Қазақстан Республикасы Индустрия және сауда министрлігінің Шағын бизнесті қолдау жөніндегі комитеті

Уикипедия — ашық энциклопедиясынан алынған мәлімет
Jump to navigation Jump to search

Қазақстан Республикасы Индустрия және сауда министрлігінің Шағын бизнесті қолдау жөніндегі комитеті (2002-2004)

ҚР Президентінің 2002 ж. 28 тамыздағы Жарлығымен[1] ҚР Үкіметінің 2002 ж. 12 қыркүйектегі қаулысымен құрылды. ҚР Үкіметінің 2002 ж. 18 қарашадағы қаулысымен[2] комитет туралы ереже мен оның құрылымы бекітілді. Ережеге сәйкес комитет ҚР Индустрия және сауда министрлігінің құзіреті шегінде және ҚР заңнамасына сәйкес шағын бизнес (кәсіпкерлік) саласында арнайы атқару және бақылау-қадағалау функцияларын, сондай-ақ шағын бизнесті (кәсіпкерлікті) мемлекеттік қолдау саласында салааралық үйлестіруді жүзеге асыратын ҚР Индустрия және сауда министрлігінің ведомствосы болып табылды.

Агенттіктің негізгі міндеттері мыналар болды: шағын бизнесті (кәсіпкерлікті) мемлекеттік қолдау; шағын бизнесті (кәсіпкерлікті) қолдауға бағытталған орталық және жергілікті атқарушы органдардың іс-қимылын үйлестіру; шағын бизнес (кәсіпкерлік) субъектілерінің құқығын қорғауға бағытталған зандардың сақталуына бақылауды жүзеге асыру; шағын кәсіпкерлікті қолдаудың әдістерімен сызбаларын әзірлеуге қатысу және енгізу.

Комитеттің құрылымы[3] мынадай болды: басшылық; шағын бизнесті (кәсіпкерлікті) үйлестіру және қорғау басқармасы; шағын бизнесті (кәсіпкерлікті) дамытудың стратегиясы басқармасы.

ҚР Президентінің 2004 ж. 29 қыркүйектегі Жарлығына[4] сәйкес комитет ҚР Үкіметінің 2004 ж. 26 қарашадағы қаулысымен[5] таратылды, оның штат саны мен мемлекеттік мүлкі ҚР Индустрия және сауда министрлігінің орталық аппаратына берілді.[6]

Дереккөздер[өңдеу]

  1. "Қазақстан Республикасының мемлекеттік басқару жүйесін одан әрі жетілдіру шаралары туралы" ҚР Президентінің 2002 ж. 28 тамыздағы № 931 Жарлығы (ҚР ПҮАЖ, 2002 ж. №28, 307-бап).
  2. "Қазақстан Республикасы Индустрия және сауда министрлігінің мәселелері" ҚР Үкіметінің 2002 ж. 12 қыркүйектегі № 996 қаулысы (ҚР ПҮАЖ, 2002 ж. № 30, 330-бап).
  3. "Қазақстан Республикасы Индустрия және сауда министрлігінің кейбір мәселелері" ҚР Үкіметінің 2004 ж. 26 қарашадағы № 1237 қаулысы (ҚР ПҮАЖ, 2004 ж. № 47, 586-бап).
  4. "Қазақстан Республикасы Индустрия және сауда министрлігінің кейбір мәселелері" ҚР Үкіметінің 2002 ж. 18 қарашадағы № 1220 қаулысы (ҚР ПҮАЖ, 2002 ж. № 41, 414-бап).
  5. "Қазақстан Республикасының мемлекеттік басқару жүйесін одан әрі жетілдіру жөніндегі шаралар туралы" ҚР Президентінің 2004 ж. 29 қыркүйектегі № 1449 Жарлығы (ҚР ПҮАЖ, 2004 ж. № 36 474-бап).
  6. Қазақстан Республикасының мемлекеттік билік органдары (2001-2005 жж.) Анықтамаламық: Екінші шығарылым./Қазақстан Республикасы Президентінің Мұрағаты. – Жауапты редактор: В.Н. Шепель; Алматы: “Эдельвейс” Баспа үйі: 2007. ISBN 9965-602-37-9