегі баян сыныбында оқыды. 1998-1999 жылдары Бауыржан Момышұлы атындағы №45 мектеп-гимназиясын бітірді[4].

Журналист болуына өзінің айтуы бойынша 3 адам, 1 газет ықпал еткен. Алғашқы болып атасы Сақыпкерей болған. Атасының көз жанары көруден қалған. Өз ауылына келген сайын газеттер оқыттырып, хат жаздырған. Атасының көңілін аулау үшін басылымдарда жарық көрген әңгімелерді, тартымды мақалалардың қызықты жерлерін оқып беретін. Сөйтіп атасының газеттерінің арқасында қолына қалам алған. 1996 жылы республикалық «Ұлан» балалар газетінде Жамбылдың 150 жылдығына орай мектебінде өткен кеш туралы «Ғасырдың қарт бұлбұлы» атты тұңғыш мақаласы басылды. "Ұлан" балалар газетінің тұрақты авторы болып, кейінірек "жас тілшісі" атанды[1].

Қанат кәсіби музыкант, баянда ойнайды, домбыра шертеді, пианинода ойнау өнері бар. 9 сыныптан кейін Тараздағы гуманитарлық колледждің халық аспаптары бөліміне "баян" сыныбында бір жыл оқыған. Колледжде жүргенде құрамында баян мен екі домбырасы бар "Серілер" триосын құрған. Университетте "Бейбарыс" тобы құрамында ән айтқан. Әндері бір CD-табаққа енді. Университет қабырғасында "Жігіт сұлтаны" байқауының 1-орын иегері атанды.[1]

Білімі[өңдеу]

1999 жылы Әл-Фараби атындағы Қазақ ұлттық университетінің журналистика факультетіне қабылданды[5]. 2004 жылы оқу орнын үздік дипломмен бітіріп, 2004-2008 жылдары білімін осы университетте аспирантурада (күндізгі бөлім) жалғастырды.

2004 жылы Алматы қаласында өткен «Телерепортажға жаңаша көзқарас» семинарына қатысып «Internews network» халықаралық ұйымының сертификатын алды.

2007 жылы Иран Ислам Республикасында өткен «Телевизиялық бағдарламаларды жасаудағы заманауи технологиялар» семинарында «ISESCO» халықаралық ұйымының сертификатын иеленді.

2008 жылы Алматы қаласында өткен «Internews network» халықаралық ұйымының «Жаңалықтар қызметінің жұмысын ұйымдастыру» атты дистанционды семинарына қатысты.

2010 жылы «Қазақ телеарналарындағы қазіргі ақпараттық бағдарламалар табиғаты» тақырыбында диссертация қорғады.

2012 жылы 28-31 мамыр аралығындағы Беларусь мемлекетінде болған «Болашақ үшін серіктестік: жаңа дәуір моделі» (Партнерство во имя будущего: модели новой эпохи) халықаралық медиа-форумның қатысушысы болды.[6]

2012 жылдың 2-3 желтоқсан аралығында Астанада өткен «Ақпараттық тарату және жаңалықтар командасын жасақтау» тренингіне қатысып, «Автограф» продюсерлік орталығының (Екатеринбург, Ресей) сертификатын иеленді.

Қызмет жолы[өңдеу]

Еуразия телевизия және радио Академиясының мүшелік сертификатын Академия президенті Валерий Рузиннің тапсыру сәті[3]
  • 2002-2003 жылдары — «Түркістан» халықаралық газетінің тілшісі;
  • 2003-2009 жылдары — «Еуропа плюс Қазақстан» радиосында сазды жүргізуші;
  • 2003-2004 жылдары — «Информбюро» ақпараттық бағдарламасында тілші, «31-телеарна»[7];
  • 2004-2006 жылдары — Ақпараттық бағдарлама тілшісі, «Қазақстан» телеарнасы;
  • 2006-2009 жылдары — Ақпараттық бағдарлама редактор-сарапшысы, «Қазақстан» телеарнасы;
  • 2009-2010 жылдары — Әл-Фараби атындағы ҚазҰУ журналистика факультеті оқытушысы;
  • 2011 жылдың наурыз-сәуір аралығында Тәуелсіздіктің 20 жылдығына арналған «Қазақстан. Менің елім» бағдарламасының авторы, жүргізушісі, «Қазақстан» телеарнасы;
  • 2010-2011 жылдары — «Апта.kz» ақпараттық-сараптамалық бағдарламасының жүргізушісі, шеф-редакторы, «Қазақстан» телеарнасы;
  • 2011 жылдың 1 қыркүйегінен бастап Л.Гумилев атындағы Еуразия Ұлттық университетінің журналистика және саясаттану факультеті, телерадиожурналистика және бұқарамен байланыс кафедрасының доценті[3];
  • 2011 жылдың желтоқсанынан бастап 2013 жылдың ақпанына дейін — «Өзекжарды» телесұхбатының ауторы әрі жүргізушісі, «Қазақстан» телеарнасы[1].
  • 2012 жылдың 2 қарашадан бастап 2013 жылдың ақпанына дейін — "Қазақстан" Ұлттық арнасындағы қоғамдық-саяси "Алаң" ток-шоуын жүргізді.

