Қазақстан Республикасы білім және ғылым министрлігінің Жоғары аттестациялық комитеті

Уикипедия — ашық энциклопедиясынан алынған мәлімет
Навигацияға өту Іздеуге өту

Қазақстан Республикасы Білім және ғылым министрлігінің Жоғары аттестациялық комитеті (ЖАК) (2001-2004) ҚР Үкіметінің 2001 ж. 16 қаңтардағы қаулысымен [1] ҚР Білім және ғылым министрлігі Жоғары аттестациялық комиссиясының қайта ұйымдастырылуының нәтижесінде құрылды. ҚР Үкіметінің 2001 ж. 20 ақпандағы қаулысымен [2] комитет туралы ереже және оның құрылымы бекітілді. Жоғары аттестациялық комитеті ҚР білім және ғылым министрлігі құзіреті шегінде жоғары білікті ғылыми және ғылыми-педагогикалық кадрларды аттестациялау саласында арнайы атқару, бақылау-қадағалау және салааралық үйлестіруді жүзеге асырған ведомство болып табылды. Жоғары аттестациялық комитетің негізгі міндеттері мыналар болды: жоғары білікті ғылыми және ғылыми-педагогикалық кадрларды аттестациялау саласында мемлекеттік саясатты әзірлеуге және іске асыруға қатысу; қысқа мерзімді және ұзақ мерзімді кезеңге арналған жоғары білікті ғылыми және ғылыми-педагогикалық кадрларды аттестациялау жүйесін дамытудың жоспарлары мен болжамдарын әзірлеу; қызметті үйлестіру, диссертациялық және сараптамалық кеңестердің желісін қалыптастыру және бақылау; бірыңғай талаптарға сәйкес ғылыми дәрежелер мен ғылыми атақтар беру туралы аттестациялық істер қарауды мемлекеттік реттеу; ғылыми және ғылыми-техникалық жобаларға, бағдарламаларға сараптама жүргізуте қатысу.

Комитеттің құрылымы мынадай болды[өңдеу | қайнарын өңдеу]

Басшылық; жоғары білікті кадрларды даярлау және құжаттарды ресімдеу басқармасы; физика-математика, техника ғылымдары, жер және ғарыш туралы ғылымдар жөніндегі бөлім; медицина, ауыл шаруашылығы және ветеринарлық ғылымдар жөніндегі бөлім; химия және биология ғылымдары жөніндегі бөлім; гуманитарлық ғылымдар жөніндегі бөлім; бағдарламаларды, жобаларды сараптау бөлімі; қаржы-экономикалық бөлім; ұйымдастыру бөлімі. ҚР Президентінің 2004 ж. 29 қыркүйектегі Жарлығымен [3] ҚР Үкіметінің 2004 ж. 28 қазандағы қаулысымен [4] комитет ҚР Білім және ғылым министрлігінің Білім және ғылым саласындағы қадағалау және аттестаттау комитеті болып қайта құрылды, оған министрліктің бақылау-қадағалау және реттеу функциялары берілді.[5]

Дереккөздер[өңдеу | қайнарын өңдеу]

  1. ↑ "Қазақстан Республикасы Білім және ғылым министрлігінің "Жоғары аттестациялық комиссиясын" қайта ұйымдастыру туралы" ҚР Үкіметінің 2001 ж. 16 қаңтардағы № 61 қаулы- сы (ҚР ПҮАЖ, 2001, № 1-2, 16-бап).
  2. ↑ "Қазақстан Республикасы Білім және ғылым министрлігінің Жоғары аттестациялық комитетінің мәселелері" ҚР Үкіметінің 2001 ж. 20 ақпандағы № 257 қаулысы (ҚР ПҮАЖ, 2001, № 7, 78-бап).
  3. ↑ "Қазақстан Республикасының мемлекеттік басқару жүйесін одан әрі жетілдіру жөніндегі шаралар туралы" ҚР Президентінің 2004 ж. 29 қыркүйектегі № 1449 Жарлығы (ҚР ПҮАЖ, 2004, № 36, 474-бап).
  4. ↑ "Қазақстан Республикасы Білім және ғылым министрлігінің мәселелері" ҚР Үкіметінің 2004 ж. 28 қазандағы № 1111 қаулысы (ҚР ПҮАЖ, 2004, № 40, 522-бап).
  5. ↑ Қазақстан Республикасының мемлекеттік билік органдары (2001-2005 жж.) Анықтамаламық: Екінші шығарылым./Қазақстан Республикасы Президентінің Мұрағаты. – Жауапты редактор: В.Н. Шепель; Алматы: “Эдельвейс” Баспа үйі: 2007. ISBN 9965-602-37-9
«https://kk.wikipedia.org/w/index.php?title=Қазақстан_Республикасы_білім_және_ғылым_министрлігінің_Жоғары_аттестациялық_комитеті&oldid=2068650» бетінен алынған