Шуаштар

Шуаштар - түркі тілдес халық. Ресей құрамына кіретін Шуашстан Республикасының халқының негізін құрайды. 2002 жылғы халық санағы бойынша Ресейде 1 637 200 шуаш тұрған, солардың 889 268 Шуашстанда. Шуаштар Башқұртстанда, Татарстанда, Самара, Ульяновск, Тюмень, Ростов, Волгоград, Кемерово, Орынбор, Мәскеу облыстарында, Красноярск өлкесінде, Мәскеу қаласында тұрады. Жалпы дүние жүзінде 1 800 000-тан астам шуаш бар. Қалған шуаштардан көбі Украина, Қазақстан және Эстонияда тұрады.

Шуаштар Шуашстанда тұратын халықтың 67% құрайды.

Шуаш халқының атауы бұлғарлардың сувар немесе суваз тайпа одағының атауынан пайда болған болвп саналады. Ал олар савирлардан шыққаны туралы мәлімет бар.

Қазіргі таңда шуаштардың арасында православ христиандар, мұсылмандар бар. Өз нанымдарын сақтаған да шуаштар бар, олар негізінде Татарстанда, Башқұртстанда, Шуашстаннан тыс жерде шағын шуаш елді мекендерінде тұрады.