Қоғамдық қызметі[өңдеу]

Франция, АҚШ, Швейцария, Грекия, Біріккен Араб Әмірлігі, Сауд Арабиясы, Қытай, Түркия, Марокко, Моңғолия, Ауғанстан, Иран, Пәкістан, Тәжікстан, Қырғызстан, Өзбекстан және Малайзия сияқты елдерге барып, қоғамдық-саяси маңызы бар репортаждар дайындады. 2011 жылы 14 наурыздан бастап, 14 күн бойы Қазақстанның 14 облысының тәуелсіздік тұсындағы жетістіктерін қамтыған "Қазақстан. Менің елім" телекөрсетілімін жүргізді[8]. "Қазақстан" телерадиокорпорациясы төрағасының бірінші орынбасары болған Ляззат Мұратқызының сенім білдіруінің арқасында Астанаға ауысып, "Апта.KZ" бағдарламасын қолға алды. Халықаралық "Диалог-Еуразия" платформасы сынды беделді ұйымның жастар комитетінің мүшесі. Актерлікке талпыныс жасап, бір рет тұңғыш қазақстандық "SitCom" форматындағы "Айналайын" сериалына тележурналисттің рөлін ойнаған. Л. Гумилев атындағы Еуразия ұлттық университетінің журналистика және саясаттану факультетінің доценті. 2012 жыл қорытындысы бойынша "Айқын" газетінің ұйғарымымен "үздік тележүргізуші" атанды. 2011 жылдың желтоқсанында Сүлеймен Демирель университетінің Алматы қаласы жоғарғы оқу орнының студенттері арасында өткізген "тәуелсздік ұрпағы - тәуелсіздік көзімен" шығармашылық байқауында үздік шыққан білімгер Гүлбақыт Асылбек "Қанат Әуесбай" атындағы Дипломмен марапатталды.[7] 2013-2014 жылдар аралығында Ұлыбританиядағы Норвич қаласында Шығыс Англия университетiнің қазақстандық студенттер қауымдастығының вице-президентi болды.

Белгілі тележурналист, қоғам қайраткері Нұртілеу Иманғалиұлының телевизиядағы 40 жылға жуық шығармашылық қызметіне арналған «Бай-қуатты болайық!» бенефисінің жүргізушісі Әуесбайдың Қанаты мен әнші, актриса Айгүл Иманбаева болды. Мұндай бенефис-кеш қазақ телевизиясы тарихында тұңғыш рет өтті.[9]

Арнайы репортаждары[өңдеу]

