Руслан Фатихұлы Жақсылықов

Руслан Фатихұлы Жақсылықов
Жақсылықов, 2023 жыл
Лауазымы
Ту Қорғаныс министрі Ту
19 қаңтар 2022 жылдан бастап
Президент	Қасым-Жомарт Тоқаев
Премьер-Министр	Әлихан Смайылов Олжас Бектенов
Ізашары	Мұрат Бектанов
Ту Ішкі істер министрінің орынбасары – Ұлттық ұланның бас қолбасшысы Ту
қыркүйек 2021 — 19 қаңтар 2022
Президент	Қасым-Жомарт Тоқаев
Премьер-Министр	Асқар Мамин Әлихан Смайылов
Ту Ұлттық ұланның бас қолбасшысы Ту
9 сәуір 2008 — 19 қаңтар 2022
Президент	Нұрсұлтан Назарбаев Қасым-Жомарт Тоқаев
Премьер-Министр	Кәрім Мәсімов Серік Ахметов Кәрім Мәсімов Бақытжан Сағынтаев Асқар Мамин
Ізашары	Қайырбек Сүлейменов
Ізбасары	Еркін Ботақанов
Ту Ішкі әскерлер қолбасшысының бірінші орынбасары Ту
2007 — 2008
Президент	Нұрсұлтан Назарбаев
Премьер-Министр	Даниал Ахметов Кәрім Мәсімов
Өмірбаяны
Білімі	1) Алматы жоғары жалпыәскерлік қолбасшылық мектебі (1987) 2) М.В.Фрунзе атындағы Әскери академия (1996) 3) РФ Қарулы Күштері Бас штабының Әскери академиясы (2004)
Дүниеге келуі	4 наурыз 1966 (1966-03-04) (58 жас) Қаскелең, Алматы облысы, Қазақ КСР, КСРО
Сайты	ҚР Қорғаныс министрлігі
Әскери қызметі
Қызмет еткен жылдары	1983 жылдан бері
Әскер түрі	1) Мотоатқыштар әскерлері 2) Ішкi iстер министрлігiнің iшкi әскері
Атағы	генерал-лейтенант (2022)
Шайқасы	Ауған соғысы
Марапаттары

Руслан Фатихұлы Жақсылықов (4 наурыз 1966 жыл, Қаскелең, Алматы облысы) — қазақстандық мемлекеттік және әскери қайраткер, генерал-полковник, педагогика ғылымдарының кандидаты, 2022 жылғы 19 қаңтардан бастап Қазақстанның Қорғаныс министрі.

Өмірбаян

И.С.Конев атындағы Алматы жоғары жалпы әскери училищесін (1987), М.В.Фрунзе атындағы Әскери академияны (1996), РФ ҚК Бас штаб Әскери академиясының Жоғары академиялық курсын (2004) бітірді. Әскери училищеден кейін мотоатқыштар және барлау взводының, ротасының командирі, Алматы қаласы әскери бөлім барлаушыларының бастығы.

• 1996–2006 жылдары ҚР ИМ ІӘ жеке құрама бастығының орынбасары - штаб бастығы, жеке жедел, арнайы моторландырылған полк, құрама командирі сияқты әртүрлі кызметтер атқарды.
• 2006–2007 — ІІМ Ішкі әскерлер қолбасшысының орынбасары.
• 2007–2008 — Ішкі әскерлер қолбасшысының бірінші орынбасары – ІІМ Ішкі әскерлер Бас штабының бастығы.
• 4 қыркүйек 2008 жылы — ІІМ Ішкі әскерлер қолбасшысы.
• 22 қаңтар 2013 — ІІМ Ішкі әскерлердің бас қолбасшысы.
• 2014 — генерал-лейтенант атағын алып, Ұлттық ұланының Бас қолбасшысы міндетін атқарды.
• 2022 жылғы 19 қаңтарда Президент жарлығымен Қорғаныс министрі болып тағайындалды.

Марапаттары

2017 жылы Қазақстан І, ІІ дәрежелі «Даңқ» ордендерімен марапатталды

КСРО, ТМД және Қазақстанның медальдарымен марапатталған

Сын

Жақсылықов өзінің оғаш, «біртүрлі» пікір мен тұжырымдары үшін белгілі, мысалы өзін сынағандарға оның «өкпелесең көшіп кет!» дегені бар.

2022 жылғы 21 сәуірде министр Жақсылықов «Қазақ тілінде неліктен сұхбат бермейсіз?» деген сұраққа қазақ тілін меңгермегендерді «ренжітпеу үшін» қазақша сұхбат бермейтінін мәлімдеді және осы сөзі үшін сынға алынды. Бірнеше адам оның бұл шешімін мемлекеттік тілді төмендетуі деп көрді де, депутат Қазыбек Иса оның зейнетке кеткенін талап етті. Жақсылықовтың «патриот болу үшін қазақ тілін білу міндет емес» дегені бар.