Қанат Әуесбайдың «Апта.KZ» бағдарламасын жүргізген кезі
  • 2005 жылдың қазанның 8-де болған Пәкістандағы жойқын зілзала туралы репортаждар;
  • 2005 жылғы Қырғызстандағы «Қызғалдақ» төңкерісі туралы репортаж;
  • 2007 жылы қазанның 16-20 аралығында Ауғанстанның мәдени орталығы - Герат қаласында өткен экономикалық ынтымақтастық Ұйымының сыртқы істер министрлері Кеңесінің 17-ші отырысынан репортаж;
  • 2008 жылдың наурызында Франция астанасы Парижде өткен «Қазақстан» телеарнасының 50 жылдық мерейтойына орай ұйымдастырылған тұңғыш ақындар айтысы туралы «Эйфель» мұнарасы жанынан репортаж;
  • 2009 жылы, маусымның 27-і күні Моңғолия астанасы Ұлан-Батыр қаласында өткен Моңғолия қазақтарының I құрылтайы қарсаңындағы Моңғолиядағы түркі тарихы мен Моңғолия қазақтарының тыныс-тіршілігі жайындағы репортаждар;
  • 2005 жылғы Қырғызстандағы «Қызғалдақ» төңкерісі туралы репортаж, 2010 жылғы Қырғызстанның Ош қаласындағы текетірестен кейін Қазақстан үкіметінің Қырғыз Республикасына көмегі туралы репортаждар[10];
  • 2010 жылдың маусымның 27-де өткен Қырғыз Республикасындағы Жалпыхалықтық референдум туралы репортаждар[11][12];
  • 2010 жылғы Қырғызстанның Ош қаласындағы текетірестен кейін Қазақстан үкіметінің Қырғыз Республикасына көмегі туралы репортаждар[13];
  • 2010 жылдың сәуірінде болған АҚШ астанасы Уашингтонда өткен ядролық қауіпсіздік саммиті қарсаңындағы Лас-Вегас пен Вашингтон қалаларынан репортаждар[14];
  • 2010 жылы сәуірінде Біріккен Араб Әмірлігі және Мароккода қолдан өсірілетін дуадақ шаруашылығы туралы репортаж[15];
  • Тәжікстан астанасы Душанбеде тәжік-ауған шегарасында қаза болған Қазақстан жауынгерлеріне ашылған ескерткіш туралы репортаж;
  • 2012 жылы ақпанның 28-де Швейцарияның Женева қаласынан Қазақстанның БҰҰ-на мүше болғанына 20 жыл толуына орай Қазақстанның БҰҰ-дағы орны туралы репортаж[16];
  • 2012 жылы сәуірдің 16-інде Елбасының Малайзияға мемлекеттік сапары қарсаңындағы Малайзияның әлеуметтік-экономикалық ахуалы туралы репортаждар[17];
  • 2012 жылы сәуірдің 17-де «Азия ғажайыбының» авторы, Малайзияның төртінші Премьер-министрі Махатхир Мохамадпен сұхбат[18];
  • 2012 жылдың наурызда Грекиядағы дағдарыс туралы Афиныдан репортаждар сериясы[19][20][21][22][23][24][25];
  • Ислам Ынтымақтастығы Ұйымына мүше елдердің отырысы өтті[26];
  • Ағайындылар[27];
  • Шерхан Мұртаза 80 жаста[28];
  • Қасірет қаруының залалы[29];
  • Елбасы Олимпиада жеңімпаздарын марапаттады[30];
  • Қазақ жұрты мемлекет қайраткері С.Қалмырзаевпен қоштасты[31];

Лақап аты[өңдеу]

Қанат Әуесбай өз лақап аты ретінде «Әуесбайдың Қанаты» дегенді қолданады, бұл туралы республикалық қоғамдық-саяси «Айқын» газетіне сұхбатында айтады:

— Бұл көп журналистің ара­сынан әдейі ерекшеленіп, әлдебір атақ шығару үшін ойлап табылған амал емес. Халқымыз жетпіс жыл бойы - «ов», - «ев», - «вич» сияқты орыс тіліндегі «кімнің»? деген сұраққа жауап беретін ілік септігінің жалғауын өз тегіне «жегіп» келді. Оның заманы өтіп, тәуелсіз елдің тек атауын қалып­тастыру үрдісі басталды. Бірақ ол үрдіс өкінішке қарай, әлі бірізді­ленген жоқ. Ұлтымызға қазақты­ғымызды фамилиясының жал­ғауы­нан-ақ білдіріп тұратын жал­ғау керектігі көптен бері айтылып жүр. Мәселен, - «дзэ» десең адам­ның грузин екендігі, «ян» деп аяқ­талса армян екені, «оғлы» десе әзірбайжан немесе түрік екені бірден аңғарылады. Біздің халықта әзірге тек атауларының ел арасына сіңісе қоймаған нұсқалары ғана бар. Менің «Әуесбайдың Қанаты» болуым сол көп нұсқаның бірі ғана. Бұдан бөлек, бізде «Қанат Әуесбай» деп еш жалғаусыз айта салатын нұсқа бар. Жалғауының жоқтығынан, бұл нұсқада аты қай­сы, тегі қайсы екенін шатастырып алып жатамыз. Сондықтан өз ба­сым жалғаумен айтқанды құп көр­дім. - «Дың» нұсқасын өзім ойлап таптым деуден аулақпын. Менен бұрын бұл жалғауды алаш­тың зиялылары қолданған. Мә­селен, қазақтың айтөбел ақыны Қасым Аманжол «Өзім туралы» атты өлеңінде: «Аманжол Ра­қым­жанның Қасымымын, Мен қалған бір атаның ғасырымын» деп тебі­ренеді. Кейінгілерден Әбдіраштың Жарасқаны да аты-жөнін атаудың осы формасын қо­­лай көрген. Ен­деше мен сол дайын нұсқаны пай­даланушы ға­на­мын. Алғашында «Әуесбай­дан Қанат» деп айтып көрсем деп ой­лағанмын. Бірақ «Әуесбайдың Қанаты» болу мағы­насы жағы­нан әдемі үйлесім тап­қасын осы нұсқаға тоқтадым. Те­ле­журналистің қаруы эфир ғой. Ендеше, бұқаралық ақпарат құ­ралдарында бұл нұсқалар неғұрлым көп айтылған сайын, ерте ме, кеш пе, оның біреуі болмаса, біреуі ха­лық құлағына сіңісуі тиіс деген ойға келдім. Өз басым халқы­мыз­дың өз тегін қалауына қарай айта да, жаза да алуын да тәуелсіздіктің тағы бір тарту-таралғысындай көремін.

— Қанат Әуесбайдың республикалық қоғамдық-саяси «Айқын» газетіне берген сұхбатында[8]

Отбасы[өңдеу]

  • Әкесі — Әуесбай Бақбергенұлы Тоқпанбет, Абай атындағы Жамбыл гуманитарлық колледжінің (бұрынғы педагогикалық училище) оқытушысы, кафедра меңгерушісі, Красногор (қазіргі Қордай) аудандық мәдениет бөлімінің бастығы, білім саласындағы Ыбырай Алтынсарин атындағы медаль иегері;
  • Анасы — Рабиға Сақыпкерейқызы Қайрошева, "ҚР Білім беру ісінің құрметті қызметкері" төсбелгісімен марапатталған;
  • Жұбайы — Баян Жалғасбекқызы Тұрсынбаева;
  • Балалары — Ералы Қанатұлы Әуесбай[1]

Марапаттары[өңдеу]

  • 2008 жылы — ҚР байланыс және ақпарат министрлігінің марапаты;
  • 2009 жылы — «Нұр Отан» ХДП «Жас Отан» жастар қанатының марапаты;
  • 2010 жылы — Алматы облысы әкімінің алғыс хаты;
  • 2010 жылы — «Қазақстан РТРК» АҚ алғысы;.
  • 2011 жылы 1 желтоқсан — ҚР байланыс және ақпарат министрлігінің дипломы, «Тәуелсіз Қазақстанның гүлденуіне арналған ең үздік тележоба» аталымының жеңімпазы;
  • 2011 жылы — «Айқын» газетінің ұйғарымы бойынша «Үздік тележүргізуші»;
  • 2012 жылы — Парламент және мәслихат депутаттарын сайлау кезіндегі белсенді қызметі үшін «Нұр Отан» ХДП төрағасы Н.Назарбаевтың алғыс хаты;
  • 2012 жылы — Алматы қалалық тіл, мұрағат және құжаттама басқармасы ұйымдастырған «Мемлекеттік тіл және БАҚ» байқауының «Үздік тележурналист» аталымының жеңімпазы;
  • 2012 жылы — Қазақстан журналистер одағы сыйлығының лауреаты;[6]
  • 13 желтоқсан 2012 жылы — Оңтүстік Қазақстан облысының 80 жылдығына орай ұйымдастырылған республикалық шығармашылық байқауда электрондық БАҚ бойынша бас жүлде;
  • 4 қаңтар 2013 жыл — Бас редакторлар клубы ұйымдастырған "Асыл сөз құдыреті" республикалық журналистер байқауының "экономика мәселесі бойынша үздік материал" номинациясының жеңімпазы[32]
  • 2013 жыл — Қазақстан жастар Одағы «Серпер» сыйлығының лауреаты.

Мақалалары[өңдеу]

  • Медиа-орталыққа мағыналы атау керек; (9 қараша 2011)[33]
  • Ұлттық арнаның тартулары; (1 қыркүйек 2011)[34]
  • Ұлттық арнада - «Сыр-Сұхбат»; (26 мамыр 2011)[35]
  • Ұлттық арнада «Пай-пай шоу»; (4 қараша 2010)[36]
  • Ұлттық арнада «Балапан» қанат қақты; (30 қыркүйек 2010)[37]
  • «Қазақстан» телеарнасы қырық екі сериялы туынды түсіріп жатыр; (12 тамыз 2010)[38]
  • Ақылы қызметке аң-таңмын... (10 ақпан 2010)[39]
  • Бес бақыт; (5 мамыр 2012)[40]
  • Елордада «Ұлттық арна» көшесі ашылса; ("Халық сөзі" газеті)[41]
  • Бауыржан Байбек: Билік басына рухани бай адам келуі керек;[42]
  • Сүлейман Демирель, Түркия Республикасының экс-президенті: Түркі дүниесінде ешкім ешкімнен де жоғары емес, ешкім ешкімнің ағасы да емес[43]
  • Қазақ қаржыгерінің формуласы әке-көке, руластық емес, жан-жақты білім болуы керек[44]

Дереккөздер[өңдеу]

  1. a b c d e f g Әуесбайдың Қанаты Жамбыл облыстық "Ақжол" газетіне сұхбатым. BAQ.kz (10 тамыз 2011). Тексерілді, 19 шілде 2012.
  2. Қанат Әуесбайұлы Әуесбай Мен неге Әуесбайдың Қанатымын ???. «Қазақстан» РТРК АҚ (23 сәуір 2012). Тексерілді, 19 шілде 2012.
  3. a b c d Л. Н. Гумилев атындағы Еуразия ұлттық университеті ЕҰУ доценті Қанат Әуесбай Қазақстан журналистері Одағы сыйлығының лауреаты және Мәскеудегі Еуразия телевизия және радио Академиясының толық мүшесі атанды. Л. Н. Гумилев атындағы Еуразия ұлттық университеті (11 шілде 2012). Тексерілді, 19 шілде 2012.
  4. "Әділет" газеті - «ӨМІР БАҚИ ТЕК АСТАНАЛАРДА ӨМІР СҮРІП КЕЛЕМ...»
  5. Айдана Қуанышева Қанат Әуесбай, журналист: Әніммен қызды құлаттым. "Нұр Астана" республикалық жастар апталығы (5 шілде 2012). Тексерілді, 19 шілде 2012.
  6. a b docs.google.com - Қанат Әуесбайдың түйіндемесі
  7. a b Әуесбайдың Қанаты Әуесбайдың Қанаты - Өмірбаян. BAQ.kz (11 маусым 2008). Тексерілді, 20 шілде 2012.
  8. a b Берік БЕЙСЕНҰЛЫ Әуесбайдың Қанаты, «Қазақстан. Менің елім» бағдарламасының жүргізушісі: Біреуге үйрету үшін ең алдымен өзің білуің керек  (қаз.) (31 наурыз 2011). Тексерілді, 19 шілде 2012.
  9. ӘУЕСБАЙДЫҢ Қанаты, «Қазақстан» Ұлттық арнасындағы «Өзекжарды» бағдарламасының жүргізушісі: Телеөнерде жаңадан бір нәрсе ойлап табу қиын
  10. Әуесбайдың Қанаты Әуесбайдың Қанаты - Қырғыз халқына көмек. KazTRK.kz (30 шілде 2010). Тексерілді, 20 шілде 2012.
  11. Әуесбайдың Қанаты Әуесбайдың Қанаты - Қырғыз елінің референдумға дайындығы. KazTRK.kz (15 маусым 2010). Тексерілді, 20 шілде 2012.
  12. Әуесбайдың Қанаты Әуесбайдың Қанаты - Қырғыз елінде жалпыхалықтық референдум өтті. KazTRK.kz (27 маусым 2010). Тексерілді, 20 шілде 2012.
  13. Әуесбайдың Қанаты Әуесбайдың Қанаты - Қазақстан үкіметінің Қырғыз Республикасына көмегі. KazTRK.kz (2010). Тексерілді, 20 шілде 2012.
  14. Әуесбайдың Қанаты Әуесбайдың Қанаты - Қазақстанның ядролық қарудан бас тартуы әлем мемлекеттеріне үлгі. KazTRK.kz (12 сәуір 2010). Тексерілді, 20 шілде 2012.
  15. Әуесбайдың Қанаты Әуесбайдың Қанаты - Қазақстанның ядролық қарудан бас тартуы әлем мемлекеттеріне үлгі. KazTRK.kz (12 сәуір 2010). Тексерілді, 20 шілде 2012.
  16. Әуесбайдың Қанаты Әуесбайдың Қанаты - БҰҰ Қазақстанның бастамаларымен санасады. KazTRK.kz (28 ақпан 2012). Тексерілді, 20 шілде 2012.
  17. Әуесбайдың Қанаты Әуесбайдың Қанаты - Ертең Елбасының Малайзияға мемлекеттік сапары басталады. KazTRK.kz (16 сәуір 2012). Тексерілді, 20 шілде 2012.
  18. Әуесбайдың Қанаты Әуесбайдың Қанаты - Махатхир Мохамад Ұлттық арнаға сұхбат берді. KazTRK.kz (17 сәуір 2012). Тексерілді, 20 шілде 2012.
  19. Әуесбайдың Қанаты Әуесбайдың Қанаты - Дағдарған Еуропа. KazTRK.kz (2012). Тексерілді, 20 шілде 2012.
  20. Әуесбайдың Қанаты Әуесбайдың Қанаты - Грек футболшылары туған жерге оралғысы келеді. KazTRK.kz (2012). Тексерілді, 20 шілде 2012.
  21. Әуесбайдың Қанаты Әуесбайдың Қанаты - Үдере көшкен гректер елді сағынады. KazTRK.kz (2012). Тексерілді, 20 шілде 2012.
  22. Әуесбайдың Қанаты Әуесбайдың Қанаты - Грекияға тағы 50 млрд. еуро несие қажет. KazTRK.kz (2012). Тексерілді, 20 шілде 2012.
  23. Әуесбайдың Қанаты Әуесбайдың Қанаты - Дағдарған Грекия. KazTRK.kz (2012). Тексерілді, 20 шілде 2012.
  24. Әуесбайдың Қанаты Әуесбайдың Қанаты - Еуропа өркениетінің талбесігі шайқалды. KazTRK.kz (2012). Тексерілді, 20 шілде 2012.
  25. Әуесбайдың Қанаты Әуесбайдың Қанаты - Грекияға көшсе де Қазақстанды ұмытпапты. KazTRK.kz (2012). Тексерілді, 20 шілде 2012.
  26. http://kaztrk.kz/kaz/politicy/Islam_Intimaktastigi_Ujimina_mushe_elderdin_otirisi_otti.html
  27. http://www.egemen.kz/2012/10/02/347287/
  28. http://www.youtube.com/watch?v=b8YkOr9wRVY
  29. http://www.youtube.com/watch?v=ymS5P8WZ_9A
  30. http://kaztrk.kz/kaz/official/Elbasi_Olimpiada_zhenimpazdarin_marapattadi__toligirak_.html
  31. http://kaztrk.kz/kaz/incidents/Kazak_zhurti_memleket_kajratkeri_S_Kalmirzaevpen_koshtasti.html
  32. http://www.khabar.kz/kaz/world/Asil_soz_kudireti_zhurnalister_bajkauinin_zhenimpazdari_marapattaldi.html
  33. http://www.aikyn.kz/index.php?option=com_content&task=view&id=10826&Itemid=37
  34. http://www.aikyn.kz/index.php?option=com_content&task=view&id=9674&Itemid=62
  35. http://www.aikyn.kz/index.php?option=com_content&task=view&id=8032&Itemid=62
  36. http://www.aikyn.kz/index.php?option=com_content&task=view&id=4568&Itemid=62
  37. http://www.aikyn.kz/index.php?option=com_content&task=view&id=3971&Itemid=62
  38. http://www.aikyn.kz/index.php?option=com_content&task=view&id=3286&Itemid=62
  39. http://www.aikyn.kz/index.php?option=com_content&task=view&id=1170&Itemid=44
  40. http://www.egemen.kz/?p=334249
  41. http://www.halyksozi.kz/news/view/id/931
  42. http://www.halyksozi.kz/news/view/id/1639
  43. http://www.alashainasy.kz/person/6638/
  44. http://www.alashainasy.kz/person/3270/

Сыртқы сілтемелер[өңдеу]